Միսսիոներ՝ Էվալդ Ֆրանկ
Որդու մեջ Աստծո որդիներ և դուստրեր դարձած
Որդու մեջ Աստված, որը Հայր է դարձել Որդու ծնունդով, ընդունեց Իր բոլոր որդիներին և դուստրերին: Սա է Նրա փրկության ծրագրի նպատակը. այդպես է Նա կամեցել: Իր ստեղծած որդին՝ Ադամը, անհնազանդ եղավ, և այդպիսով մահվան զավակ դարձավ, և Ադամի ողջ սերունդը մահվան զավակ է: Ամեն մարդ գիտի՝ այս աշխարհում ոչինչ այնքան հաստատ չէ, որքան մահը: Միածին Որդին՝ վերջին Ադամը, ընդհակառակը, հնազանդ եղավ մինչև խաչի մահը: Այդպես Նա իրականացրեց փրկագնումը, և, որպես Միջնորդ Աստծո և մարդկանց միջև, իրականացրեց հաշտեցումը: Նա մահվան մատնվեց՝ մահին հաղթելու համար: Իր հարությամբ հաղթեց մահին, դժոխքին և գերեզմանին:
Գրված է. «Եվ այնպես կլինի, որ այնտեղ, ուր նրանց ասվեց՝ «Դուք իմ ժողովուրդը չեք», այնտեղ նրանք կենդանի Աստծո որդիներ կկոչվեն» (Հռոմ.9:26, Ովսե 2:1):
Աստծո հայտնությունը Որդու մեջ ամենամեծ նշանակությունն ու նպատակն ուներ՝ որ Նրանով Աստծո որդիներ և դուստրեր դառնանք: Փրկչից հետո (եզակի թվով)՝ «Ես նրան Հայր կլինեմ, և նա ինձ որդի կլինի…» (2 Թագ.7:14, Եբր.1:5), խոսքը վերաբերում է փրկագնվածներին (հոգնակի թվով)՝ «Եվ ես ձեզ Հայր կլինեմ, և դուք ինձ որդիներ ու դուստրեր կլինեք»,— ասում է Ամենակալ Տերը» (2 Կորնթ.6:18): Նույն Սուրբ Հոգին, որի միջոցով ծնվեց Որդին, մեր մեջ Աստծուց եկող նոր կյանքի ծնունդ է բերում և մենք վերստին ծնունդ ենք ունենում (1 Հովհ.5:4): Աստծո Որդին Անդրանիկն է շատ եղբայրների մեջ. Նրանում Իրեն պատկանողները դրվում են «Հայր–որդի» հարաբերության մեջ: «…բայց դու Իմ եղբայրների մոտ գնա ու ասա նրանց. «Ես իմ Հոր ու ձեր Հոր մոտ
եմ բարձրանում, իմ Աստծո ու ձեր Աստծո մոտ» (Հովհ.20:17):
Որդու մեջ է Նա մեզ ընդունել: Գրված է. «Որովհետև վայել էր Նրան, որի համար է ամեն բան, և որով է ամեն բան, որպեսզի շատ որդիների փառքի տանելիս նրանց փրկության առաջնորդին չարչարանքով կատարեր: Որովհետև թե՛ սրբացնողը և թե՛ սրբացվողները բոլորը մեկից են. և այդ պատճառով ամոթ չի համարում նրանց եղբայր կոչել…» (Եբր.2:10,11):
«Մեզ առաջուց սահմանեց, որ Հիսուս Քրիստոսի միջոցով իրեն որդեգիր լինենք՝ իր կամքի հաճությամբ» (Եփես.1:5):
«Որովհետև նրանց, ում առաջուց ճանաչեց, առաջուց էլ սահմանեց Իր Որդու պատկերին կերպարանակից լինել, որպեսզի նա անդրանիկը լինի շատ եղբայրների մեջ» (Հռոմ.8:29 և այլ համարներ):
Միսսիոներ՝ Էվալդ Ֆրանկ