Բոլոր նրանք, ովքեր գիտեն Բրանհամ եղբոր ծառայության մասին, գիտեն, թե ինչ է արել Աստված մեր ժամանակներում, և թե ինչ է կատարվել 1963 թվականի փետրվարի 28-ին: Տեսիլքը, որի մասին հաճախ խոսել է Բրանհամ եղբայրը և որն ինձ անձամբ պատմեց 1962 թվականի դեկտեմբերին, կատարվեց այն ժամանակ: Տերը նրան հայտնվեց Սանսեթ լեռան վրա, Արիզոնայի Թուսոնի մոտ, յոթ հրեշտականերով շրջապատված գերբնական ամպի մեջ: Միաժամանակ յոթ ուժեղ որոտներ ցնցեցին ողջ շրջանը: Նրան ասվեց. «Վերադարձիր Ջեֆերսոնվիլ, որովհետև յոթ կնիքները պետք է բացվեն՚: Դոկտոր Ջեյմս Մակդոնալդի տված զեկույցը խորհրդավոր ամպի վերաբերյալ և լուսանկարը հրատարակվեցին Science» ամսագրում, 1963 թվականի ապրիլի 19-ին, ինչպես նաև ՙԼայֆ՚ ամսագրում, 1963 թվականի մայիսի 17-ին: 1963 թվականի մարտի 14-27-ը Բրանհամ եղբայրը Ջեֆերսոնվիլում քարոզեց յոթ կնիքների վերաբերյալ: Խոսքն այն հայտնության մասին էր, որ դեռ թաքնված էր Աստծո Խոսքում (Հայտն. 5): Նա բացատրեց, որ նորկտակարանյան Եկեղեցին ավարտվում է Լավոդիկեի ժամանակաշրջանով (Հայտն. 3), որը տևելու է մինչև Քրիստոսի վերադարձը, իսկ Հարսը նորից հայտնվելու է միայն Հայտն.19-րդ գլխում, հարսանիքի խնջույքի ժամանակ: Նրան նաև հայտնություն է տրվել, որ առաջին չորս կնիքները (Հայտն. 6:1-8) ցույց են տալիս Հակաքրիստոսին իր զարգացման չորս փուլերում, չորս ձիերին հեծած: Հինգերորդ կնիքում (Հայտն. 6:9-11) նրան հայտնություն տրվեց, որ այն սպանվածների հոգիները հրեա նահատակներն էին, որոնք պահել էին Խոսքի վկայությունը (Թորան՝ Մովսեսի հինգ գրքերը), ներառյալ վեց միլիոն հրեաները, որոնք սպանվեցին Հոլոքոստի ժամանակ, երրորդ Ռեյխում: Նրանք Տեր Աստծուց վրեժխնդրություն են խնդրում, մինչդեռ հավատացյալ քրիստոնյաներն աղոթում են իրենց թշնամիների ներման համար: Վեցերորդ կնիքը վերաբերում է հափշտակությունից հետո եղած ժամանակաշրջանին, մեծ նեղության ժամանակաշրջանին, ինչպես Բրանհամ եղբայրը մի քանի անգամ կրկնեց 1963 թվականի մարտի 23- ին: Նոյեմբերի 10-ին խոսել է այդ մասին և ասել. ՙՎեցերորդ կնիքի ժամանակ, երբ փողերը հնչում են, Նա լքում է շնորհաց գահը, որովհետև Նրա փրկագնման գործն ավարտված է՚: 1963 թվականի մարտին Գառնուկը չի լքել շնորհաց գահը, ինչպես ոմանք սխալ հասկացել են: Մենք դեռևս Շնորհքի ժամանակաշրջանում ենք. Ուխտի Արյունը դեռ շնորհաց գահի (Եբր. 4:16)` Ուխտի տապանակի վրա է (Ղևտ. 16:11-14, Եբր. 9:15-22), և մնալու է այնտեղ, մինչև Հայտնության 7-րդ գլխի մեծ բազմության մեջ գտնվողները իրենց զգեստները լվան և սպիտակեցնեն Գառնուկի Արյունով, մեծ նեղության ժամանակ: 1963 թվականի մարտին երկնքում կես ժամով լռություն չի եղել: 1963 թվականի մարտին Ուխտի Հրեշտակը (Հայտն. 10) չի իջել երկրի վրա, և իր ոտքերը չի դրել ցամաքի և ծովի վրա: 1963 թվականի մարտին Հայտն. 