Միսսիոներ՝ Էվալդ Ֆրանկ
Խորին հարգանք մեծ խորհրդի հանդեպ
Իրականում սա բացահայտված և միևնույն ժամանակ ծածկված խորհուրդ է: Ինչպես, որ ողջ արարչության մեջ կյանքը տեսնում ենք միայն իր դրսևորումներով, բայց կյանքն ինքնին չենք տեսնում, այնպես էլ՝ Աստծուն Քրիստոսի մեջ: Մենք չենք տեսնում Աստծուն որպես Հոգի, բայց տեսնում ենք Նրա հայտնությունը. «Ով ինձ տեսավ, Հորը տեսավ»:
Պողոսը խորին հարգանք ուներ Բարձրյալի առաջ: Նա այսպես է ներկայացնում այս զորավոր խորհուրդը. «Աստվածապաշտության խորհուրդը հայտնապես մեծ է. Աստված մարմնի մեջ հայտնվեց, Հոգով արդարացավ,
երևաց հրեշտակներին, քարոզվեց հեթանոսներին, հավատով ընդունվեց աշխարհում ու փառքով համբարձվեց» (1 Տիմ.3:16):
Հռոմ.1:1–4 համարներում առաքյալն այսպես է ներկայացնում իր վկայությունը. «Պողոս՝ Հիսուս Քրիստոսի ծառա, առաքյալ լինելու կանչված, Աստծո Ավետարանի համար ընտրված, այն, որ սուրբ գրքերում նախապես իր մարգարեների միջոցով խոստացավ Իր Որդու մասին, որ մարմնական կողմից Դավթի սերնդից եղավ և սրբության Հոգու կողմից զորությամբ Աստծո Որդի լինելը հայտնվեց՝ մեռելներից հարություն առնելով մեր Տեր Հիսուս Քրիստոսի համար»:
Հռոմ. 9–րդ գլխում նա հստակորեն ներկայացնում է աստվածային ոլորտը. «Որոնք իսրայելացի են. նրանցն են և՛ որդեգրությունը, և՛ փառքը, և՛ ուխտերը, և՛ օրենսդրությունը, և՛ պաշտամունքը, և՛ խոստումները, նրանցն են հայրերը, որոնցից է Քրիստոսը մարմնի կողմից, որը բոլորի վրա Աստված է հավիտյանս օրհնյալ. ամեն» (Հռոմ.9:4,5):
Աստծո Որդին աստվածապաշտության խորհրդի նշանակությունը շեշտում է այս խոսքերով. «Գոհանում եմ քեզանից, ո՛վ Հայր, երկնքի ու երկրի Տեր, որ իմաստուններից ու գիտուններից այս բաները ծածկեցիր և մանուկներին հայտնեցիր: Այո՛, ո՛վ Հայր. որովհետև այսպես հաճելի եղավ քո առաջ: Ամեն բան ինձ իմ Հորից տրվեց, և Որդուն ոչ ոք չի ճանաչում, բացի Հորից և Հորը ոչ ոք չի ճանաչում, բացի Որդուց և ում որ Որդին կուզենա հայտնել» (Մատթ.11:25–27, Ղուկ.10:21,22): Նա ուզում է հայտնությունը տալ, բայց մենք պետք է պատրաստ լինենք այն ընդունելու:
Միսսիոներ՝ Էվալդ Ֆրանկ