Այս տարի նույնպես Աստծո շնորհքով արվեցին միսիոներական ճանապարհորդություններ: Դրանք տեղի ունեցան երկրի բոլոր անկյուններում. Ազորյան կղզիներում, Ֆիլիպիններում, Եթովպիայում, Մոզամբիկում, հարավային Աֆրիկայում, Զիմբաբվեում, Բենինում, Բուրկինա Ֆասոյում և Նիգերիայում, Պակիստանում և Գվադելուպայում, նաև Ռումինիայում, Ֆրանսիայում, Բելգիայում, Անգլիայում և ամեն ամսվա վերջին կիրակին՝ Ցյուրիխում: Պակիստանում հավաքույթների հրավերը հաղորդվեց հանրային հեռուստատեսությամբ: Լահորի մարզադաշտում երեք հազար հոգի եկավ լսելու Աստծո Խոսքը գերմանացի քարոզչի միջոցով: Պակիստանի կառավարությունում մարդու իրավունքների նախարար Կամրան Մայքլ եղբայրը ողջունեց եկեղեցուն, իսկ Իրֆան Մայքլ եղբայրը թարգմանիչն էր: Սիրելի Տեր, հիշիր այն Ուխտը, որ արել ես մեզ հետ, այն Արյունը, որ թափել ես մեզ համար, խոստումները, որ տվել ես մեզ, և Քո Շնորհքով հավիտենական կյանք շնորհիր Քո ժառանգորդներին: