Տարիները գալիս և գնում են, ժամացույցները կարող են կանգ առնել, բայց ժամանակը գնում է: 2012 թվականը, որը մոտենում է ավարտին, ևս մեկ անչափ օրհնված տարի էր: Միսիոներական ճամփորդությունների միջոցով շատ թանկագին հոգիներ ավելացան Աստծո թագավորությունում: Հատկապես գոհանում ենք, որ հնարավորություն ունենք ողջ աշխարհում գտնվող անթիվ մարդկանց հասնել ինտերնետի միջոցով: Մինչև հիմա մեր ծառայությունների ուղիղ հեռարձակումների հետ միացումները գերազանցել են հազարը: Ամենամեծ տեղական եկեղեցին, որը միշտ առցանց միանում է մեզ Կոնգոյի դեմոկրատական հանրապետության Կոլվեզի քաղաքում է: Նրանց հովիվը՝ Մուամբա եղբայրը ասաց, որ հոկտեմբերի սկզբի հավաքույթների ժամանակ 3000-ից ավելի եղբայրներ ու քույրեր են ներկա եղել՝ հեռարձակմանը հետևելու համար: Նոյեմբեր ամսին առաջին շաբաթվա վերջի հավաքույթներին առաջին անգամ մեզ միացավ Մոնղոլիայի Ուլան Բատոր քաղաքում գտնվող եկեղեցին:

Իսկապես հրաշալի է, որ Աստված ամեն բանով ապահովել է, տվել է եղբայրներ, ովքեր հմուտ են տեխնիկայի տիրապետման մեջ, ինչպես նաև եղբայրներ և քույրեր, ովքեր սահուն խոսում են տարբեր լեզուներով, որպեսզի կարողանանք ծառայել ողջ աշխարհին 13 տարբեր լեզուներով, ձայնագրությամբ և տպագիր հրատարակություններով:

Ամեն ամիս ուղարկվող DVD սկավառակների քանակը գերազանցել է ինը հազարը: Հրաշալի է, որ ողջ աշխարհում մարդիկ կարող են նույն խոսքը լսել և ուղղակի կապ ունենալ այն բաների հետ ինչ Աստված խոստացել է և անում է ներկայում: Այսպիսով, Լրիվ Ավետարանի վերջին պատգամը հասնում է երկրի ծայրերը և հետո, ըստ Մատթ, 24:14 համարի համաձայն, կգա վերջը: Շնորհակալ եմ բոլոր նրանցից, ովքեր լրիվ կամ կրճատ աշխատաժամանակով ակտիվորեն մասնակցում են Աստծո գործին:

 Նաև պարզապես աղոթքի տան համար շնորհակալ եմ Տիրոջս: Հիմնական դահլիճում տեղավորվում է 570 մարդ, եթե ավելացնենք ճաշարանը, կլինի 1000 տեղ: Ննջասրահները կարող են տեղավորել մոտ 400 եղբայրների և քույրերի, ովքեր հեռու տեղերից են գալիս ամեն ամսվա առաջին շաբաթվա վերջում տեղի ունեցող հավաքույթներին:

Քրիստոսով իմ սիրելի եղբայրներ և քույրեր, որ Նրա գործին մասնակցում եք ձեր հավատարիմ աջակցությամբ և աղոթքներով, սրտիս խորքից ձեզ շնորհակալություն եմ հայտնում:

Թող Աստված շարունակի օրհնել ամբողջ աշխարհում ծառայող բոլոր եղբայրներին, ովքեր մասնակցում են Խոսքի տարածմանը և Տիրոջ սեղանին են մատուցում թանկագին հոգևոր կերակուրը: Իմաստուն կույսերը հավատում են նաև Մատթ.24:45-47 համարներում Տիրոջ ասածին, մասնակից են այն գործին, որ Տերն անում է հիմա և վերջապես մտնելու են հարսանիքի սրահը (Մատթ. 25:10):

 Այն, ինչ մեր Տերն ասաց Մատթեոսի ավետարանի վերջին գլխում ուժի մեջ է մինչև վերջ. «Եվ ահա Ես ձեզ հետ եմ ամեն օր, մինչև աշխարհի վերջը» (Մատթ. 28:20):

 Այո, միշտ, ձեզանից յուրաքանչյուրի հետ: Ընդունեք դա հավատքով նույնիսկ ձեր ամենածանր փորձությունների ժամանակ: Նա խոստացել է, որ ամեն բան իրականացնելու է: Նա սկսել է, Նա էլ կավարտի: Նրան լինի փառքը հիմա և հավիտյան: Ամեն:

 2013 թվականի համար բոլորիդ մաղթում եմ Աստծո առատ օրհնությունները Հիսուսի սուրբ Անունով:

Գործելով Աստծո հանձնարարությամբ՝

Էվալդ Ֆրանկ

2012 թվականի հունիսի 3-ի լուսանկար: 1960-ական թվականներից առանձնաշնորհում ենք ունեցել հազարավոր հավատացյալների մկրտելու սուրբգրային ձևով՝ Տեր Հիսուս Քրիստոսի Անունով: