Հին<երորդ՝ Սարդեսի եկեղեցուն ուղղված նամակը սկսվում է այս խոսքերով. «Այսպես է ասում Աստծո յոթ Հո իներն ու յոթ աստղերն ունեցողը. գիտեմ քո գործերը, որ անուն ունես, թե կենդանի ես, բայց մեռած ես: Արթուն եղիր և հաստատիր մնացածներին, որ մեռնելու մոտ են, որովհետև քո գործերն իմ Աստծո առաջ կատարյալ չգտա: Արդ հիշի՛ր, թե ինչպես ընդունեցիր և լսեցիր, և պահի՛ր ու ապաշխարի՛ր, իսկ եթե արթուն չլինես, ես քեզ վրա գողի պես կգամ, և չես իմանա, թե որ ժամին կգամ քեզ մոտ» (Հայտն.3:1-3): Այս եկեղեցու ժամանակաշրջանը համընկնում է Ռեֆորմացիայի սկզբի հետ: Տեսեք, թե ինչ կշտամբանք է ուղղված նրան այստեղ: Եկեղեցին կարող է կենդանի լինելու համբավ ունենալ, բայց հոգևորապես մեռած լինել: Հնարավոր է առերևույթ հոգևոր կյանք ունենալ, նույնիսկ կիրառել Հոգու պարգևները, բայց միայն Աստծո Հոգին կարող է դրսևորել աստվածային կյանքը: Հոգու օծությունը կատարվում է հոգևոր ոլորտում, մինչդեռ Սուրբ Հոգով վերստին ծնունդը կատարվում է մեր անձերում: Հետո հնչում է հրավերը արթուն մնալու և հաստատելու մնացածներին, որ մեռնելու մոտ են, որովհետև այդ եկեղեցու գործերը կատարյալ չէին Աստծո առաջ: «Արդ հիշի՛ր, թե ինչպես ընդունեցիր և լսեցիր, և պահի՛ր ու ապաշխար՛իր» (հ.3): Մինչդեռ այն ժամանակ էլ կար մի փոքր խումբ, որը տարբերվում էր այսպես կոչված «հավատացյալների» մեծ բազմությունից: «Բայց Սարդեսում էլ մի քանի անձինք ունես, որոնք իրենց հագուստները չկեղտոտեցին, և նրանք ինձ հետ սպիտակ հանդերձներով ման կգան, որովհետև արժանի են» (հ.4): Այս շրջանի համար արված խոստումը մեկ անգամ էլ է հաստատվում. «Ով որ հաղթի, նա սպիտակ հագուստներ կհագնի, և նրա անունը կյանքի գրքից չեմ ջնջի. և նրա անունը կդավանեմ իմ Հոր առաջ ու նրա հրեշտակների առաջ» (Հայտն.3:5): Ուրեմն հնարավոր է, որ Կյանքի Գրքում արդեն գրված անունը ջնջվի: Բայց «Գառան Կյանքի Գրքում» գրված անունը չի կարող ջնջվել: Գրքերից մեկը վերաբերում է կանչվածներին, մյուսը՝ ընտրյալներին: Երբ Իսրայելը տրվեց կռապաշտության, Տերն ուզում էր նրա անունը ջնջել Կյանքի Գրքից, բայց Մովսեսը կանգնեց խրամատում՝ ժողովրդի համար բարեխոսելու համար: Նա ուզում էր, որ ներվեն մեղքերը նրանց, ովքեր պարել էին ոսկե հորթի շուրջը, որին անվանում էին իրենց աստվածը: «Բայց հիմա եթե նրանց մեղքերը ներես, ներիր, եթե ոչ՝ աղաչում եմ ջնջիր ինձ քո գրած գրքից: Եվ Եհովան ասաց Մովսեսին. «Ով որ ինձ դեմ մեղանչել է, ես նրան կջնջեմ իմ գրքից» (Ելից 32:32,33): Բոլոր հավատացյալների համար ուժի մեջ է մնում այն, որ ոչ թե ճանապարհորդության սկզբում, այլ վերջում է տեղի ունենում թագադրումը: Սարդեսի եկեղեցու շրջանը տևել է մինչև մոտավորապես Ք.Հ. 1750 թվականը: