Բոլոր բողոքական եկեղեցիների և հարանվանությունների միությունը Եկեղեցիների համաշխարհային խորհրդում, ինչպես նաև լյութերական և կաթոլիկ եկեղեցիների միությունը առաջնային կարևորության խնդիր են դրանց ներկայացուցիչների համար: 2017 թվականի Ռեֆորմացիայի տարեդարձին ընդառաջ Վատիկանը կոչ է անում լյութերական եկեղեցուն հրապարակավ հրաժարվել Մարտին Լյութերի այն հայտարարությունից, որ պապը հակաքրիստոսն է: 1543 թվականին հրատարակված Աստվածաշնչի Դանիելի գրքի նախաբանում Լյութերը պապին անվանել է «endchrist» և «antichrist»: Նրանք ասում են, որ Ռեֆորմացիայի երկրում պետք է վերահաստատվի մեկ եկեղեցու միությունը: Բայց դա չի վերաբերում Հիսուս Քրիստոսի Եկեղեցուն: Նա արդեն մեկ է Քրիստոսի հետ, ով Գլուխն է: «Ես նրանց մեջ, և Դու՝ Իմ մեջ, որ նրանք կատարյալ լինեն միության մեջ.»: Աստծո զավակները ճանաչում են միայն մեկ սուրբ Հոր, ով երկնքում է: Նրանք աղոթում են. «Հայր մեր, որ երկնքում ես, Քո անունը սուրբ լինի»: Նրանք հնազանդվում են Փրկչի պատվիրանին. «Եվ երկրիս վրա ոչ մեկին ձեզ  «Հայր» չկոչեք, որովհետև ձեր Հայրը մեկն է՝ Նա, որ երկնքում է» (Մատթ.23:9): Սա համաշխարհային միավորումների ժամանակն է՝ տնտեսական, քաղաքական և կրոնական ոլորտներում: Չորրորդ`վերջին համաշխարհային իշխանությունը՝ հռոմեական կայսրությունը ձևավորվում է մեր աչքերի առաջ և ինչպես գրված է, կփշրի ամբողջ երկիրը (Դանիել 7:23):