Արդեն վաթսունական թվականներին ես այցելեցի արևելյան Եվրոպայի երկրները: Այն ժամանակ դեռևս կար «երկաթյա վարագույրը», և այն գրեթե անթափանցելի էր: Չնայած դրան՝ այս ժամանակվա համար տրված Խոսքը հասավ արևելյան բլոկ: 1989 թվականից հետո կարողացա ազատորեն քարոզել ոչ միայն Մոսկվայում, այլև Ուրալում, Սիբիրում և ողջ արևելյան Եվրոպայում: Բոլոր նրանք, ովքեր Աստծո վախն ունեն, կհասկանան, որ երկրի վրա եղած ամենամեծ պատասխանատվությունը կապված է աստվածային կոչման հետ (Գործք 26:19): Եթե ես մեկ անգամ ևս հիշատակեցի ամենակարևոր իրադարձությունները, որոնք Աստված ինձ տվել է Իր շնորհքով, ապա դրա նպատակն էր միայն բոլորին ցույց տալ Տիրոջ հավատարմությունը և հոգատարությունը Իր Եկեղեցու նկատմամբ: Կան անձնական փորձառություններ, որոնք ունենում են բոլոր հավատացյալները՝ դարձ, վերստին ծնունդ, Սուրբ Հոգու մկրտություն, բժշկություն, և այլն, բայց կան նաև այնպիսի փորձառություններ, որոնք ուղղակիորեն կապված են փրկության ծրագրի հետ, և ուրեմն շատ կարևոր են Եկեղեցու համար: Դա առանձնապես վերաբերում է Պողոս առաքյալին և նույնիսկ Բրանհամ եղբորը, որոնք կարևոր առաջադրանք ունեին կատարելու փրկության պատմության մեջ: Այժմ նորից եմ վկայակոչում 1965 թվականից հետո ընկած ժամանակահատվածը: Հենց սկզբից Ալեքսի Բարիլյե եղբայրը ընդունեց իր դիրքորոշումը Պատգամի հանդեպ: Աստված օգտագործեց նրան մեծ օրհնություններ բերելու նախ Եվրոպայի ֆրանսախոս երկրներում, այնուհետև աֆրիկ- յան երկրներում: Իր խմբի հետ նա ֆրանսերեն է թարգմանում գրքույկները: Բացի այդ նա հատկապես ճամփորդում է կենտրոնական Աֆրիկայի երկրներում և անձամբ Խոսքը քարոզում ժողովրդին: Մեծ վարձ է սպասում մեր հավատարիմ եղբորը: Քանի որ 1955 թվականին նա Շվեյցարիայում մասնակցել է Բրանհամ եղբոր հավաքույթներին, նա էլ, որպես ականատես, կարող է վստահությամբ պատմել այն, ինչ տեսել և ապրել է: Էտյեն Ժենտոն եղբայրը նույնպես անձամբ լսել է Բրանհամ եղբորը և տեսել է այդ արտասովոր ծառայությունը: Նա նույնպես սկզբից ի վեր ծառայել է Տիրոջը և մեծ օրհնություններ բերել նախ Իտալիայում, այնուհետև ուրիշ երկրներում: Այս երկու եղբայրները ֆրանսերեն և իտալերեն են թարգմանում Բրանհամ եղբոր քարոզները, նաև Կրեֆելդում հրատարակված շրջաբերական նամակները, գրքերն ու գրքույկները: Նրանք իրենց ողջ կյանքը նվիրել են իրենց Տիրոջն ու Փրկչին: Այս եղբայրները ուղիղ են մատակարարում Աստծո Խոսքը: Բոլորովին ուրիշ, բայց նույնքան կարևոր աշխատանք էր կատարում Դետլեֆ Մեհներտ եղբայրը, որին Տերը վերցրեց 2003 թվականի ապրիլին: Լրագրողի պրոֆեսիոնալ գործունեության հետ մեկտեղ նա կարևորություն էր տալիս բոլոր հարանվանությունների միջև կապերին: Իրոք, 1989 թվականից նա Տիրոջ կողմից առանձնահատուկ կերպով օգտագործվեց այդ նպատակով, այնպես որ, հնարավորություն ունեցա մեկ շաբաթ շարունակ խոսել Մոսկվայի համալսարանի աստվածաբանական ֆակուլտետի ուսանողների հետ: Իր արտասովոր ընդունակությունների շնորհիվ նա կարողացավ ինձ համար նոր կապեր հաստատել ողջ աշխարհում, նույնիսկ մուսուլմանական երկրներում: Մեհներտ եղբայրը Իսրայելի համար առանձնահատուկ բարեկամ էր և օրհնության հետքեր է թողել Աստծո թագավորությունում: Մեծ վարձ է սպասում իմ սիրելի եղբորը: Անցած տարիների ընթացքում Փարիզի Դիդյե և Ժիլբեր եղբայրները, Բրյուսելի Լեոնարդ Լիֆեզ եղբայրը, Շվեյցարիայի Ուրս Գրաֆ եղբայրը և Ավստրիայի Վալտեր Մյուլլեր եղբայրը մեծ օրհնություն են եղել տարբեր երկրներում: Աշխարհում հարյուրավոր եղբայրներ մնացել են Խոսքի մեջ և ծառայում են Աստծո ժողովրդին: Նրանցից շատերը մեծ պատասխանատվություն են կրում իրենց քաղաքում և երկրում: Մենք բոլորի հետ կապված ենք Աստծո սիրով: ԱՄՓՈՓՈՒՄ Տեսնելուց հետո, թե Աստված ինչ է արել մեր ժամանակներում մենք վստահությամբ նայում ենք Անտեսանելիին, կարծես թե տեսնում ենք Նրան (Եբր. 11:27), որովհետև գիտենք, որ Նա կկատարի Իր խոստումներից յուրաքանչյուրը (Հռոմ. 4:13–25): Այն ամենը, ինչ Աստծո շնորհքով կատարվեց Աստծո Թագավորությունում, հատկապես վերջին քառասուն տարիների ընթացքում, գերազանցեց մեր բոլոր սպասումները: Իրականում դա նախապայման էր այն բաների, ինչ կատարվելու են հաջորդ ժամանակահատվածում: Աստծո Խոսքը քարոզվել է աշխարհով մեկ հավաքույթների, գրքերի, գրքույկների, հեռուսատահաղորդումների միջոցով: Գերմաներեն լեզվով ունենք Բրանհամ եղբոր մոտ 200 քարոզներ, որոնք անընդհատ պետք է վերահրատարակվեն: Ամեն ամիս առաջին շաբաթ–կիրակին քարոզներ են լինում այստեղ՝ միսիոներական կենտրոնում, որոնք ուղարկվում են աշխարհով մեկ՝ ծառայության մեջ գտնվող եղբայրներին, որոնք էլ իրենց հեր- թին փոխանցում են այն, ինչ ստացել են: Երբ ես 1966 թվականին ինձ ամբողջությամբ դրեցի Տիրոջ տրամադրության տակ, արցունքով ուխտ արեցի երկնքի Աստծուն և գիտակցաբար ին կյանքը նվիրեցի Նրա ծառայությանը: Նաև ես ասացի. «Հավատարիմ Տե՛ր, այնպես արա, որ ես Քո Խոսքը քարոզեմ այնպես, որ բոլոր լսողները հավատացյալ դառնան և փրկվեն: Մի՛ թույլ տուր, որ ասեմ այնպիսի բան, որը չի կարող մնալ Քո առջև: Դու հոգ տար Քո Եկեղեցու և Քո գործի համար նաև նյութական տեսանկյունից, որովհետև ես երբեք չեմ խոսելու փողի մասին»: Փառք Աստծուն, մինչև այսօր կարողացել ենք աշխարհով մեկ ամեն ինչ ուղարկել ձրի և կարիք չենք ունեցել որևէ բան վաճառելու: Մեզ համար կարևոր է աստվածային պատգամը տանել մինչև երկրի ծայրերը: Միսիոներական ճամփորդությունների, հրատարակությունների և առաքումների բոլոր ծախսերը, ինչպես նաև միսիոներական կենտրոնի բոլոր աշխատողների աշխատավարձերը և հեռուստահաղորդումների բոլոր ծախսերը փակվում են ձեր ընծաների միջոցով: Այդ առթիվ հատկապես շնորհակալություն եմ հայտնում ձեզ, որ բնակվում եք գերմանախոս երկրներում, որովհետև հենց սկզբից Գերմանիայի, Ավստրիայի և Շվեյցարիայի եղբայրներն ու քույրերն են աջակցել գործին: Հետագայում նրանց միացան մարդիկ տարբեր երկրներից: Դուք, որ ձեր սրտում եք կրում Աստծո գործը և հոգ եք տանում, որ բարի լուրի պատգամաբերների ոտքերը կարողանան տանել Խոսքը (Ես. 52:7, Հռոմ.10:15), թող Աստված առատորեն վարձահատույց լինի ձեզ: Չգիտենք՝ դեռ ինչքան ժամանակ է մեզ մնում: Անշուշտ, շատ քիչ: Զգաստ լինենք, գնենք ժամանակը և պատրաստ լինենք գործելու քանի դեռ ցերեկ է, որովհետև գիշեր կգա, որում ոչ ոք չի կարող աշխատել: Եղեք օրհնված և մնացեք Տիրոջ շնորհքի մեջ նազովրեցի Տեր Հիսուս Քրիստոսի Անունով: Թող 2006 թվականը հոբելյանական տարի լինի, որում բոլորը վերադառնում են իրենց սկզբնական հոգևոր ժառանգությանը: Ձեր ամենօրյա աղոթքներում հիշեք իմ մասին, ողջ գործի և բոլոր եղբայրների մասին: Գործելով Աստծո հանձնարարությամբ՝ Էվալդ Ֆրանկ