2017 թվականի մարտի 24-ին, ուրբաթ օրը Ֆրանցիսկոս պապը Վատիկանում ընդունեց Եվրոպական միությայն երկրների ղեկավարներին: Հատուկ առիթը ՙՀռոմի համաձայնագրերի՚ 60-րդ տարեդարձի տոնակատարությունն էր: Հռոմի համաձայնագրերը ստորագրվել են 1957 թվականի մարտի 25-ին Արևմտյան Գերմանիայի, Բելգիայի, Նիդերլանդների, Լյուքսեմբուրգի, Ֆրանսիայի և Իտալիայի ներկայացուցիչների կողմից, Պալացցո դել Կոնսերվատորիոյում: Այդ համաձայնագրերը Եվրոպական միության հիմքն են: Արդեն իսկ անցած տարվա սկզբում մամլո ասուլիսի ժամանակ Հռոմի պապը խոստացավ ամեն հնարավոր բան անել ՙոր Եվրոպական միությունը ուժ և ներշնչանք ունենա, որպեսզի առաջ շարժվենք՚: 27 պետությունների ղեկավարները այդ առթիվ ստորագրել են ընդհանուր հռչակագիր այն նույն դահլիճում, որտեղ կնքվել են Հռոմի համաձայնագրերը 1957 թվականին: Մի հին ասույթ կա. ՙԲոլոր ճանապարհները տանում են Հռոմ, բայց միայն մեկն է դուրս բերում այնտեղից՚: Դանիել մարգարեն արդեն տեսել էր այդ չորս թագավորությունները (Դանիել 2:36-45, 7:1-8)՝ Բաբելոնյան թագավորությունը, ՄարացՊարսից թագավորությունը, Հունաց թագավորությունը և վերջինը՝ Հռոմեական կայսրությունը, որի սկիզբը դրվեց Քրիստոսից հետո 63 թվականին: Երբ Կառլոս Մեծը 800 թվականին Լևոն III պապի կողմից կայսր թագադրվեց Հռոմի Սուրբ Պետրոս եկեղեցում, ինքն իրեն տեսավ որպես Հռոմի կայսրերի իրավահաջորդ: Մինչև 1806 թվականը հռոմեա-գերմանական կայսրերի ղեկավարած տարածքը պաշտոնապես կոչվում էր ՙՍրբազան Հռոմեական կայսրություն՚: Համացանցի միջոցով կարելի է տեսնել, թե ինչպես է Վատիկանը ներգրավված ամեն ինչի մեջ և մասնակցում է այն ամենին, ինչ կատարվում է աշխարհում: Հիմնական մտահոգությունը խաղաղությունն ու ապահովությունն է: Վատիկանի անմիջական միջնորդությամբ Իսրայելի և Պաղեստինի միջև խաղաղության պայմանագրի միջոցով կիրականանա նպատակը Մերձավոր Արևելքում՝ աշխարհի թեժ կետում: Բայց այդ ժամանակ կիրականանա այն, ինչ Պողոսն այն ժամանակ ասել է մարգարեության միջոցով. ՙՈրովհետև երբ ասեն, թե խաղաղություն և ապահովություն է, այն ժամանակ նրանց վրա կորուստը կհասնի...՚ (1 Թես. 5:3): Իսրայելի վերաբերյալ բոլորը պետք է լրջորեն ընդունեն այն, ինչ Աստված Ինքն է ասել Աբրահամին. ՙՊիտի օրհնեմ քեզ օրհնողներին և պիտի անիծեմ քեզ անիծողներին, և երկրի բոլոր տոհմերը քեզնով պիտի օրհնվեն՚ (Ծննդոց 12:3): Դա ուժի մեջ է նաև այսօր, ինչպես նաև այս խոստումը. ՙԵվ սուրբ երկրում Տերը ժառանգելու է Իր բաժին Հուդան ու նորից ընտրելու է Երուսաղեմը՚ (Զաքարիա 2:12): Հուդան Իսրայելի կենտրոնական մասն է, իսկ Երուսաղեմը Իսրայելի մայրաքաղաքն է եղել Դավթի ժամանակներից: Երուսաղեմը Աստվածաշնչում հիշատակվում է 780 անգամ: Իր փրկության ծրագրի համաձայն Տեր Աստված նախ կավարտի Իր փրկության գործը հեթանոսների Եկեղեցու հետ, այնուհետև կավարտի Իր գործը Իսրայելի հետ (Հռոմ. 11 և այլն): Աստվածաշնչյան հավատացյալները պետք է ուշադրություն դարձնեն ժամանակների նշաններին և լրջորեն ընդունեն Տիրոջ Խոսքերը. ՙԵվ երբ այս բաներն սկսեն լինել, վերև նայեցեք ու ձեր գլուխները բարձրացրեք, որովհետև ձեր փրկությունը մոտ է՚ (Ղուկ.21:28): Ինչպես Պողոսն է հաղորդել Աստծո ողջ խորհուրդը և հստակորեն շարադրել ամեն թեմա, ամեն ուսմունք, նույնը եղել է մեր ժամանակներում: Ուիլյամ Բրանհամը Աստծուց ուղարկված մարդ էր մեր ժամանակների համար: Նա իրոք Եկեղեցու հիմնական ուսմունքները նորից դրել է աշտանակի վրա: Աստվածության, մկրտության, Տերունական ընթրիքի վերաբերյալ ուսմունքները և մյուս թեմաները վերականգնվել են առաքյալների վարդապետության հիման վրա: Ուղղվելու համար չպետք է սպասենք վերջին դատաստանին. այն ժամանակ չափազանց ուշ կլինի: Դատաստանը հիմա սկսվում է Աստծո տանից. ՙՔանի որ ժամանակն է, որ դատաստանն սկսվի Աստծո տնից: Իսկ եթե նախ մեզնից սկսվի, ապա ի՞նչ է լինելու նրանց վերջը, ովքեր Աստծո ավետարանին չեն հնազանդվում՚ (1 Պետրոս 4:17): Այժմ ամբողջ աշխարհում ճշմարիտ քարոզչության միջոցով ամեն բան վերականգնվում է և ավարտին հասնում Հիսուս Քրիստոսի Եկեղեցում: Հենց որ վերջին պատգամը կիրականացնի իր նպատակը, Տերը կվերադառնա որպես Փեսա (Մատթ. 25:1-10), որպեսզի Իր հետ տանի Հարս-Եկեղեցուն (Հովհ. 14:3): Իմաստուն կույսերը, որպես Գառնուկի Հարս, կմտնեն հարսանիքի սրահը (Հայտն. 19:7): Ես հավատում եմ այն բանին, ինչ Տերն ասել է Բրանհամ եղբորը, այսինքն, որ իրեն վստահված, բացահայտված Խոսքի պատգամը նախորդելու է Քրիստոսի երկրորդ գալստին: Այժմ ամեն բան հասնում է ավարտին, նաև Աստծո ճշմարիտ Խոսքի ճշմարիտ քարոզչությունը: Երանի նրան, ով կարող է Աստծուն հավատալ Աբրահամի նման (Ծննդոց 17:5, Հռոմ. 4:17): Պողոսը Տիմոթեոսին ուղղված իր վերջին նամակում գրել է. ՙԲայց Տերն ինձ հետ կանգնեց և զորացրեց ինձ, որպեսզի իմ միջոցով պատգամը լրիվ քարոզվի, և բոլոր հեթանոսները լսեն: Եվ ես ազատվեցի առյուծի բերանից՚ (2 Տիմ. 4:17): Տիրոջից գոհանում եմ, որ Ինքն է անձամբ ինձ կանչել, ուղարկել և հանձնարարություն տվել: Որպես ամփոփում՝ շնորհակալ եմ Տիրոջից, որ մինչև այսօր առանձնաշնորհում եմ ունեցել աշխարհով մեկ տանելու Խոսքի մաքուր պատգամը: Թող Նրան լինի փառքը հավիտյան: Մենք սերտ կապված ենք ողջ աշխարհում գտնվող Քրիստոսով եղբայրների և քույրերի հետ և հիշում ենք միմյանց մեր աղոթքներում: Թող Տեր Աստված առանձնահատուկ կերպով օրհնի ողջ երկրում եղող եղբայրներին, որոնք բաժանում են մաքուր Խոսքը, մաքուր հոգևոր կերակուրը: ՙԵվ Նրան, որ կարող է ձեզ ընկնելուց պահել և Իր փառքի առաջ ցնծությամբ և անարատ կանգնեցնել, միակ իմաստուն Աստծուն՝ մեր Փրկչին, փա՛ռք ու մեծություն, զորությու՛ն ու իշխանություն հիմա և հավիտյան: Ամեն՚ (Հուդա 1:24, 25): Բոլորս սպասում ենք 1 Թես. 4:16,17 համարներում գրվածի իրականացմանը. ՙՔանի որ Տերն Ինքը հրամանով, հրեշտակապետի ձայնով ու Աստծո փողով երկնքից վայր կգա, և Քրիստոսով մեռելները նախ հարություն կառնեն: Եվ հետո մենք, որ կենդանի ենք մնացել, նրանց հետ ամպերով օդի մեջ կհափշտակվենք՝ Տիրոջը դիմավորելու, և այդպես ամեն ժամանակ Տիրոջ հետ կլինենք՚: Թող Տերը բոլորիդ օրհնի: Գործելով Աստծո հանձնարարությամբ՝ Եղբայր Ֆրանկ