Ֆրանկ եղբայր.

Սիրելի եղբայրներ և քույրեր Տիրոջմով, ես սրտանց ողջունում եմ ձեզ, այս հեռարձակմանը: Այսօր մենք կխոսենք մի քանի կետերի մասին: Այսօր մենք հիշում ենք, կամ հատկապես ես եմ հիշում 1962 թվականի ապրիլի 2-ը, և չէ՞ որ արդեն 62 տարի է անցել այն պահից, երբ Տերը կանչեց ինձ լսելի ձայնով և հանձնարարեց ինձ հռչակել Իր Խոսքը: Այսպիսով, այսօր մենք մտածում ենք 1962թ. ապրիլի 2-ի մասին, և մենք  երախտագիտությամբ հետ ենք նայում դեպի այն ​​շատ ու շատ տարինե՜րը, երբ Տերն օգնեց, օրհնեց, հրահանգներ տվեց և նորից ու նորից Խոսեց: Հետո, այսօր մեզ մոտ 50-ամյակ է: 50 տարի առաջ այս օրը տեղի ունեցավ այս սրահի բացումը։ 1974 թվականին, ապրիլի առաջին շաբաթավերջին, մենք մեր սրահը ընծաեցինք Տիրոջը: Այնտեղ կարծում եմ 556 նստատեղ էր, և Տերը հոգ տարավ, որ դրանք բավականին հաճախակի զբաղեցվեին, և որ մնացած բոլոր սենյակները, ներառյալ ճաշասենյակը, պետք է հաշվի առնվեին, որպեսզի տեղավորեին բոլոր նրանց, ովքեր եկել էին լսելու Աստծո Սուրբ Խոսքը: Ինչպես գիտեք, ես ինքս հասել եմ իմ 90-ամյակին, և ես ի սրտե երախտապարտ եմ Աստծուն, որ ինձ հենց սկզբից առաջնորդել է և ուղղորդել:

Այսօր մենք Բորգ եղբոր հետ, ով կկարդա Աստվածաշնչի հատվածները, կնայենք անցյալին միասին: 1958 թ.-ին Բորգ եղբայն այնտեղ էր, երբ ես թարգմանեցի Բրանհամ եղբոր առաջին քարոզը, և այդ ժամանակվանից մենք միասին քայլեցի՜նք Տիրոջ ճանապարհով և ծառայեցի՜նք Տիրոջը: Այսպիսով, սիրելի եղբայրներ և քույրեր, մենք համառոտ կանդրադառնանք նաև Բրանհամ եղբոր ծառայությանը, որին Տերը հատուկ կերպով օգտագործել է:

Եվ այստեղ ես կարող եմ ասել. Երեկ ես նորից լսեցի և կարդացի Հայտնության 22 գլուխները։ Եվ ես ուղղակի ցնցվա՜ծ եմ այն ​​բազմաթիվ գերբնական բաներով, որոնք Հովհաննեսը զգաց, տեսավ, լսեց և կարողացավ գրել Պատմոս կղզում: Նա տեսավ Նրան, ով նստա՜ծ էր գահի վրա, և տեսավ, թե ինչպես Գառնուկը եկավ և վերցրեց յոթը կնիքներով գիրքը Նրա աջից, ով նստած էր գահի վրա։ Որքա՛ն հաճախ է Հովհաննեսը հիշատակում 24 երեցներին, հիշատակում չորս կենդանուն: Որքա՛ն հաճախ էր նա հիշատակում այն ​​բաները, որոնցով մարդիկ անցնում էին։ Այնուհետև նաև յոթ եկեղեցական դարաշրջանները, և նույնիսկ յոթ կնիքները: Մենք այսօր չենք ուզում, և չենք կարող դրան անդրադառնալ: Բայց սա եզակի դեպք է, որ Աստված օգտագործեց Բրանհամ եղբորը, և հետո երբ ժամանակը եկավ, 1960թ. դեկտեմբերի 5-ից մինչև 11-ը, նա խոսեց յոթ Պատգամների մասին, հայտնության միջոցով: Եվ հետո եկավ ժամանակը, 1963թ. մարտի 17-ից 24-ը, երբ Բրանհամ եղբայրը հրահանգ ստացավ, որ յոթ կնիքները բացվելու են: Եվ մենք բոլորս գիտենք, որ նրան ասվեց, որպեսզի բերի այն Պատգա՜մը, որը նախորդելու է Քրիստոսի երկրորդ գալուստին: Եղբայրներ և քույրե՜ր, մեր եղբայրները սկզբո՜ւմ, լինի դա Պետրոսը, լինի դա Հովհաննեսը, լինի դա Հակոբոսը, գերբնական բաներ ապրեցին մեր Տիրոջ հետ: Գերբնական բանե՜ր տեղի ունեցան նաև Նոր Կտակարանի եկեղեցու սկզբում: Բայց այն, ինչ հետո հայտնվեց Պատմոս կղզո՜ւմ, թե ինչ է լինելու ընդհուպ մինչև նոր երկինքն ու նոր երկիրը, և որ մեր ժամանակներում Աստված մարգարե՜ ուներ, որին կարող էր ամեն ինչ հայտնել… Օ՜, որքան շնորհակալ, որքան շնորհակալ կարող ենք լինել մենք: Այժմ մենք որոշ հատվածներ կկարդանք Աստվածաշնչից, և կխնդրենք Բորգ եղբո՜րը դա անել: Խնդրեմ։

—Կարդում ենք Մատթեոսի 24-րդ գլխի 3-րդ Խոսքը: Մատթեոս 24 գլուխ, 3-րդ Խոսք.

«3 Եւ երբոր նա Ձիթենեաց սարի վերայ նստած էր,  աշակերտներն առանձին նորա մօտ եկան եւ ասեցին.  Ասիր մեզ, այդ ե՞րբ կլինի. եւ ի՞նչ կլինի քո գալստեան եւ աշխարհքիս վերջի նշանը»:

—Եղբայրներ և քույրեր, մենք այստեղ երեք հարց ունենք: Եվ մենք իսկապես երախտապարտ ենք Աստծուն, որ նրանց պատասխան է տրվել:

Առաջին խոստումն իրականացավ մ.թ. 70-ին, երբ Երուսաղեմն ու Տաճարը ավերվեցին: Եվ դա չէ՞ որ առաջին հարցն էր, որովհետև ասվե՜լ էր, որ քարը քարի վրա չի մնա: Եվ դա կատարվեց մ.թ. 70-ին, երբ ավերումը եկավ:

Բայց երկրորդ հարցը. Իսկ ո՞րն է Քո վերադարձի նշանը։

Եվ այստեղ մենք հասնում ենք մեր ժամանակին, որի համար ամեն բան նախապես ասվել էր, ինչ տեղի է ունենալու նախքան Հիսուս Քրիստոսի վերադարձը:

Եվ նաև ասվեց այն ամենը, ինչ լինելու էր Երկրորդ Գալուստից հետո, և ընդհուպ նաև մինչև վերջ։ Դուք միայն պետք է կարդաք Մատթեոս 24-ը, որտեղ շատ բան է գրված, կամ Ղուկաս 21-ը, և Աստվածաշնչի տարբեր հատվածներն այն մասին, թե ինչ էր լինելու նախքան Հիսուս Քրիստոսի վերադարձը: Եղբայրներ և քույրեր, մենք չենք նստել Գամաղիելի կամ որևէ դպիրի ոտքերի մոտ, այլ մեր Տիրոջ՝ Հիսուս Քրիստոսի ոտքերի մոտ, ով մեզ հետ խոսում է Իր Սուրբ Խոսքով, և մեզ հայտնո՜ւմ է ամեն ինչի մասին։ Միայն Նրա Խոսքն է ուժի մեջ: Մենք պարզապես ուզում ենք լսել, թե ինչ է Նա ասելու համայնքներին, և հա՜տկապես մեզ այս ժամանակում: Այսպիսով, եկեք շարունակենք կարդալը: Խնդրեմ:

—Կարդում ենք Ղուկասի 21-րդ գլխի, 28-րդ Խոսքից: Ղուկաս 21 գլուխ, 28 Խոսք.

«28 Եւ երբոր այս բաները կ’սկսեն լինիլ, վեր նայեցէք եւ բարձրացրէք ձեր գլուխները.  որ ձեր փրկութիւնը մօտ է»:

—Շնորհակալությո՜ւն Տիրոջը: Մենք պետք է ուշադրություն դարձնենք ժամանակների նշաններին, վերջին ժամանակների նշաններին։ Եվ երբ այս ամենը տեղի ունենա, մենք պետք է բարձրացնենք մեր գլուխները, քանի որ գիտենք, որ մեր փրկությունը մոտ է: Մենք իրականում շատ, շատ ենք մոտեցել Հիսուս Քրիստոսի՝ մեր Տիրոջ վերադարձին: Բայց եկեք ամեն կերպ սթա՜փ մնանք բոլոր առումներով, և վերապրենք մեր ներքին պատրաստությունը, որպեսզի պատրաստ լինենք, և երբ Տերը գա, մեզանից յուրաքանչյուրի համար անձամբ կատարվի այն, որ մենք պատկանենք Հարս-համայնքին և պատրաստ լինենք, երբ Տերը վերադառնա, և կարողանանք Նրա հետ մտնել փառքի մեջ: Եվ ես հավատո՜ւմ եմ, որ դա տե՜ղի կունենա շուտով: Խնդրեմ:

—Մենք կարդում ենք Հայտնություն 1-ին գլուխ, 1-ին Խոսք: Հայտնություն 1-ին գլուխ, 1-ին Խոսք.

