Բրանհամ եղբայրը ավելի քան հարյուր անգամ հիշատակել է Ղուկաս 17:30 համարը. «Նույն կերպ էլ այն օրը կլինի, երբ Մարդու Որդին կհայտնվի»: Մենք պետք է ուշադրություն դարձնենք այս երկու խոսքերին՝ «երբ Նա հայտնվում է» և «երբ Նա գալիս է»: Մեր ժամանակներում Աստծո Որդին հայտնվեց այնպես, ինչպես անցյալում, երբ Նա քայլում էր երկրի վրա: Նա Կրակի Սյունով իջավ ինչպես Մովսեսի ժամանակներում. Բրանհամ եղբայրը դա ապրեց հազարից ավելի հավաքույթների ժամա- նակ: Մինչդեռ դա Տիրոջ վերադարձը չէր, այլ հավաքույթների ժամանակ հաստատվում էր Նրա գերբնական ներկայությունը: 1962 թվականի հուլիսի 28-ին Բրանհամ եղբայրն ասաց. «Մինչև ձեզ հրաժեշտ տալը խնդրում եմ, ուշադրություն դարձրեք այս երկու բառերին: Քրիստոսի հայտնությունը և Քրիստոսի վերադարձը երկու տարբեր բաներ են: Այժմ Քրիստոսը հայտնվում է Իր զորության լիությամբ, Նրա գալուստը կլինի հետո»: Մեր ժամանակներում ժամի պատգամը նախորդում է Քրիստոսի վերադարձին: 2013 թվականի հունիսին լրացավ 80 տարին այն օրվա, երբ հնչեց ԱՅՍՊԵՍ Է ԱՍՈՒՄ ՏԵՐԸ խոսքը. «Ինչպես Հովհաննես Մկրտիչն ուղարկվեց Քրիստոսի առաջին գալստից առաջ, դու կուղարկվես մի պատգամով, որը կպատրաստի Քրիստոսի երկրորդ գալուստը»: 1960 թվականի փետրվարի 10-ին Բրանհամ եղբայրն ասաց. «Ոչ թե ես եմ սուրհանդակը, այլ պատգամն է լինելու սուրհանդակը»: 1963 թվականի հունվարի 15-ին ասաց. «Այժմ գալիս է այն ժամը, երբ ինչ-որ բան է լինելու: Պատգամը գնալու է ուրիշ ազգի, ուրիշ ժողովրդի մոտ: Ամերիկայի եկեղեցին համարյա կանչված է»: 1958 թվականի հունիսի 12-ին Թեքսաս նահանգի Դալլաս քաղաքում, այն բանից հետո երբ Բրանհամ եղբայրն ինձ ասաց. «Ֆրանկ եղբայր, դու այս պատգամով կվերադառնաս Գերմանիա», դրանից մոտ մեկ ժամ անց, քարոզի սկզբում նա ասաց. «Քիչ առաջ Գերմանիայից մի եղբայր ողջագուրեց ինձ»: 1963 թվականի հունվարի 18-ին ավելացրեց. «Գուցե իմ տուն գնալու ժամանակն է: Թվում է, ամեն ինչ այդ ուղղությամբ է գնում: Եթե այդպես է, ինձանից հետո կգա մեկը և կշարունակի այս պատգամը տանել: Դա առանձնահատուկ անձնավորություն կլինի: Բայց նա հետո կգա և կշարունակի տանել այս պատգամը»: Նույն Բրանհամ եղբայրը 1962 թվականի դեկտեմբերի 3-ին ինձ ասաց. «Կերակուրը բաժանելու համար սպասիր, մինչև մնացածն էլ ստանաս: Ֆրանկ եղբայր, Տերը քեզ կանչել է Իր Խոսքը քարոզելու»: Այն բանից հետո, երբ Տերը վերցրեց պատգամաբերին, ես շարունակեցի պատգամը տանել մինչև երկրի ծայրերը, ինձ տրված հանձնարարության համաձայն: