Եղբայր Ֆրանկ
Ես նույնպես ցանկանում եմ բոլորին սրտանց ողջունել, և նաև շատ, շատ ողջույններ փոխանցել: Ինչպես միշտ, Մյուլլեր եղբորից՝ Բալթյան ծովից, բոլոր նրանցից, ովքեր գտնվում են Շվեցարիայում, Ավստրալիայում, ամբողջ Եվրոպայում, և նույնիսկ Ճապոնիայից… Ամեն տեղից, մենք ողջույններ ենք ստացել: Եվ նաև հատուկ դոկտոր Բինից՝ Աֆրիկայից , Կոնգո հանրապետությունից: Բոլորը մեզ հետ սրտանց կապված են, ինչպես նաև Տիրոջ հետ: Եվ ինչպես որ քիչ առաջ հիշատակվեց, մենք մուտք ենք գործել այս նոր տարվա մեջ, և ոչ ոք չգիտի, թե ինչ է նա մեզ բերելու: Ոչ ոք չգիտեր նաև, թե ինչ կբերեր իր հետ 2020 թվականը, 2021-ը: Բայց մենք շնորհակալ ենք Տիրոջը, սրտանց շնորհակալ ենք, որ Նա մեզ կարող է առաջնորդե՛լ ժամանակին: Եվ որքանո՞վ մենք կարող ենք գնահատել և գիտակցել… Դա ոչ միայն նախապես կանխասված վերջին ժամանակն է, ինչպես որ գրված է Ղուկասի 21-րդ գլխում՝ 11-րդ խոսքում, այն որ բոլոր երեք բաները՝ երկրաշարժերը, սովերը և տարբեր տեսակի մահտարաժամները կհասնեն այս երկրի վրա, Հիսուս Քրիստոսի վերադարձից առաջ: Այդ ամենը կատարվում է, և մենք տեսնում ենք թե նորություներով ինչ են ասում, այնտեղ միայն մեկ թեմա է, ամենակարևոր թեման, այն որ դրանում ընդգրված են բոլոր ժողովուրդներն ու բոլոր մայրցամաքները: Բայց մենք շնորհակալ ենք Տիրոջից, և մենք հետ նայում ենք դեպի վերջին 40 տարին, և ես չեմ ուզում մոռանալ, ուզում եմ բոլորին շնորհակալություն հայտնել նոր տարվա և Սուրբծննդյան շնորհավորանքների համար, և նույնպես շնորհակալություն հայտնել բոլոր նրանց, ովքեր Աստծո օրհնությունները ցանկացան ինձ, իմ ծննդյան 88 ամյակին, որը լրացավ դեկտեմբերի 24-ին: Ես իսկապես հետ եմ նայում երախտագիտությամբ, և այս տարի՝ Հունվարին, արդեն ուղիղ 70 տարի է, ինչ ես Աստծո Խոսքը քարոզում եմ համայնքին: Ես հետ եմ նայում իմ ամբողջ կյանքին, որը Տիրոջն է պատկանել, այո՛, ես ուզում եմ ասել, որ իմ ամբողջ կյանքը Նրան է պատկանել: Ես չեմ ուզում մանրամասնել, բայց Աստծո հետ կա՛պը, եղել է այնտեղ, հարգա՛նքը Աստծո Խոսքի հանդեպ, արդեն կար մեր տանը: Եվ Աստված ողորմություն արեց, որ ես 1949 թվականին, իմ կյանքը ամբողջովին նվիրեցի Տիրոջը: Եվ ես հիշատակեցի անցած 40 տարիները, որոնց մեջ իսկապես ի կատար է ածվել. «Հավաքի՛ր Իմ ժողովրդին, բոլոր նրանց, ովքեր ինձ հետ ուխտ են կապել զոհով, որպեսզի նրանք լսեն Իմ Խոսքերը»: Ուղղակի Տիրոջ հրամանն էր, որ բոլորին միասին հավաքեր, և ես արեցի դա բոլոր այդ տարիների ընթացքում: Ես կատարել եմ երկու բաները, այն, որն Աստված ասաց 1962 թվականի ապրիլի 2-ին, այն, որ քարոզե՛մ Իր Խոսքը, և որ բաժանեմ հոգևոր կերակուրը: Եվ մենք իրապես հետ ենք նայում բոլոր այդ տարիներին, որտեղ Աստված օրհնել է, բացել է դռները, սրտերը նույնպես բացել է ողջ աշխարհով մեկ, որպեսզի վերջին պատգամը հասնի Աստծո զավակներին, բոլոր մայրցամաքներում: Դուք բոլորդ գիտեք, որ Բրանհամ եղբայրը ուղիղ հանձնարարություն էր ստացել Տիրոջից խոսքը քարոզելու, որպեսզի բերեր պատգամը, և նրան ասվել էր. «Ինչպես որ Մովսեսին էր տրվել երկու նշան, այնպես էլ քեզ պետք է երկու նշան տրվեն»: Տերը, Իր ծառային և մարգարեին, ուղիղ հրահանգ է տվել: Առաջինը. 1933 թվականի, հունիսի 11-ին, այն, որ նա, «Ինչպես որ Հովհաննես մկրտիչը եկավ Քրիստոսի առաջին գալուստից առաջ, այնպես էլ նա է գալու մի պատգամով, որը նախորդելու է Քրիստոսի երկրորդ գալուստը»: Եվ մենք կարող ենք պարզ և անկեղծ, Աստծո առաջ ասել, այն, որ դա մեր աչքերի առջև իրականացել է: Մենք գտնվում ենք ժամանակի մարգարեական հատվածի մեջ: Եվ ինչպես որ նախապես հիշատակեցինք, այն ամենը ինչ Հիսուս Քրիստոսի վերադարձից առաջ տեղի կունենա՝ ազգերի մեջ, բնական ոլորտում, ինչպես նաև գերբնական… Երկրաշարժեր, սով, համաճարակներ, բոլորը կտարածվի ամբողջ երկրի վրա: Եվ մենք գտնվում ենք այս ամենի մեջ: Եվ մենք կարող ենք մտածել նույնիսկ Հռոմեացիների 8-րդ գլխի մասին, այն, որ ողջ ստեղծագործությունը ներգրավված էր, և հառաչում էին ազատագրման համար այնպես, ինչպես երբևէ: Եվ չի եղել ուրիշ մի տարի, որտեղ այսքան լուրեր կարելի էր լսել, քան 2021 թվականը, բայց նույնկերպ մենք կարող ենք ասել, այն ինչ վերաբերվում է հոգևոր մասին, չէ՞ որ չի եղել որևէ ուրիշ տարի, որտեղ այդքան շատ բան է պատմվել, ինչպես որ անցած տարում: Մենք չէ՞ որ քարոզ ենք ունենում ամեն չորեքշաբթի, ամեն շաբաթ և ամեն կիրակի, ողջ աշխարհով մեկ: Բոլոր ալիքներով բոլորը կարող են միանալ: Եվ երբ ես ևս մտածում եմ այն մասին, թե ինչպես Աստված դռներ է բացել բոլոր ժողովուրդների մեջ, բոլոր քաղաքներում, Մոսկվայում՝ մինչև իսկ Գորբաչովի օգնականը, մինչև իսկ բաբտիստական համայնքում, մինչև համալսարանը: Երբ ես թվարկեմ քաղաքը քաղաքի հետևից, և հետո պատմեմ թե ինչպես է Տերը այդ ամենը առաջնորդել… Թույլ տվեք ինձ ուղղակի համառոտ երեք բան հիշատակել: Երբ ես Աթենքում էի, մեծ հիսունական եկեղեցում քարոզում էի, ինձ մոտ հանկարծակի մի միտք եկավ. «Վերցրու նավը և ուղևորվիր դեպի Պատմոս»: Եվ ես այդպես էլ արեցի, գնացի Պերեյ նավահանգիստը, ես այնտեղ նավ նստեցի և ուղևորվեցի Պատմոս՝ Էգեյան ծովի միջով, որպեսզի այնտեղ լինեմ երեք օր: Եվ ինչպես որ մեզ ավետվել է, այնտեղ քարե քարանձավ կար, որտեղ գտնվում էր Հովհաննեսը, և որտեղ որ ստացավ հայտնությունը: Ես Հայտնության գրքի բոլոր 22 գլուխները մեկ անգամ ևս կարդացի, ես խորացա նրանք մեջ, Տիրոջը խնդրեցի որ ողորմություն անի ինձ, այդ ամենը ճիշտ հասկանալու համար: Եվ ես իսկապես արցունքներով այս ու այն կողմ էի գնում, և ասում էի ինքս իմ առջև. Սիրելի Տեր, Հովհաննեսը այլևս չկա, Բրահամ եղբայր այլևս չկա, բայց Դու՝ Դու դեռևս այստեղ ես, և Դու ողորմություն ես անում և բացում ես Քո Խոսքը… Եվ այդպես շարունակվեց այն, ես չեմ ուզում այդ ամենը մանրամասնել, բայց ճիշտ նույն ձևով, երբ ես Կահիրեում էի, երեք տարբեր համայնքներում քարոզում էի, այսպիսի միտք եկավ ինձ. «Ուղղակի տաքսի վերցրու, և գնա դեպի թագավորական բուրգը»: Եվ ես ասում եմ ձեզ, ես իմ իրերը թողեցի հյուրանոցում, և 33 կիլոմետր գնացի տաքսիով: Եվ ես մեկ ժամ ուշացել էի, բայց պահակը 2 դոլլար վերցրեց և ներս թողեց ինձ: Եվ ես բարձրանում էի բոլոր այդ փոքրիկ աստիճաններով, կռանալով և այլն, մինչև որ հասա թագավորական սրահը՝ չորս անկյուն ունեցող սրահը, որպեսզի տեսնեի թե ինչ կա այնտեղ: Եվ չէ՞ որ Բրանհամ եղբայրը նույնպես խոսել էր դրա մասին, բայց դա իրականում մեկ այլ բան է, երբ անձամբ ես կարողանում տեսնել այդ. Այդ 13 նեղ աստիճաններն են, և հետո 50 մետր բարձրության վրա դարձյալ 13 աստիճաններ են, և վերև են բարձրանում: Եվ այնտեղ ես նույնպես կարողացա վկայություն տալ Աստծո ողորմության մասին: Մի քանի երիտասարդ տղաներ կային այնտեղ, և նրանք ոտքերը ծալել էին մեկը մյուսի վրա և մեդիտացիա էին անում: Եվ Աստված ողորմություն արեց, որ ես կարողացա քարոզեմ նրանց ավետարանը, և կարողացա աղոթեմ նրանց հետ, վերևում բուրգի մեջ: Նրանցից մեկը գերմանացի էր, և նա իր կյանքը նվիրեց Տիրոջը, և հիմա նա գտվում է համայնքում, հարավային Գերմանիայում: Այո՛, և հետո երրորդը, երբ ես Հորդանանում քարոզում էի, ինձ այսպիսի միտք եկավ. «Ուղևորվիր այն սարը, որտեղ որ Մովսեսն է եղել, և նայիր այն ուղղությամբ, որտեղ նայել է Մովսեսը՝ դեպի խոստացված երկիրը»: Եվ այնտեղ քրիստոնեական տուրիստական գործակալություն կար, և այդ մարդն ասաց ինձ. Ես կարող եմ ձեր համար տաքսի պատվիրել, և դուք կարող եք այնտե՛ղ ուղևորվել: Եվ երբ ես բարձրացա Նեբո սարը, տեսա տարբեր եկեղեցիների վաճառասեղաններ, բոլորն էլ իրենց ցուցահանդեսներն ունեին ամենապարզ ձևերով, բայց ես անցա այդ ամենի կողքով, մինչև որ կարողացա տեսնել Երիքովը, և վերջապես կարողացա տեսնել Երուսաղեմը: Եվ ձախ կողմում գտնվում էր սև ծովը: Սիրելի եղբայրներ և քույրեր, դուք չեք պատկերացնի, թե դա ի՞նչ է նշանակում ինձ համար: Եվ հետո ես մտածեցի Մովսեսի մասին, որին հանձնարարություն էր տրվել, որպեսզի առաջնորդի ժողովրդին, բայց նա չառաջնորդեց նրանց խոստացված երկիրը: Իմ առջև Հորդանանն էր, նրանից հետո Երիքովը, և ես մտածեցի ինքս իմ մեջ. Սիրելի Տեր, Դու ուղարկել ես Բրանհամ եղբորը, որպեսզի ժողովրդին դուրս հանի Բաբելոնյան գերությունից, բոլոր այդ ստրկությունից: Աստված քեզ դրա համար է նախասահմանել և օգտագործել զորավոր ձևով: Քեզ լսել են բոլոր հարանվանություններում, և հավատացյալների տարբեր շրջանակներում, եկեղեցիներում և ազա՛տ եկեղեցիներում: Եվ չէ՞ որ մարդիկ, Բրանհամ եղբոր ծառայության միջոցով դուրս են կանչվել, և հիմա պետք է կատարվի այն, ինչ Աստված խոստացել է: Եվ մենք շնորհակալ ենք Տեր Աստծուն նրա համար, ինչին մենք հասել ենք, ինչ մենք ունենք Հիսուս Քրիստոսի վերադարձից առաջ, ժամանակի վերջին հատվածում: Եվ ես կասեմ ձեզ, որ այս հատվածը ավելի կարևոր է, քան այն, որն արդեն անցել է: Այժմ, բոլոր նրանք, ովքեր Աստծո Խոսքը լսել և դուրս են եկել, պետք է ընդունեն ամբողջ ուղղումը, պետք է համաձայնեն Աստծո և Նրա Խոսքի հետ, և պետք է բոլոր այն բաները, որոնք եղել են սկզբում, Աստծո հետ վերապրեն: Մենք գտնվում ենք ժամանակի վերջին հատվածի մեջ: Եվ մենք բոլորս գիտենք, թե ինչ է գրված Գործք Առաքելոցի 3-րդ գլխում, մենք սպասում ենք այն արթնության, զգաստության, վերակենդանացման, և Սուրբ Հոգու հեղման ժամանակներին, որտեղ առաջին և վերջին անձրևը կթափվեն միասին: Չէ՞ որ Բրանհամ եղբոր մոտ Խոսքը հստակ էր. «Արձակի՛ր Իմ ժողովուրդս»: Եվ ինչպես որ Բրանհամ եղբայրը փրկություն էր քարոզում Գառան արյան միջոցով, այնպես էլ թույլ տվեց որ իրականանա կոչը. «Արձակի՛ր Իմ ժողովուրդս»: Եվ բոլորը, ովքեր Աստծո ժողովրդին էին պատկանում, նրանք լսել են Տիրոջ ձայնը, և դուրս են եկել բոլոր հարանվանություններից, բոլոր ժողովուրդնրում և լեզուներում: Քանզի Բրանհամ եղբոր ծառայությունը… Եվ ամենակարևորը, որ այն տեղի ունեցավ ԱՄՆ-ում և 12 ուրիշ երկրներում, ամեն դեպքում այն հայտնի դարձավ ողջ աշխարհով մեկ, Տերը իսկապես ողորմություն արեց: Եվ մենք ճանաչեցինք, որ նա խոստացված մարգարեն էր, ով նախքան Տիրոջ մեծ և ահեղ օրը, պետք է գար, որպեսզի ամեն բան կարգի բերեր: Բայց հիմա մենք պետք է պատշաճ դիրքում գտնվենք, և զբաղեցնենք մեր տեղը: Եվ մենք շնորհակալ ենք մեր Աստծուն նրա համար, որ մենք միշտ Խոսքը ընդունել ենք որպես հիմք, և մինչև վերջ այդպես պետք է անենք: Եկեք հիմա աստվածաշնչից մի քանի հատվածների անդրադառնանք. Խնդրեմ.
—Մենք կկարդանք 2-րդ Պետրոսի 1-ին գլխից.
2-րդ Պետրոս, 1-ին գլուխ, 16-րդ խոսք.
« 16 Որովհետեւ մենք ոչ թէ վարպետութեամբ հնարուած առասպելների հետեւելով ցոյց տուինք ձեզ մեր Տէր Յիսուս Քրիստոսի զօրութիւնը եւ գալուստը. այլ ականատես լինելով նորա մեծափառութեանը»:
—Գոհություն լինի կենդանի Աստծուն: «Մենք խորամանկությամբ հորինված առասպելների չհետևեցինք», ոչ էլ մեկնություներին, այլ մարգարեական խոսքին: Եվ մենք միայն աստվածաշնչով, կամ աստվածաշնչի համամետ կարողացանք կողմնորոշվել: Եվ մենք կարող ենք վկայել այն մասին: Ես հնարավոր է հատուկ ձևով, ես՝ ով գտնվել է Բրանհամ եղբոր հավաքույթներին, ես կարող եմ վկայել այն մասին, ինչ Աստված տեսանելի ձևով, Բրանհամ եղբոր հավաքույթներում, իրականացրել է, հաստատել է Խոսքը, և օրհնել է գերըմբռնումը: Մենք կարող ենք համոզիչ ձևով, ամենայն ճշմարտությունով ասել. Մենք վերջին պատգամը, և հատկապես խոստումը այս ժամանակի համար՝ քարոզել ենք: Ոչ թե առասպելները, այլ Աստծո Խոսքն է ճրագ դարձել մեր ոտքերի համար, և լույս մեր ճանապարհի համար: Ես կարող եմ ասել, ինչպես որ Պետրոսն էր ասում, կարող եմ ողջ սրտով կրկնել. «Խորամանկությամբ հորինված առասպելների չհետևեցինք»: Ի՞նչ ուներ Պետրոսը, նա ուներ մարգարեական խոսքը, ի՞նչ ունենք մենք, մենք ունենք մարգարեական խոսքը: Գոհություն մեր Աստծուն դրա համար: Խնդրեմ:
—Մենք կկարդանք Փիլիպեցիների 1-ին գլխից, 9-րդ խոսքից մինչև 11-ը:
« 9 Եւ սա աղօթք եմ անում, որ ձեր սէրն էլ աւելի եւ աւելի հարստանայ գիտութիւնով եւ ամեն հասկացողութիւնով. 10 Որ դուք լաւագոյնն ընտրէք, որ մաքուր լինիք եւ առանց գայթակղութեան Քրիստոսի օրումը, 11 Արդարութեան պտուղներով լցուած՝ Յիսուս Քրիստոսի ձեռովը, Աստուծոյ փառքի եւ գովասանքի համար»:
—Այստեղ մենք իսկապես կարող ենք ասել. Ամեն: Եվ ես կխնդրեմ բոլորին, որ այս տեքստը հավատքով և աղոթքով, մեկ անգամ ևս կարդանք: Աստծո Սերը, այն պետք է ավելանա մեզ մոտ: Միայն կատարյալ սերը կմտնի այնտեղ, բոլորը կվերջանան, բոլոր պարգևները, ամենը, ամեն ինչ կվերջանա, բայց սերը, այն կմնա, սերը Աստծո հանդեպ, սերը Աստծո Խոսքի հանդեպ, միմյանց հանդեպ: Եվ եղբայրներ և քույրեր, այստեղ բացթողում կա, այո՛, մենք բոլորս չէ՞ որ թողել ենք առաջին սերը, ի՞նչ է հիմա: Ես նույնիսկ հիշում եմ արթնության օրերը, 1949 թվականից հետո, ինչպիսի սեր կար այնտեղ նրանց մեջ, ովքեր մկրտված էին Սուրբ Հոգով, եղբայրների մեջ՝ այնտեղ Սուրբ համբույր կար, դա կարգի մեջ էր՝ Աստծո սերը: Եվ թույլ տվեք ինձ հանգիստ ասել, չէ՞ որ Սուրբ Հոգու մկրտության միջոցով Աստծո սերը տարածվում է մեր սրտերի մեջ, որից հետո միայն կարող են հանդես գալ Հոգու պարգևները՝ ամենը ինչը հիմա կարող է կատարվել, երբ վերջին անձրևը թափվի, որպեսզի Աստծո սերը հեղվի ընտրյալների սրտերի մեջ, որպեսզի նրանք ներքին կապ ունենան Աստծո հետ և միմյանց հետ, որպեսզի դա այնտեղ լինի, որպեսզի ամենը, ինչ կատարվում է համայնքում, տեղի ունենա սիրո մեջ, և որ Տերը կարողանա տալ Իր օրհնությունը: Եվ նույնպես այլ խոսքերով ասաց, որպեսզի մինչ Քրիստոսի վերադարձը ոչ ոք հետ չմնա, որպեսզի բոլոր նրանք, ովքեր Բրանհամ եղբոր ծառայության միջոցով դուրս են կանչվել, ովքեր որ հիմա պետք է առաջնորդվեն, որպեսզի իսկապես բոլորը Աստծուն վերապրեն, վերապրեն իրենց դարձը, վերապրեն իրենց նորոգությունը, վերապրեն Վերստին ծնունդը, Սուրբ Հոգու մկրտությունը, կնքվելը սուրբ Հոգով, որպեսզի այն ամենը, ինչ վերաբերվում է փրկագնման գործին, որպեսզի այն մեզանում, և հետո մեր միջոցով, կարողանա բացահայտվել: Մենք էլի կկարդանք:
—Մենք կկարդանք Հռոմեացիների 9-րդ գլխի, 28-րդ խոսքը.
«28 Որովհետեւ մի կարճ եւ համառօտ բան կ’անէ Տէրը արդարութեամբ. Տէրը մի կարճ բան կ’անէ երկրի վերայ»:
—Գոհություն լինի Տիրոջը: Տերը Ինքը Իր փրկագնման գործը ավարտին կհասցնի:
Նա սկսել է, Նա էլ կավարտի: Նա Իր արյամբ փրկագնված բազմությանը՝ Իր որդիներին և դուստրերին կյանք պարգևեց: Նա առաջնեկն է բոլոր եղբայրների մեջ: Թույլ տվեք ինձ, ասել սա գոհունակ սրտով. Մենք ունենք ամենամեծ առանձնաշնորհումը, այն, որ մենք հիմա կարող ենք Աստծո փրկագնման պատմության վերջին հատվածը վերապրել: Եվ ինչպես որ նախկինում հիշատակել ենք, այն որ անցած 40 տարիներին, հատկապես 1979 թվականից 2019 թվականը ես ճանապարհորդել եմ, ամեն ամիս, ամեն ամիս, քաղաքից քաղաք, երկրից երկիր, մայրցամաքից մայրցամաք: Դա անհրաժեշտ է եղել, որպեսզի Աստծո պատգամը տարվի ամեն տեղ: Բայց հիմա, անցած երկու տարին ես այլևս չեմ կարողացել ճանապարհորդել: Ամեն բան այլ է դարձել, օդային թռիչքները, այս համաճարակը, բոլոր այս վարակները, ամենը ինչ կատարվել է երկրագնդի հետ, չէ՞ որ ճամբորդությունը անհնար է դարձրել: Բայց Աստված հոգ տարավ այն մասին, որ այդ ժամանակվանից, այն քարոզները որոնք 60-ական թվականներից ուներ Բրանհամ եղբայրը, և այն, որ մենք ունեինք 80-ականներից, այժմ հնարավոր է լսել ամբողջ աշխարհում: Եվ Աստված իսկապես ողորմություն արեց այդ առումով: Ես վերջերս հարցրեցի Թաթթի եղբորը. Որքա՞ն սարքավորումներ և տեխնիկա ենք մենք գնել, որպեսզի ամբողջ աշխարհով հնարավոր լինի տեսնել և լսել ուղիղ հեռարձակումները, և նա պատասխանեց. Երկու հազար քանակից ավելի: Եվ Աստված այնտեղ նույնպես հոգացել է, որպեսզի նրանք, ովքեր որ չունեն այդ սարքավորումները, կամ հնարավորություն չունեն դրանք գնելու, մենք կարողանանք հոգալ այդ մասին: Որպեսզի բոլոր եղբայրները, բոլոր քաղաքներում, անբողջ Աֆրիկայում, բոլոր մայրցամաքներում, կարողանան լսել, և կարողանան մասնակցություն ունենան այն բանում, ինչը հիմա խոսվում է համայնքում: Եվ մենք կարող ենք ողջ համոզմունքով ասել, որ մենք փոխանցել ենք միայն այն, ինչ Տերը ասել է Իր Խոսքի մեջ: Եկեք ընդհանրացնենք ամբողջը միասին՝ սիրելի եղբայրներ և քույրեր: Բրանհամ եղբայրը, իր մա՛սը կատարեց, Ֆրանկ եղբայրը ի՛ր մասը կատարեց, Բրանհամ եղբայրը այլևս չպետք է վերադառնա, Ֆրանկ եղբայրը այլևս չի ճանապարհորդելու: Մտածեք մեկ անգամ, անցած տասնամյակում չէ՞ որ հազարավորներ էին ուղևորվում Կրեֆելդ, հարյուրավորներ Ցյուրիխ, որպեսզի լսեն Տիրոջ Խոսքը: Բայց այդ ժամանակները վերջացել են, նաև Կրեֆելդում, մենք միայն նեղ շրջանակում ենք հավաքվում, այս իրավիճակի պատճառով, որ տեղի է ունենում աշխարհում և ամբողջ Եվրոպայում: Եվ նույնկերպ ամենուրեք փոքրիկ խմբե՛ր կարող են հավաքվել: Եվ ես ասում եմ ձեզ. Վերջին գործունեությունը կհասնի բոլորին, որտեղ էլ որ հավաքվելիս լինեն: Եվ ես կամենում եմ այսուհանդերձ հիշատակել, որ բոլոր ծառայող եղբայրները, նույն կերպով ինչպես Բրանհամ եղբայրը և ֆրանկ եղբայրը, իրենց հանձնարարությունը կատարեն: Եվ նրանք նույնպես բաժին ունեն Խոսքի քարոզչության մեջ, կերակուրը բաժանելու մեջ, և նրանք մանրակրկիտ ձևով և ազնվությամբ փոխանցում են: Եվ ես ասում եմ, որ բոլոր եղբայրները կարող են կրկնել այն, ինչ Պետրոսն ասաց, յուրաքանչյուր եղբայր, յուրաքանչյուր երկրում, որպեսզի կարողանա ճշմարտապես ասել Աստծո առջև. Ես չեմ հետևել մեկնություններին, յոթ որոտների մեկնությանը, ես չեմ հետևել ոչ ոքի, ես չեմ հետևել խորամանկությամբ հորինված առասպելներին, ես կանգնած եմ Աստծո առջև, և քարոզել եմ Աստծո Ճշմարիտ Խոսքը, և անխարդախ կերկուրն եմ բաժանել: Եվ այդ կերպով Աստված կիրականացնի Իր գործը: Եղբայրներ և քույրեր, մի տխրեք այս իրավիճակի համար, որում գտնվում ենք: Մենք հավանաբար ավելի մոտ ենք գտնվում վերջին, քան կարծում ենք: Խնդրում եմ գոհացեք Աստծուց այն փոքր խմբերում, որտեղ էլ որ հավաքվում եք, և ամեն պարագայում շնորհակալություն ասեք Աստծուն, քանզի այդպես է գրված, որ մենք վարվենք: Եվ ամեն ինչ, ինչ կատարվում է երկրագնդի վրա, չէ՞ որ կատարվում է և հավատացյալների, և անհավատների մեջ: Եթե ինչ-որ տեղ երկրաշարժ է տեղի ունենում, կամ սով, կամ թանկացում, եթե որևէ տեղ հրաբուխ է ժայթքում, կամ այս ու այն բանն է տեղի ունենում, չէ՞ որ ամենը տեղի է ունենում ողջ երկրագնդի վրա: Մենք գտնվում ենք երկրի վրա, և մենք այդ ամենի միջով պետք է անցնենք, մինչև ամենավերջին պահը: Բայց հետո, Տերը մեզ տուն կտանի Իր ողորմությամբ, երբ կավարտի Իր գործը: Եվ այսպես, եկեք մոտենանք ավարտին: Տեր Աստվածը, օրհնի բոլորիդ, բոլոր քարոզիչներին, և բոլոր նրանց, ովքեր ժամի պատգամը՝ բացահայտված Սուրբ Խոսքը տարածում են, վերջին պատգամը, Բրանհամ եղբոր ծառայությունը, և ովքեր հաշվի են առնում վերջին ծառայությունը և ընդունում են, և ամբողջ սրտով Աստծուց գոհանում են դրա համար, և դրա մեջ մասնակցություն են ունենում: Նա ով հաշվի չի առնում Բրանհամ եղբոր ծառայությունը, երբ մեկը չի կարողանում պատկանել դրան, այնպես ինչպես որ Աստված նրան տվել է հանձնարարությունը, և Տերն ասում է. Երբ Ես մեկին ուղարկում եմ և դուք նրան ընդունում եք, դուք Ինձ եք ընդունում, և ով որ ինձ է ընդունում, ընդունում է ինձ ուղարկողին: Եվ այսպես, Աստված, Քրիստոսը, Աստծո մարդը, և հետո նրանք, ովքեր Աստծո Խոսքը լսում են: Ես չգիտեմ, կլինի՞ արդյոք մեկը, ով կմասնակցի հափշտակությանը, ով քամահրանքով է անցնում այս ծառայության կողքով, այն բանի կողքով, ինչ Աստված ներկայում իրականացնում է: Ես չգիտեմ, ես պետք է պարզապես այդ ամենը հանձնեմ Աստծուն, ես իմ կասկածներն ունեմ: Այնքան հստակությամբ, ինչպես որ Աստված հանձնարարություն տվեց Բրանհամ եղբորը, նույնպես էլ Նա հանձնարարություն տվեց Ֆրանկ եղբորը, և նույն կերպ Բրանհամ եղբայրը, 1962 թվականի դեկտեմբերի 3-ին, վկաների ներկայությամբ դա հաստատեց, և Տերը ողջ երկրի վրա, հաստատեց դա որպես ճշմարտություն: Եվ այսպես, շնորհակալ եղեք որ մենք այսօր կարող ենք ապրել, մի տրտնջացեք, այլ գոհացեք Տիրոջից, և Տերը կառաջնորդի մեզ բոլոր օրերի մեջ, ինչպես որ խոստացել է, և ամեն օր մեզ հետ կլինի մինչև աշխարհի վերջը: Եվ մենք կարող ենք մեկս մյուսին կոչ անել մեկ անգամ ևս այն, ինչ Տերն ասաց. «Երբ կտեսնեք այս ամենը կատարվելիս, ձեր գլուխները վեր բարձրացրեք, որովհետև ձեր փրկությունը մոտենում է»: Եվ այսպես, եկեք դժգոհություն չցուցաբերենք իշխանության դեմ՝ բոլոր այդ որոշումների հետ կապված քննարկումների մեջ մտնելով, այլ գոհանանք Տիրոջից և մեր պատրաստությո՛ւնը տեսնենք: Եվ ես շնորհակալ եմ Տիրոջը, որ Նա հոգացել է ուղիղ հեռարձակման համար բոլոր լեզուներով, բոլոր սարքավորումների համար, ամենի համար Աստված հոգացել է: Ոչ թե ես, այլ Տերը է իրականում հոգացել այդ ամենի համար: Ես ոչ ոքի չեմ ասել արի այս կամ այն բանն արա, Աստված բոլոր եղբայրներին, ովքեր գտել են այս քարոզները և մի տեղ են հավաքել, և բոլոր եղբայրները ովքեր այժմ ապահովում են այս ուղիղ հեռարձակումը, որպեսզի այն հեռարձակվի, ամենը թող Տիրոջը հանձնվի, և Նա հրաշալի ձևով ամենը կառաջնորդի: Եվ թող փառավորվի Նրա Սուրբ Անունը, և Հոգին և Հարսը ասում են արի՛, և նա ով լսում է թող ասի արի: Օհնյալ լինի Տերը, ամենակարող Աստծո օրհնությունները ձեր բոլորի վրա լինեն, և թող որ այս 2022 թվականը, լինի ամենաօրնյալ տարին, թող որ այն լինի հոբելյանական տարի, որտեղ բոլորը վերադառնում են իրենց սկսզբնական տիրապետությանը: Տիրոջ ողորմությունը և խաղաղությունը ձեր բոլորի հետ լինի, Հիսուսի Սուրբ անունով. Ամեն: Կանգնենք աղոթքի համար:
—Երկնավոր Հայր, մենք շնորհակալ ենք մեր ողջ սրտով, այս աստվածաշնչյան խոսքի համար, մենք շնորհակալ ենք որ Դու Ֆրանկ եղբորը ուժ ես տվել, որպեսզի խոսի մեզ: Քո թանկագին խոսքը կյանք և Հոգի է, մենք շնորհակալ ենք, որ Դու տվել ես մեզ Քո Խոսքը՝ վերջին պատգամը: Մենք խնդրում ենք Քեզ, օրհնի՛ր Քո բոլոր ժողովրդին ողջ աշխարհով մեկ, ովքեր լսեցին այս խոսքը, և ողորմած եղիր մեր հնդեպ՝ Հիսուսի անունով. Ամեն:
—Ամեն: Սիրելի եղբայրներ և քույրեր, ես այսօր ցանկանում եմ հատուկ ծանուցում անել: Ինչպես որ մեզնից շատերը գիտեն, Տերը մեր սիրելի եղբորը՝ Պավել Շմիդտին, վերցրեց փառքի մեջ, և հուղարկավորությունը կլինի ուրբաթ, Հունվարի 7-ին: Այս իրավիճակների պատճառով գերեզմանոցում ներկա են լինելու միայն ընտանեկան նեղ շրջանակը: Եվ նաև ժամը 10:30-ին, այստեղ սրահում հրաժեշի հավաքույթ կլինի, նեղ շրջանակում: Իհարկե, մենք շնորհակալ ենք, որ դա ուղիղ հեռարձակվելու է, և բոլորը կարող են լսել իրենց մոտ: Եվ նրանք ովքեր չեն կարողանա ճաշից առաջ լսել, նրանք կարող են լսել ավելի ուշ: Այն տեղադրվելու է: Եվ մենք շնորհակալ ենք Տիրոջը այս հնարավորություն համար: Խնդրում եմ չմտահոգվեք ոչնչի համար: Մենք բոլորս գիտենք, սրահը շատ փոքր կլիներ, քանի որ շատերրը կցանկանային այցելել, և դա հնարավոր չէ ներկա իրավիճակի պատճառով: Դուք կարող եք մնալ տանը, լսել, կամ ուղիղ, 10:30-ին, կամ ավելի ուշ: Ամենակարող Աստծո օրհնությունը թող ձեր ամենքի վրա լինի, ձեր, ովքեր մեր սիրելի եղբորը՝ Պավել Շմիդտին սիրել և գնահատել եք: Տերը օրհնի ձեզ և ձեր հետ լինի. Ամեն: