Այժմ կարևորն այն է, որ մասնակցենք այն գործին, որն Աստված հիմա է անում և ամեն բան ճիշտ հասկանանք (Մատթ. 13:51): Ամենակարևորն այն է, որ Հին Կտակարանի աստվածաշնչյան մարգարեությունները ճիշտ միացնենք Նոր Կտակարանում դրանց իրականացման հետ: Նոր Կտակարանում Հին Կտակարանի 800 մեջբերում կա, որոնցից 186-ը Սաղմոսաց գրքից են: Մեր Տիրոջ ասած 52 առակներից քառասունը վերաբերում են Աստծո թագավորությանը: Դրանցից յոթը գրված են Մատթ. 13-րդ գլխում: Նա հարցրեց Իր աշակերտներին. «Այս բոլոր բաները հասկացա՞ք»: Ասացին Նրան. «Այո, Տեր»: Նրանց է վերաբերում այս երանության խոսքը. «Բայց երանելի են ձեր աչքերը, որ տեսնում են, և ձեր ականջները, որ լսում են: Որովհետև ճշմարիտ եմ ասում ձեզ, որ շատ մարգարեներ ու արդարներ ցանկացան տեսնել, ինչ որ տեսնում եք, բայց չտեսան, և լսել, ինչ որ լսում եք, բայց չլսեցին»: Ինչպես եղել է Քրիստոսի առաջին գալստի ժամանակ, այնպես էլ հիմա է՝ Նրա երկրորդ գալստից առաջ: «Եվ ասաց նրանց. «Սրանք այն խոսքերն են, որ նախապես ձեզ ասացի, երբ ձեզ հետ էի, թե պետք է, որ կատարվի այն ամենը, ինչ գրված է Իմ մասին Մովսեսի օրենքում, մարգարեներում ու սաղմոսներում» (Ղուկաս 24:44): Նույն կերպ, այն ամենը, ինչ խոստացվել է Եկեղեցուն, պիտի կատարվի: Երանի այն աչքերին, որոնք տեսնում են, այն ականջներին, որոնք լսում են, այն սրտերին, որոնք հավատում են: Ամեն: