Որպես այս գրքույկի հեղինակ, ուզում են վերջում ավելացնել իմ անձնական վկայությունը՝ հուսալով, որ այն կարող է օգնել ինչ–որ մեկին: Ես հրաշալի առանձնաշնորհում ունեցա հանդիպելու Տիրոջը վաղ երիտասարդության շրջանում և հնարավորին չափ հաճախ էի մասնակցում Եվրոպայում և ԱՄն–ում տեղի ունեցող պաշտամունքներին և քրիստոնեական կոնֆերանսներին: 1949 թվականի Պենտեկոստեի օրից ի վեր տարբեր ամերիկացի քարոզիչներից և ավետարանիչներից հաճախ էի լսում Աստծո զորավոր գործերի մասին, որոնք գործվում էին քիչ առաջ հիշատակված Աստծո մարդու միջոցով: 1955 թվականի օգոստոսին ես առաջին անգամ կարողացա մեկ շաբաթով մասնակցել անսահմանորեն օրհնված հավաքույթներին, որը Ուիլյամ Բրանհամն անցկացնում էր Գերմանիայի Կարլսրուե քաղաքում: Այդ հավաքույթները խորը տպավորություն թողեցին իմ ողջ հոգևոր կյանքի վրա: 1958 թվականին Տեխասի Դալլաս քաղաքում տեղի ունեցած «Voice of Healing» միջազգային կոնֆերանսը հիշողությանս մեջ մնացել է որպես առանձնահատուկ գագաթնակետ: Ցերեկային հավաքույթներին քարոզում էին տարբեր ավետարանիչներ, իսկ երեկոյան ծառայությունների ժամանակ գլխավորապես քարոզում էր Աստծո այդ խոնարհ մարդը: Այն, ինչ ես տեսա այնտեղ և ԱՄՆ–ում ու Գերմանիայում նրա անցկացրած մյուս հավաքույթների ժամանակ, կարելի է համեմատել միայն մեր Տեր Հիսուս Քրիստոսի ծառայության հետ: 1962 թվականի ապրիլի երկուսին լուսաբացից քիչ առաջ ես մի արտասովոր փորձառություն ունեցա, երբ Տերը լսելի, հստակ ձայնով ինձ հանձարարություն տվեց: Նույն տարվա դեկտեմբերի 3–ին Բրանհամ եղբայրը երկու վկաների ներկայությամբ հայտնությամբ կրկնեց ճիշտ այն խոսքերը, որ Տերն ինձ ասել էր: Սրանով ես հասկացա, որ իմ ծառայությունը ուղղակիորեն կապված է Ուիլյամ Բրանհամի ծառայության հետ: 20 տարուց ավելի Ասիայի և Աֆրիկայի երկրներում և մասամբ Արևելյան Եվրոպայում (ներառյալ Ռուսաստանը) ճամփորդելուց հետո զգում եմ, որ եկել է ժամանակը հաղորդելու այն, ինչ կատարել է Աստված: Եթե ուշադիր կարդանք այն, ինչ ասվել է Բրանհամ եղբորը 1933 թվականի հունիսին, կտեսնենք, որ խոսքը իր անձի մասին չէր, որովհետև ասվեց. «...նույնպես դու կուղարկվես մի պատգամով, որը կպատրաստի Քրիստոսի երկրորդ գալուստը»: Աստված վերցրեց պատգամաբերին, բայց մեզ թողեց պատգամը: Այդ պատգամը Աստծո խոստացված Խոսքն է, այս ժամանակի համար հայտնությամբ տրված Խոսքը: Դա Արքայության Ավետարանի մի մասն է, Ավետարան, որ պետք է քարոզվի որպես վկայություն բոլոր ազգերին (Մատթ. 24:14, Յայտն. 