Այն մեկնաբանությունների պատճառով, որոնք հայտնվել են Բրանհամ եղբոր ասած խոսքերի վերաբերյալ, հատկապես ՙՀափշտա- կություն՚ քարոզում ասվածների, անհրաժեշտ է, որ այդ իրադար- ձությունը նորից մեկնաբանվի Սուրբ Գրքով: րիստոսի վերադարձի մասին շատ է խոսվում Նոր Կտակարանի շատ հատվածներում, որովհետև դա էր առաքյալների ժամանակվա գլխավոր թեման: Մեր Տերն ու Փրկիչն ասել է երկու բան. ՙԳնում եմ ձեզ համար տեղ պատրաստելու՚, նաև ՙԵվ երբ գնամ ու ձեզ համար տեղ պատրաստեմ, նորից կգամ ու ձեզ ինձ մոտ կվերցնեմ՚ (Հովհ. 14:2, 3): Պատգամի ճշմարիտ քարոզիչներին վերաբերում են այս խոսքերը. ՙՈրովհետև մենք ոչ թե վարպետությամբ հնարված առասպելների հետևելով ձեզ ցույց տվեցինք մեր Տեր Հիսուս Քրիստոսի զորությունն ու գալուստը, այլ Նրա մեծափառությանն ականատես լինելով՚ (2 Պետր.1:16): Գերմաներեն Աստվածաշնչում ՙվերադարձ՚ բառը գրված է 17 անգամ, օրինակ Հակոբ 5:7 համարում. ՙԱրդ, եղբայրներս, մինչև Տիրոջ գալուստը (գերմ.՝ վերադարձը) համբերող եղեք: Ահա մշակը համբե- րությամբ սպասում է հողի պատվավոր պտղին, մինչև որ առաջին ու վերջին անձրևն առնի՚ (Հակոբ 5:7): Հովհաննես առաքյալը գրում է. ՙԵվ այժմ, որդյակներ, մնացեք Նրա մեջ, որ երբ Նա հայտնվի, մենք համարձակություն ունենանք, և Նրա գալու պահին Նրա առջև չամաչենք՚ (1 Հովհ.2:28): Կան Տիրոջ տարբեր գալուստներ, բայց մենք սպասում ենք երկրորդ գալստին՝ Նրա խոստացված վերադարձին (Հովհ. 14:1-3): Ղուկաս 24:50-51 և Գործք 1:9-11 համարներում մենք կարդում ենք ականատես վկաների պատմածը, երբ հարուցյալ Տերը բարձրացավ երկինք: Նրանց ասվեց. ՙԱյս Հիսուսը, որ ձեր միջից երկինք համբարձվեց, նույն ձևով կգա, ինչպես որ Նրան տեսաք երկինք գնալիս՚ (Գործք 1:11): Սաղմոս 47:5 համարի համաձայն Տերը վեր է բարձրանում ցնծության գոչյուններով և փողի ձայնով, որպես Գողգոթայի հաղթողը, Հարուցյալը, որ հաղթել է մահին և սատանային. ՙԱստված ցնծության գոչյուններով վեր բարձրացավ, Տերը՝ շեփորի ձայնով՚: Եվ հաղթական գոչյունով ու Աստծո փողի ձայնով կվերադառնա, ինչպես գրված է 1 Թես. 4:13-17 համարներում: Այնտեղ բառացիորեն գրված է. ՙՉենք ուզում, եղբայրներ, որ անգետ լինեք ննջեցյալների վերաբերյալ, որ չտրտմեք, ինչպես ուրիշները, որոնք հույս չունեն: Որովհետև, եթե հավատում ենք, թե Հիսուսը մեռավ, այնպես էլ Աստված Հիսուսով ննջողներին կբերի Նրա հետ՚: Եվ ահա ԱՅՍՊԵՍ Է ԱՍՈՒՄ ՏԵՐԸ. ՙՈրովհետև, Տիրոջ Խոսքով ձեզ սա ասենք, թե մեզնից նրանք, որ կենդանի են ու մնան մինչև Տիրոջ գալուստը, ննջեցյալներից առաջ չեն անցնելու: Որովհետև Տերն Ինքը ազդարարության հրամանով, հրեշտակապետի ձայնով ու Աստծո փողով կիջնի երկնքից, և նախ Քրիստոսով մեռածները հարություն պիտի առնեն: Եվ հետո մենք, եթե ողջ մնանք, նրանց հետ միասին պիտի հափշտակվենք ամպերով՝ օդի մեջ Տիրոջը դիմավորելու, և այդպես հավիտյան Տիրոջ հետ պիտի լինենք՚: Ավելի պարզ չէր կարող ասվել: Նա, ով ուշադրություն է դարձնում 13 և 14 համարներում գրվածին, հասկանում է, թե ում է ուղղված 16-րդ համարի արթնության կանչը: Ուրեմն խոսքը պատգամի մասին չէ, որն ուղղված է ողջերին Իր գալստից տարիներ առաջ, ինչպես ոմանք կարծում են, այլ դա վերաբերում է Քրիստոսով ննջածներին: Դրանից անմիջապես հետո մենք, որ ողջ ենք մնացել, կփոխվենք և միասին կհափշտակվենք ամպերով՝ Տիրոջ հետ հանդիպելու: 1 Կորնթ. 15:50-58 համարներում, երբ Պողոսը գրում է հափշտա- կության ժամանակ մեր մարմինների վերափոխման մասին, նաև ընդգծում է այն, որ Քրիստոսի վերադարձը լինելու է մեկ ակնթարթում, և ոչ թե փուլերով: Գրված է. ՙԱհա, մի խորհուրդ հայտնեմ ձեզ. բոլորս պիտի չննջենք, բայց բոլորս պիտի փոխվենք, հանկարծակի, մեկ ակնթարթում՝ վերջին փողի ժամանակ,, որովհետև փողը կհնչի (Նայեք 1 Թես. 4:16), մեռելները հարություն կառնեն առանց ապականության, և մենք կփոխվենք՚ (1 Կորնթ. 15:51. 52): Նա, ով չի հավատում սրան, Աստծուն ստախոս է դուրս բերում (1 Հովհ. 5:10): Սա չի կարող փոխվել. ՙԱրդ, թող Աստված ճշմարիտ լինի և ամեն մարդ՝ սուտ, ինչպես, որ գրված է. ՙՈրպեսզի արդար լինես քո խոսքերում և երբ դատես, հաղթող լինես՚ (Հռոմ.3:4): Այս պատգամը՝ ՙԱհա փեսան գալիս է, դուրս եկեք նրան դիմավորելու՚ (Մատթ. 25), հնչում է շատ տարիներ շարունակ: ՙՀափշտակությունը՚ վերնագրով քարոզում (1965 թվական, դեկտեմբերի 4) Բրանհամ եղբայրը պարզ ասել է. ՙՆախ հնչում է պատգամը: Ժամանակն է մաքրելու ճրագները՚: Նա վկայակոչում էր մեր ժամանակաշրջանի համար բացահայտված Խոսքի պատգամը, որով ինքն ուղարկվել է, և որը նախորդում է Քրիստոսի երկրորդ գալստին: Դրա նպատակն է դուրս կանչել, առանձնացնել, վերականգնել և պատրաստել ճշմարիտ հավատացյալներին Փեսայի վերադարձի փառավոր օրվա համար: Երբ Նա գա տանելու Իր Հարսին, կկատարվի այս գրվածը. ՙՈրովհետև ինչպես որ կայծակն արևելքից դուրս է գալիս ու մինչև արևմուտք երևում, այնպես էլ Մարդու Որդու գալուստը կլինի՚ (Մատթ. 24:27): ՙԱյն ժամանակ արտում երկու մարդ կլինեն. մեկը կվերցվի, իսկ մյուսը՝ կթողնվի: Եվ մի ջրաղացում երկու կին աղալիս կլինեն. մեկը կվերցվի, իսկ մյուսը՝ կթողնվի՚ (Մատթ.24:40,41): Այդպես է լինելու Քրիստոսի վերադարձը: Ինչպես որ մեր Տիրոջ և Փրկչի մարմնով հարությունն ու համբարձումն են եղել իրական, այնպես էլ իրական են Հիսուս Քրիստոսի մարմնով վերադարձը, Քրիստոսով ննջածների մարմնով հարությունը ևւ մեր մարմնի փոխակերպումն ու հափշտակությունը: Նա, ով չի հավատում, որ Հիսուս Քրիստոսը մարմնով վերադառնալու է ճիշտ այնպես, ինչպես գնացել է երկինք, ոչ միայն մոլորեցնող է, այլև 2 Հովհ. 7-ի համաձայն հակաքրիստոսի հոգուց է. ՙՈրովհետև շատ մոլորեցնողներ են ի հայտ եկել աշխարհում, որոնք Հիսուս Քրիստոսին, որպես մարմնով եկածի (գերմաներում և