Նախկինում երբեք Աստծո Խոսքը այսպես չի քարոզվել աշխարհով մեկ 156 երկրների 650 քաղաքներում անձնական ճանապարհոր- դությունների և բազմաթիվ հեռուսատատեսային հաղորդումների միջոցով: Այսօր Տերը կկրկներ Մատթ. 24:14-ում ասածը և կավելացներ. ՙԱյս գրքում գրվածն այսօր կատարվեց, որ ձեր ականջներով լսեցիք՚: Հաճախ հազարից ավելի հավատացյալներ են գալիս ողջ Եվրոպայից Կրեֆելդի միսիոներական կենտրոնի հավաքույթներին, ոմանք էլ Աֆրիկայից և անդրօվկիանոսյան երկրներից: 172 երկրներից մոտ 1600 եկեղեցիներ ներկայումս միանում են համացանցով: Բոլորը կարող են ուղիղ միացումով լսել քարոզը 12 լեզուներով համաժամանակյա թարգմանությամբ: Բոլոր նրանք, ովքեր լսում են Աստծո Խոսքը և հավատում են, օրհնվում են և մասնակցում են Աստծո վերջին գործողությանը: Որքան որ հաստատ է, որ մաքուր աստվածային պատգամը հասնում է մինչև երկրի ծայրերը, նույնքան հաստատ է, որ Քրիստոսի վերադարձը մոտ է: Նրա վերադարձից առաջ Հարս-Եկեղեցին պետք է վերադառնա նույն միությանը, պետք է ամեն տեղ մեկ սիրտ և մեկ հոգի ունենա: Այժմ հնչող մաքուր պատգամի՝ արթնության կոչի արդյունքը կլինի մաքուր Հարս- Խոսքը, որը կներկայացվի Փեսային: Իսկ նա, ով բանտարկված է սխալ ուղիներում, հիմա կարող է ուղղվել (Հռոմ. 16:17-20): Բոլոր նրանք, ովքեր պատկանում են Հարս-Եկեղեցուն, պետք է միաբանվեն Աստծո սիրով, սրբանան Ճշմարտության Խոսքով և պատրաստվեն, որպեսզի մտնեն հարսանիքի սրահը Քրիստոսի վերադարձի ժամանակ (Մատթ. 25:10, Հայտն.19:7-9): Հարսի կատարելությունը կարող ենք թողնել սիրելի Փեսային: Այդ Նա է ավարտելու Իր գործը բոլոր նրանց մեջ, ովքեր պատկանում են Հարս- Եկեղեցուն: ՙ…Որպեսզի եկեղեցին իր առաջ փառավոր կանգնեցնի, որ որ մի արատ կամ խորշոմություն կամ ուրիշ բաներ չունենա, որ սուրբ ու անարատ լինի՚ (Եփես.5:27): Միայն կատարյալ սերն է մտնելու այնտեղ: ՙԵրանի նրանց, որ սրտով մաքուր են, որովհետև նրանք պիտի տեսնեն Աստծուն՚ : ՙԱրդ, Նրան, որ կարող է ձեզ հաստատել ըստ իմ ավետարանի և ըստ Հիսուս Քրիստոսի քարոզության, ըստ այն խորհրդի հայտնության, որ հավիտենական ժամանակներից ծածկված էր, բայց այժմ հայտնվեց, և մարգարեական Գրքերի միջոցով, հավիտենական Աստծո հրամանի համաձայն, ծանուցվեց բոլոր ազգերին՝ հավատի հնազանդության համար, միակ իմաստուն Աստծուն հավիտենական փառք՝ Հիսուս Քրիստոսի միջոցով: Ամեն՚ (Հռոմ. 16:25-27): Խնդրում եմ, մի մոռացեք. մենք Աստծո ժառանգորդներն ենք և Հիսուս Քրիստոսի ժառանգակիցները և սահմանված ենք Նրա հետ փառքի մեջ լինելու: ՙԻնչպես որ Նրա աստվածային զորությունը մեզ շնորհեց այն ամենը, ինչ կյանքի և աստվածապաշտության համար պետք է Նրա գիտու- թյամբ, ով մեզ կանչեց փառքով ու առաքինությամբ, որոնցով ամենամեծ ու պատվական խոստումներ են մեզ տրված, որպեսզի դրանցով աստվածային բնությանը հաղորդակից լինեք աշխարհում ցանկու- թյունից եկող ապականությունից հեռու փախչելով՚ (2 Պետր.1:3-4): Թող Աստծո օրհնությունները հանգչեն բոլորիդ վրա: Գործելով Աստծո հանձնարարությամբ՝ Էվալդ ֆրանկ