10-րդ գլխի յոթ որոտները իրենց ձայներով չեն խոսել: 1963 թվականի մարտին Բրանհամ եղբայրը հայտնություն ստացավ այն բաների վերաբերյալ, որոնց ցույց էին տրվել Հովհաննեսին, Պատմոս կղզում, երբ Գառնուկը վերցրեց խորհրդավոր Գիրքը: Գոհություն Աստծուն, որ ամեն բան հստակ կերպով լուսաբանվել է մեզ համար, այնպես, որ կարող ենք բացահայտված բաների իրականացումը ճիշտ դասավորել անցյալում, ներկայում և ապագայում: Կնիքները չեն բացահայտվելու հափշտակությունից հետո, ինչպես ոմանք սխալմամբ սովորեցնում են: Աստծո Շնորհքով դրանք արդեն հիմա հայտնի են Հարսին: Դանիել մարգարեին ասվել է. ՙԵվ դու, ո՜վ Դանիել, փակիր այս խոսքերը և կնքիր գիրքը մինչև վերջին ժամանակը. շատերը պիտի քննեն և գիտությունը պիտի շատանա՚ (Դանիել 12:4): Մենք վերջին ժամանակներում ենք ապրում և կարող ենք քննել Գիրքը, գոհանում ենք Աստծուց մեր ժամանակների համար տրված հայտնության համար: Ամեն: Բրանհամ եղբայրը կարդացել է առաջին վեց կնիքներից յուրաքանչյուրի վերաբերյալ աստվածաշնչյան հատվածը: Այն, ինչ կատարվում է վեցերորդ կնիքի ժամանակ (Հայտն. 6:12-17), մեզ պարզ ցույց է տալիս, որ դա լինելու է հափշտակությունից հետո. ՙՏեսա, երբ վեցերորդ կնիքը բաց արեց, ահա մեծ երկրաշարժ եղավ. արեգակը ազեղեն քրձի պես սևացավ, լուսինն էլ արյան պես եղավ...՚ (հ. 12): Վեցերորդ կնիքը վերջանում է այս խոսքերով. ՙՈրովհետև նրա բարկության մեծ օրը եկել է, և ո՞վ կարող է կանգնել՚ (հ.17): Հայտն. 1:7-8 համարներում հրաման է տրվում դատաստանի յոթ հրեշտակներին. ՙՎնաս մի՜ տվեք ո՜չ երկրին, ո՜չ ծովին և ո՜չ էլ ծառերին, մինչև որ մեր Աստծո ծառաների վրա, նրանց ճակատներին կնիք դնենք՚ (հ.3): Սա վերաբերում է Իսրայելի տասներկու ցեղերի միջից 144000-ի կնքմանը երկու վկաների երեքուկես տարի տևող ծառայության միջոցով (Հայտն. 11): Միայն դրանից հետո փողերի դատաստանները կարող են գալ երկրի վրա: 9-17 համարներում երևում է հավատացյալների անթիվ բազմությունը, որը պետք է անցնի մեծ նեղության միջով, և որը լվացել է իր զգեստը Գառնուկի Արյունով: Բրանհամ եղբայրն իր քարոզում չկարդաց յոթերորդ կնիքին վերաբերող աստվածաշնչյան հատվածը, այլ միայն Հայտնության 8-րդ գլխի առաջին համարը՝ երկնքում լռության մասին: Առաջին համարն ասում է. ՙԵրբ յոթերորդ կնիքը բաց արեց, երկնքում մոտ կես ժամի չափ լռություն եղավ՚: 2-րդ համարից մեզ պարզ է ասվում, թե ինչ է կատարվում այնուհետև. ՙԵվ տեսա այն յոթ հրեշտակներին, որ կանգնած էին Աստծո առաջ, և նրանց յոթ փող տրվեց՚ : Փողերի առաջին դատաստանի ժամանակ երկրի մեկ երրորդ մասը և ծառերի մեկ երրորդ մասն այրվեցին (հ. 7): Փողերի երկրորդ դատաստանի ժամանակ ծովի մեկ երրորդ մասն արյան վերածվեց (հհ. 8, 9): Փողերի երրորդ դատաստանի ժամանակ խոսվում է գետերի մեկ երրորդ մասի մասին (հհ. 10,11): Փողերի չորրորդ դատաստանի ժամանակ (հ. 12) զարկվում են արևի մեկ երրորդ մասը, աստղերի մեկ երրորդ մասը և աստղերի մեկ երրորդ մասը: Այնուհետև երեք անգամ ՙվայ՚ է ասվում երկրի բնակիչների համար և հնչում է նախազգուշացումը վերջին դատաստանների վերաբերյալ, որոնք պետք է հնչեցնեն երեք հրեշտակները (հ. 13): Երբ հինգերորդ հրեշտակը հնչեցնում է փողը (Հայտն. 