14:6): Լրիվ Ավետարանն, անշուշտ, ներառում է նաև ժամանակների վերջի մարգարեական մասը: Մենք հիմա մտնում ենք վերջին փուլը, որի ընթացքում Եբր. 13:8, Յովհ. 14:12, Մարկ. 11:22,23 համարները և այլ սուրբգրային հատվածներ իրականություն կդառնան: Բրանհամ եղբայրը նորից ու նորից վկայակոչում էր այս երեք համարները: Նա իր ծառայության ընթացքում այս երեք համարների իրականացումը տեսել է բառացիորեն և անթիվ անգամներ: Հիսուս Քրիստոսից հետո ոչ ոք նման բան չէր տեսել: Մենք պետք է ուշադրություն դարձնենք այն փաստին, որ այս ամենը կատարյալ համաձայնության մեջ է Աստծո գրավոր Խոսքի հետ: Հարցն այն չէ, թե ընդունում կամ մերժում ենք մարդու, այլ թե ուզում ենք մասնակցել Աստծո գործին: Մենք պետք է ընդունենք այն փաստը, որ Աստված միշտ հայտնվել է պարզությամբ: Նրան պետք է հաշիվ տանք դատաստանի օրը, ոչ թե մարդուն: Այնտեղ, ուր հզոր և գերբնական հաստատում է եղել, բոլոր մարդկային փաստարկները ոչինչ են: Ես համոզված եմ, որ Խոսքի այս պատգամը, որ տրվել է մեզ եկեղեցու այս վերջին շրջանում, պատրաստում է Քրիստոսի երկրորդ գալուստը: Ամեն ճշմարիտ հավատացյալ կընդունի այն, կկատարի և կհասնի կատարելության: Մենք կարող ենք հուսալ, որ Աստված Հարս–Եկեղեցու միջոցով կկատարի զորավոր բաներ, որոնք խոստացել է: Հենց որ յուրաքանչյուրը անձամբ կգտնի իր տեղը Քրիստոսի Մարմնի մեջ, Տերը մեզ կմիացնի Իր հետ Իր Խոսքով և Իր Հոգով և ընտրյալներին կառաջնորդի բոլոր ժամանակների ամենամեծ հաղթության մեջ: Այնժամ գրված Խոսքը նրանց համար կդառնա ասված կենդանի Խոսք, որով կհայտնվի Աստծո զորությունը: Նրանք կպատկանեն հաղթողների խմբին, որոնց տրվել են Հայտնության գրքի 2–րդ և 3–րդ գլուխների խոստումները: Ինչպես խոստացված է Անգեայ 2:6 և Եբր. 12:26 համարներում, Աստված մեկ անգամ էլ կշարժի երկինքն ու երկիրը: Այն ժամանակ կկատարվի նաև Ովսէ 2:21 համարում գրվածը. «Այն օրը, կ՚ըսէ Տէրը, պատասխան պիտի տամ, Ես երկինքներուն պատասխան պիտի տամ ու անոնք երկրին պատասխան պիտի տան»: Այն ժամանակ հավատացյլաները կաղոթեն, ինչպես գրված է Զաքար. 10:1 համարում. «Վերջին անձրեւին ժամանակը. Տէրոջմէ անձրեւ խնդրեցէք»: Ինչպես ասվեց, դա կլինի նորոգման ժամանակ, որը խոստացվել է Հիսուս Քրիստոսի գալստից առաջ:(Գործք3:19) Եկել է հունձքի ժամանակը: Հունձքի Տերն այսօր ասում է նույնը, ինչ ասել է Իր աշակերտներին. «Հունձքը շատ է, բայց մշակները՝ քիչ: Արդ, հունձքի Տիրոջն աղաչեցեք, որ Իր հունձքի համար մշակներ ուղարկի» (Մատթ. 9:37,38): «Որովհետև Տերն արդարությամբ մի կարճ ու համառոտ բան կանի. Տերը երկրի վրա մի վճռական բան կանի»: (Հռովմ. 9:28) Հայր մեր, որ երկնքում ես, Սուրբ լինի Քո անունը, Քո արքայությունը գա, Քո կամքը լինի ինչպես երկնքում, Այնպես էլ երկրի վրա: Մեր ամեն օրվա հացը տուր մեզ այսօր, Եվ թող մեզ մեր պարտքերը, Ինչպես, որ մենք ենք թողնում մեր պարտապաններին, Եվ մեզ փորձության մի տանիր, այլ ազատիր մեզ չարից, Որովհետև Քոնն է թագավորությունը, զորությունն ու փառքը հավիտյանս: Ամեն