1 Թեսաղոնիկեցիս 4-րդ գլխի վերաբերյալ ուրիշ ի՞նչ տեղ կա թյուրիմացության կամ մեկնության համար: Մեզ պարզ ասվում է, որ Տերն Ինքն է իջնելու հրեշտակապետի ձայնով ու Աստծո փողով՝ հնչեցնելով ազդարարության հրամանը՝ մեռելներին արթնացնելու համար: Արդեն Իր համբարձման ժամանակ երկու հրեշտակներն ասացին. «Այս Հիսուսը, որ ձեր միջից երկինք համբարձվեց, նույն ձևով կգա, ինչպես որ Նրան տեսաք երկինք գնալիս» (Գործք 1:11): Սաղմոս 47:5 համարում գրված է. «Աստված ցնծության գոչյուններով վեր բարձրացավ, Տերը՝ շեփորի ձայնով»: Հենց այդպես է Տերը վերադառնալու:

Նրա փառավոր վերադարձի ժամանակ խոսվում է ազդարարության հրամանի մասին, որն արձակելու է մահին հաղթած Տերը, ով ասաց Ղազարոսի հարության ժամանակ. Ես եմ Հարությունը և Կյանքը...» և Հովհաննեսին ասաց Պատմոս կղզու վրա. «Մի՛ վախեցիր, ես եմ Առաջինն ու Վերջինը և կենդանի եղողը: Ես մեռած էի և ահա կենդանի եմ հավիտյ անս հավիտենից: Ամեն: Եվ դժոխքի ու մահվան բանալիներն ունեմ» (Հայտն.1:17-18): Քրիստոսի վերադարձի ժամանակ նախ Քրիստոսով մեռածները հարություն կառնեն, իսկ Նրանով ապրողները կփոխվեն և բոլորը միասին կհափշտակվեն ամպերով Տիրոջը դիմավորելու: Ամեն: Դա է ԱՅՍՊԵՍ Է ԱՍՈՒՄ ՏԵՐԸ:

Այդ ժամանակ կիրականան ներքոհիշյալ սուրբգրային համարներում գրվածները.

«Որովհետև ինչպես որ կայծակն արևելքից դուրս է գալիս ու մինչև արևմուտք երևում, այնպես էլ Մարդու Որդու գալուստը կլինի» (Մատթ. 24:27):

«Այն ժամանակ արտում երկու մարդ կլինեն. մեկը կվերցվի, իսկ մյուսը՝ կթողնվի» (Մատթ.24:40):

«Որովհետև ինչպես կայծակն է փայլատակում երկնքում և լույս է տալիս երկնակամարի մի ծայրից մինչև մյուս ծայրը, այնպես էլ կլինի Մարդու Որդին՝ Իր գալստյան օրը» (Ղուկաս 17:24):

«Ասում եմ ձեզ, այդ գիշեր, եթե մեկ անկողնում երկու հոգի լինեն, նրանցից մեկը պիտի վերցվի, մյուսը՝ թողնվի» (Ղուկաս 17:34):

«Եվ եթե Հիսուսին մեռելներից հարություն տվողի Հոգին բնակվում է ձեր մեջ, ապա Քրիստոսին մեռելներից հարություն տվողը ձեր մահկանացու մարմիններն էլ կկենդանացնի Իր Հոգով, որ բնակվում է ձեր մեջ»: (Հռոմ.8:11):