9:1-12), տեղի է ունենում փողերի հինգերորդ դատաստանը: Հինգ ամիս շարունակ կչարչարվեն բոլոր մարդիկ բացի 144000 հոգուց, որոնք կնքված են և չեն վնասվելու (Հայտն. 7:3,4): Փողերի վեցերորդ դատաստանի ժամանակ (հհ. 13-21) դատաստանի չորս հրեշտակները, որոնք կապված էին Եփրատի վրա և պատրաստված էին ժամվա, օրվա, ամսվա ու տարվա համար, սպանում են մարդկանց մեկ երրորդ մասին (հ. 15): Միայն այն բանից հետո, երբ փողերի վեց հրեշտակները և դատաստանների չորս հրեշտակներն իրականացնեն իրենց հանձնա- րարությունը, կհնչի Հայտն. 10:7-ի հայտարարությունը. ՙԻսկ յոթերորդ հրեշտակի ձայնի օրերին, երբ փողը փչի, Աստծո խորհուրդը կկատարվի, ինչպես ավետեց իր ծառա մարգարեներին՚ (Հայտն.10:5-7): Ես բոլորին խնդրում եմ Հիսուս Քրիստոսի Անունով, որ հենց սկզբից ամենամեծ ակնածանքով կարդան Հայտնության 10-րդ գլուխը: Այդ ժամանակ Տերն Ինքն է իջնում որպես Ուխտի Հրեշտակ, ամպ հագած, գլխի վրա՝ ծիածան, ձեռքին մի բացված գրքույկ, որպես Մեկը, որի միջոցով ամեն բան ստեղծվել է: Նա մի ոտքը դնում է ցամաքի, մյուսը՝ ծովի վրա: Եվ Նա ՙԲարձրաձայն աղաղակեց, ինչպես առյուծն է մռնչում: Ու երբ աղաղակեց, այն յոթ որոտմունքներն իրենց ձայնով խոսեցին՚ (հ. 3): 1963 թվականի մարտի 17-ին Բրանհամ եղբայրը կարդաց Հայտնության 10-րդ գլուխը և ասաց. ՙԵթե նկատել եք, դա Քրիստոսն է: Հին Կտակարանում Նա կոչվում է Ուխտի Հրեշտակ: Նա ուղիղ գնում է հրեաների մոտ, որովհետև Եկեղեցին արդեն կատարելության մեջ է: Եկեղեցիների մոտ ուղարկված յոթերորդ պատգամաբերի միջոցով, ինչպես այդ մասին Բրանհամ եղբայրն ասել է ամենաքիչը հիսուն անգամ, բոլոր խորհուրդները բացահայտվել են: Բայց այստեղ խոսվում է Իսրայելի մասին, փողերի յոթերորդ հրեշտակի մասին և ՙԱստծո խորհրդի մասին՚ (Կողոս. 2:2,3), որը Հիսուս Քրիստոսն է, մեր Տերը (1 Տիմ. 3:16): Նախկինում հրեաները նրան չէին ճանաչել, այդ ժամանակ կտեսնեն Նրան, ում խոցել են (Զաքարիա 12:10, Հովհ. 19:37, Հայտն. 1:7): Եվ մենք նորից գալիս ենք Հին Կտակարան և տեսնում ենք, որ Մաղաքիա 3:1-ի երկրորդ մասն իրականանում է, և Ուխտի Հրեշտակը մտնելու է Իր տաճարը : Այս հատվածում խոսվում է Իսրայելի մասին, Երուսաղեմի մասին, Սիոն լեռան մասին, որտեղ հավաքվում են 144000 հոգին: ՙԵվ Տերը պիտի գոչի Սիոնից և Երուսաղեմից ձայն պիտի տա, և երկինքն ու երկիրը պիտի դողան, բայց Տերը ապավեն կլինի իր ժողովրդի համար, և ամրոց՝ Իսրայելի որդիների համար՚ (Հովել 3:16): Միայն այն ժամանակ, երբ Տերը, որպես Հուդայի ցեղից եղող Առյուծ, մռնչում է, յոթ որոտները խոսում են իրենց ձայնով (Երեմիա 25:30, Ովսե 11:10, Հայտն. 10:3): Մինչդեռ երկնքից եկող ձայնը հրամայեց. ՙԿնքի՜ր այն բաները, որ յոթ որոտմունքները խոսեցին, և սրանք մի՜ գրիր՚ (Հայտն.10:4): Ամեն: Բոլոր նրանք, ում անունները գրված են մորթված Գառնուկի Կյանքի Գրքում, մեծ ակնածանք ունեն սրա հանդեպ: Աստծո ճշմարիտ զավակները հավատում են միայն այն բաներին, որոնք գրված են Հին և Նոր Կտակարաններում, և չեն հավատում մեկնաբանություններին և սուտ ուսմունքներին: Նրանք տեսնում են տարբերությունը Հայտն. 10-րդ գլխում իրենց ձայնով խոսող յոթ որոտների և 1963 թվականի փետրվարի 28-ին հնչած հզոր որոտների միջև, որոնց մասին խոսել է Բրանհամ եղբայրը, հատկապես 1963 թվականի մարտի 24-ին: Այդ որոտները բնական էին և ուղեկցվեցին մեծ երկրաշարժով, որը ցնցեց Սանսեթ լեռան ողջ շրջակայքը Արիզոնա նահանգում, այնպես որ լեռներից ժայռեր գլորվեցին և կտրեցին ծառերի գագաթները: Ես սեփական աչքերով եմ տեսել այդ ժայռերի մեծակտորները և ծառերը 1968 թվականի դեկտեմբերին, էքսկուրսիայի ժամանակ, որին հրավիրել էր Թուսոնից Փիրի Գրին եղբայրը մի քանի քարոզիչների: Երբ Բրանհամ եղբայրը խոսում էր յոթ որոտների մասին, նրա մտքում անկասկած այդ գերբնական փորձառությունն էր: Նորից մենք գնում ենք Հին Կտակարան՝ իմանալու համար, թե ինչքան ժամանակ է մնում, մինչև Ուխտի Հրեշտակը երդվի. ՙԵվ ես լսեցի, որ այն կտավ հագած մարդը, որ գետի ջրերից վեր էր, իր աջ և ձախ ձեռքը բարձրացրեց դեպի երկինք և երդում արեց հավիտյանս կենդանի եղողով, թե մի ժամանակ, ժամանակներ և կես. և երբ վերջանա սուրբ ժողովրդի ձեռքի փշրվելը, այս ամենը պիտի կատարվի՚ (Դան.12:7): Գոհություն Աստծուն Հին և Նոր Կտակարանների ճշգրտության համար: Հին Կտակարանում նշվել է, թե ինչ է կատարվելու: Նոր Կտակարանում տեսնում ենք, թե երբ և ինչպես դա կատարվեց: Հայտն. 11:1-14 համարներում Տաճարը չափվում է, և ճշգրիտ կերպով նկարագրվում է երկու վկաների ծառայությունը, որոնք պետք է հայտնվեն Երուսաղեմում: Դա տևելու է հազար երկու հարյուր վաթսուն օր, այսինքն՝ ճիշտ երեքուկես տարի: Երկու մարգարեների ծառա- յությունից հետո, երբ տաճարն արդեն կառուցված կլինի (Հայտն. 11:1, Հայտն. 16:1), նրանք կսպանվեն և կբարձրանան երկինք: Այնուհետև կթափվեն Աստծո բարկության յոթ գավաթները. ՙԵվ երկնքում մի ուրիշ մեծ ու զարմանալի նշան տեսա. յոթ հրեշտակ, որ վերջին յոթ պատուհասներն ունեին, որովհետև Աստծո բարկությունը նրանց միջոցով կատարվեց՚ (Հայտն.15:1): Մեծ նեղության ժամանակաշրջանի վերջում, վերջին երեքուկես տարուց հետո ազդարարվում է թագավորությունը. ՙԱշխարհի թագավորությունները մեր Տիրոջն ու նրա Օծյալինը եղան, և նա կթագավորի հավիտյանս հավիտենից՚ (Հայտն. 11:15 +17, Ղուկաս 1:33, Եսայի 9:6): Կարո՞ղ է ավելի պարզ և հստակ ասվել, քան Աստվածաշնչում գրվածը: