Շատ «պատգամի հավատացյալներ» խոսում են միայն այն բաների մասին, ինչ կատարվել է մարգարեի ժամանակներում, բայց ոչ երբեք այն գործերի մասին, որոնք Աստված անում է հիմա: Դա մոլորեցնում է Աստծո ժողովրդին: Անցյալում Աստծո արած գործերը նախապատրաստական աշխատանք են հանդիսացել ներկայում կատարած Նրա գործերի համար: Բոլոր նրանք, ովքեր չեն հավատում, որ Բրանհամ եղբոր ծառայությունից հետո շարունակություն կա, որը հասցնելու է ավարտին, արհամարհանքով անցնում են դրա կողքով: Նրանց է ուղղված այս Խոսքը. «Տեսեք, անարգողներ և զարմացեք և կործանվեք, քանի որ Ես ձեր օրերում մի գործ եմ կատարում, մի գործ, որի մասին, եթե մեկը ձեզ ասեր, երբեք չպիտի հավատայիք» (Գործք 13:41): Քանի անգամ է Բրանհամ եղբայրը խոսել այդ մասին. «Մարդիկ խոսում են այն բաների մասին, ինչ Աստված արել է, սպասում են այն բաներին, ինչ Նա անելու է, բայց չեն նկատում այն, ինչ Նա անում է հիմա»: Դրան ավելանում է այն ուսմունքը, թե մարգարեն վերադառնալու է և շարունակելու է իր ծառայությունը վրանի տակ: Միայն նրանք ովքեր ճանաչում են Աստծո գործի շարունակությունը՝ ընդունելով այն, ինչ Նա անում է հիմա, իրոք ճանաչում են այն, ինչ Նա արել է անցյալում և կտեսնեն, թե ինչպես է Տերը վեր կենում և ավարտում Իր փրկագնման գործը, ինչպես ավարտեց արարչության գործը: «Որովհետև ինչպես Փարասին սարի վրա՝ վեր է կենալու Տերը և բարկանալու է, ինչպես Գաբավոնի ձորում, որ գործի Իր գործը՝ Իր օտարոտի գործը, և կատարի իր պաշտոնը՝ Իր տարօրինակ պաշտոնը» (Ես.28:21): «Որովհետև այսպես է ասում Զորաց Տերը. մեկ անգամ էլ, մի քիչ հետո կշարժեմ երկինքն ու երկիրը, և ծովն ու ցամաքը» (Անգե 2:6): «Որի ձայնը այն ժամանակ երկիրը շարժեց, իսկ հիմա խոստացել է, ասելով. «Մեկ անգամ ևս պիտի շարժեմ ոչ միայն երկիրը, այլ նաև երկինքը» (Եբր. 12:25): Գոհություն Աստծուն մեր ժամանակների համար խոստացված մարգարեի կանչման և հանձնարարության համար: Այն, ինչ մեր Տերն ասաց Մատթ. 10:40, 41 համարներում միշտ ուժի մեջ է. «Ով որ ձեզ ընդունում է, ինձ է ընդունում, և ով որ ինձ ընդունում է, ինձ ուղարկողին է ընդունում: Ով որ մարգարեի անունով է մարգարե ընդունում, նա մարգարեի վարձ կստանա, և ով որ արդարի անունով է արդար ընդունում, արդարի վարձ կստանա»: Մեր սրտերը դարձել են առաքյալների և մարգարեների իսկական հավատքին: Ամեն: Քրիստոսի Հարսը կլինի մաքուր Հարս-Խոսք, ինչպես Փեսան էր մարմին դարձած Խոսքը: Բրանհամ եղբայրը տեսավ, որ Հարսը ժամանակավոր դուրս եկավ շարքից և շատ ամոթալի կերպով վարվեց, բայց հետո վերադարձավ շարք: Դա կատարվում է բոլոր նրանց հետո, ովքեր լիովին ենթարկվում են Քրիստոսին՝ Եկեղեցու Գլխին: «Նրան տրվեց, որ սպիտակ, մաքուր և լուսափայլ բեհեզ հագնի (որովհետև բեհեզը սրբերի արդարությունն է)» (Հայտն. 19:8): «...պատրաստները նրա հետ հարսանիքի խնջույքի մտան. դուռն էլ փակվեց» (Մատթ. 25:10):