Քրիստոսով սիրելի եղբայրներ և քույրեր, Խորին գոհունակությամբ եմ ետ նայում անցած 47 տարիներին, որովհետև 47 տարի առաջ ծանոթացա Ֆրանկ եղբոր հետ: Ես կարող եմ իսկապես ասել. ՙԱհա հիմա գիտեմ, որ դու Աստծո մարդ ես, և բերանիդ միջի Աստծո Խոսքը ճշմարիտ է՚ (3 Թագ.17:24): Հենց սկզբից կարողացել եմ լսել Բրանհամ եղբոր քարոզները գերմաներեն թարգմանությամբ Ֆրանկ եղբոր միջոցով և կարդալ շրջաբերական նամակներն ու գրքույկները, որոնք նա գրել է բոլոր կարևոր աստվածաշնչյան թեմաների շուրջ: Մեր ժամանակների համար տրված մարգարեական Խոսքը, ինչպես նաև վերջին ժամանակների հետ կապված իրադարձությունները դասավորվել են աստվածաշնչյան ձևով: Դա զգալիորեն նպաստել է մեր հոգևոր աճին: Անձամբ կարող եմ վկայել հավաքույթների ժամանակ Աստծո Հոգու զորավոր գործերի մասին: Ամեն անգամ Աստծո Խոսքը թարմությամբ բացվում էր մեզ Աստծո գահից: Աստծո շնորհքով կարողացել եմ Ֆրանկ եղբորն ուղեկցել իր միսիոներական ճանապարհորդություններից մի քանիսում, հատկապես պորտուգալերեն խոսող երկրներում: Սկզբնական սերմը՝ Աստծո Խոսքը, ցանվել է: Հռչակվել են նույն ուսմունքները, որոնք մեր Տիրոջ առաքյալներն են ստացել: Մենք վերադարձել ենք մեր հայրերի հավատքին, Մաղաքիա 4:5,6 համարներում գրված խոստման համաձայն: Կերակուրը բաժանված է Մատթ. 24:45-47 համարների համաձայն: Ֆրանկ եղբոր բերանից Աստծո Խոսքից բացի ուրիշ ոչինչ չեմ լսել: Ոմանք կանգ են առել Բրանհամ եղբոր գերբնական ծառայության վրա և աղավաղում են նրա դժվարըմռբնելի մեջբերումների իմաստը իրենց անձերի կորստյան համար (2 Պետրոս 3:16), բայց կան նաև մարդիկ, ովքեր համաչափ քայլում են այն բանի հետ, ինչ Աստված անում է ներկայում և ամեն բան իրենց տեղում են դնում աստվածաշնչյան ձևով: Մենք գտնվում ենք Տիրոջ մոտալուտ գալստից առաջ: Թող ամենայն ջերմեռանդությամբ աղոթքով Աստծուն հանձնենք Աստծո գործը և հատկապես Խոսքը տանողին: Մտածեք այդ մասին. լավագույնն առջևում է: Միացած Քրիստոսի սիրով՝ Ձեր եղբայր Հելմուտ Միսկիս