որոշ ֆրանսերեն թարգմանություններում գրված է՝ մարմնով գալիս: Ծան. թարգմ.), չեն խոստովանում: Սա մոլորեցնող է և հակաքրիստոս՚ (2 Հովհ. հ.7): Բոլոր նրանք, ովքեր սովորեցնում են, որ Հիսուս Քրիստոսը լքել է շնորհաց գահը 1963 թվականին և իջել է հոգևորապես տանելու Իրեններին, մոլորեցնողներ և սուտ վարդապետներ են: Եթե այդպես լիներ, ի՞նչ կլիներ նրանց հետո, ովքեր ծնվել կամ ապաշխարել են վաթսունական թվականներին և հետո: Այդպիսի մեկնությոնն անհեթեթ է, ինչպես և բոլոր սուտ ուսմունքները: Մենք ողջ սրտով գոհանում ենք Աստծոց, որ կարողացել ենք հավատալ Աստծո յուրաքանչյուր Խոսքին: Ժամանակների նշանները ցույց են տալիս, որ Նրա վերադարձը շատ մոտ է, որովհետև մեր Տերն ասել է վերջին ժամանակների իրադարձությունների վերաբերյալ. ՙԵվ երբ այս բաներն սկսեն լինել, վերև նայեցեք ու ձեր գլուխները բարձրացրեք, որովհետև ձեր փրկությունը մոտ է՚ (Ղուկ.21:28): Բացահայտված Խոսքի պատգամը, որը տրվել է Բրանհամ եղբորը, թանկագին է մեզ համար: Այն իրոք նախորդում է Քրիստոսի վերադարձին, ինչպես Բրանհամ եղբայրն այդ մասին հաստատեց 1961 թվականի հունվարի 12-ին. ՙՊատգամն է նախորդելու Քրիստոսի երկրորդ գալստին: Այդպես է ասել Տիրոջ հրեշտակը՚: Աստծուց ստացած անմիջական հանձնարարությամբ, որը մարգարեն հաստատեց, Աստված առաջնորդեց, որ քարոզեմ Խոսքը և հրատարակեմ Բրանհամ եղբոր քարոզները: Տիրոջ անմիջական հանձնարարությամբ նա հոգևոր կերակրի պաշար է հավաքել, և Տիրոջ անմիջական կարգադրությամբ ես պարտականություն ունեմ այն փոխանցելու և բաժանելու ողջ երկրի վրա ծառայող եղբայրների հետ միասին (Մատթ. 24:45-47): Այսպես վերջին պատգամը հասնում է բոլոր ժողովուրդներին և լեզուներին, ինչպես Տերն է ասել. ՙԵվ արքայության այս Ավետարանը ամբողջ տիեզերքում կքարոզվի՝ բոլոր ազգերին վկայություն լինելու համար, և այն ժամանակ կգա վերջը՚ (Մատթ.24:14): Տիրոջից ստացած հանձնարարության համաձայն՝ ՙԵս քեզ կուղարկեմ ուրիշ քաղաքներ քարոզելու Իմ Խոսքը՚, ես ողջ աշխարհում քարոզում եմ Խոսքը, Լրիվ Ավետարանը, ինչպես Պողոս եղբայրն ու Բրանհամ եղբայրն են քարոզել: Խոսքը՝ Աստվածաշունչն է, իմ բացարձակ հիմքը: Մարգարեն ասել է. ՙՍերը չէ կատարյալ ապացույցը, որ դուք ունեք Սուրբ Հոգին, այլ յուրաքանչյուր Խոսքին հավատալը: Ո՜չ սերն է, ո՜չ էլ լեզուներով խոսելը, այլ յուրաքանչյուր Խոսքն ընդունելը՚ (1964 թ. հուլիսի 26): Ուրեմն կարևոր է ոչ թե պարզապես քարոզ լսելը, այլ Աստծո Խոսքը լսելը: Վերջին պատգամն ընդգրկում է այն ամենը, ինչ Աստված ունի մեզ ասելու: Աստծո Խոսքով է Քրիստոսի Հարսը պատրաստվում Փեսայի վերադարձի փառավոր օրվան: Բոլոր ընտրյալները գիտեն, որ ժամանակը շատ մոտ է: Այդ նրանք են, որպես իմաստուն կույսեր, Փեսայի հետ մտնելու հարսանիքի սրահը (Մատթ. 25:10), ինչպես գրված է. ՙ... ու Նրա կինը ինքն իրեն պատրաստեց՚ (Հայտն. 19:7):