«1 Յիսուս Քրիստոսի յայտնութիւնը,  որ Աստուած տուաւ իր ծառաներին ցոյց տալու, ինչ որ  շուտով պիտի լինի, եւ իմացրեց  իր հրեշտակի ձեռովն ուղարկելով իր Յովհաննէս ծառային»:

—Շնորհակալություն Տիրոջը: Նա ուղարկեց Իր հրեշտակին՝ հայտնելու Իր ծառա Հովհաննեսին, թե ինչ է լինելու։ Եվ այնտեղ մենք գտնում ենք Խոսքը. «Իր ծառաներին», Աստծո ճշմարիտ ծառանե՜րը, որոնք նշանակվել են Տիրոջ կողմից, որպեսզի ասեն Աստծո ժողովրդին ա՜յն, ինչ Հոգին իրականում ասում է համայնքներին այս ժամանակում: Եվ Տերը ի՜նձ էլ դիմեց որպես Իր ծառա։ Նա նաև դիմեց ինձ՝ ամենաքչին այն մարդկանցից, ովքեր պատիվ են ունեցել հռչակելու Նրա Թանկագին և Սուրբ Խոսքը, ասելով «Իմ ծառա»։ Եվ այդ պատճառով Նա ինձ հայտնեց այն ամենը, ինչ Նա հայտնեց Հովհաննեսին Պատմոս կղզում, մինչև վերջին գլո՜ւխը և վերջին իրադարձությո՜ւնը։ Եվ մենք շնորհակա՜լ ենք դրա համար: Այսպիսով, Աստված ուղարկեց Իր հրեշտակին, Իր ծառա Հովհաննեսին ասելու ա՜յն, ինչ պետք է ասվեր Աստծո ծառաներին: Եվ մենք երախտապարտ ենք մեր Տիրոջ՝ Հիսուս Քրիստոսի հայտնության համար: Խնդրեմ:

—Մենք կարդում ենք Գործք Առաքելոց 20-րդ գլխի 27-րդ Խոսքը: Գործք 20 գլուխ, 27 Խոսք.

«27 Որովհետեւ ես  ետ չ’քաշուեցայ  Աստուծոյ բոլոր կամքը ձեզ պատմելուց»:

—Ես էլ կարող եմ նույն բանն ասել. Ես չեմ ձախողել հռչակելու Աստծո ամբողջ խորհուրդը: Այն ամենն ինչ պատկանում է փրկագնման գործին, ներառվել է հռչակման մեջ: Մենք ընդունեցինք այն ամենը, ինչ տեղի ունեցավ մեզ համար Գողգոթայի խաչի վրա, լիակատար ներումը, կատարյալ փրկագնումը, հավիտենկան կյանքը, այն ամենն ինչ տրվեց մեզ Աստծո կողմից Քրիստոսով, մենք ապրեցի՜նք Շնորհով: Դա՜րձը, վերածնո՜ւնդը, նորոգո՜ւմը, Հոգու մկրտությո՜ւնը, Սուրբ Հոգու առաջնորդությո՜ւնը: Այն ամենն ինչ Աստված պատրաստել է, մենք կարողացել ենք ապրել և ստանալ Շնորհով, որպեսզի այն փոխանցենք: Եվ այսպես, ես նույնպես կարող եմ ասել, որ ես հռչակել եմ Աստծո ամբողջ խորհուրդը: Եվ բոլոր նրանք, ովքեր Աստծո՜ւց են, լսում են, լսում են Սուրբ Խոսքը, որը հայտնվել է այս ժամանակում բոլոր ժողովուրդների, լեզուների և ազգերի մեջ: Շնորհակալություն Տիրոջը դրա համար: Խնդրեմ:

—Կարդում ենք 2 Կորնթացիս 6-րդ գլխի 17 և 18 Խոսքերը: 2 Կորնթացիս 6-րդ գլուխ, 17 և 18 Խոսքեր: Կարդում եմ 17 Խոսքը.

«17 Նորա համար՝ նորանց միջիցը դուրս գնացէք եւ բաժանուեցէք, ասում է Տէրը, եւ պիղծ բաների մի դպչիք… Եւ ես կ’ընդունեմ ձեզ»:

—Շնորհակալություն Տիրոջը: Կոչը՝ «Առանձնացե՜ք, ոչ մի անմաքուր բանի մի՜ դիպեք»: Սա վերջին կո՜չն է մեր Տիրոջ՝ Հիսուս Քրիստոսի վերադարձից առաջ՝ դուրս գալ բոլոր վարդապետություններից, բոլոր ավանդույթներից, բոլոր մեկնաբանություններից, բոլոր դավանանքներից, բաժանվել և նվիրված կյանք ապրել Տիրոջ առջև: Որովհետև ինչպես Փեսան էր մաքուր Խոսքը, որ մարմին դարձավ, այնպես էլ Հարսը պետք է գտնվի Աստծո Խոսքում, նրանում չպետք է լինի որևէ մեկնություն, այլ մաքուր Սուրբ Խոսք, և մաքուր սուրբ արյուն, որ հոսեց մեզ համար: Ամեն ինչ Կատարվել է: Եվ մենք հնազանդ եղանք և թույլ տվեցինք, որ մեզ կանչեն, առանձնացնեն, որպեսզի լսենք միայն ա՜յն, ինչը Տեր Աստված Հոգու միջոցով պետք է ասի համայնքներին։ Խնդրեմ:

—Կարդում եմ 18 Խոսքը.

«18 …Եւ ես ձեզ հայր կ’լինիմ. Եւ դուք ինձ որդիներ եւ աղջիկներ կ’լինիք, ասում է Ամենակարող Տէրը»:

—Շնորհակալություն Տիրոջը: Այսպիսով, նախ բաժանումը, կա՜նչը, և հետո խոստումը` Այն ժամանակ ես ձեզ համար հայր կլինեմ, և դուք ինձ համար որդիներ և դուստրեր կլինեք։ Ուրեմն անհնազանդությամբ մի՜ գնա քո սեփական ճանապարհով և հետո ասա. «Ես Աստծո զավակն եմ»: Ո՜չ, եկել է ժամանակը թողնելու բոլոր սեփական ճանապարհները և առանձնացված  ծառայելու Տիրոջը: Եվ միայն ա՜յն ժամանակ, երբ դա տեղի ունենա մեզ հետ, Աստված մեզ կհամարի Իր որդիներն ու դուստրերը, որոնք գտնվում են Իր կամքի մեջ, և իրենց պատրաստությունն են տեսնում Հիսուս Քրիստոսի՝ մեր Տիրոջ վերադարձին: Խնդրեմ:

—Կարդում ենք Մատթեոսի 17-րդ գլխի 11 Խոսքը: Մատթեոս 17 գլուխ, 11 Խոսք.

«11 Յիսուսն էլ պատասխանեց եւ ասեց նորանց. Իրաւ առաջ Եղիան կգայ եւ  ամեն բան կվերանորոգէ»:

—Շնորհակալությո՜ւն Տիրոջը, մենք բազմիցս կարդացել և ընդգծել ենք Աստվածաշնչի այս հատվածը: Ինչպես Եղիան ուղարկվեց՝ հավաքելու Աստծո ժողովրդին Կարմեղոս լեռան վրա, որպեսզի նրանք որոշում կայացնեն, և այլևս չգնան այս կամ այն ​​կողմ, այլ հետ բերվեն Աստծո՜ւն, և այդպես էլ եղա՜վ մեր ժամանակներում: Եվ Աստված կարողացա՜վ օգտագործել Բրանհամ եղբորը՝ Աստծո ժողովրդին վերադարձնելու Աստծո մոտ: Օրհնյալ լինի Տիրոջ անունը։ Խնդրեմ:

—Մենք կարդում ենք Գործք Առաքելոց 3-րդ գլխից, հատված 21 Խոսքը: Գործք 3-րդ գլուխ, 21 Խոսք.

«21 Որին երկինքը պէտք է ընդունի,  մինչեւ այն ամեն բաների հաստատուելու ժամանակները,  որոնց համար խօսեց Աստուած իր բոլոր սուրբ մարգարէների բերանովը յաւիտենից հետէ»:

—Սիրելի եղբայրներ և քույրեր, մտածեք դրա մասին, 2 հազարամյակ առաջ երկրորդ քարոզում Պետրոսն այնպես առաջնորդվեց, որ գրեց. Նա՝ մեր Տերն ու Փրկիչը, պետք է մնա երկնքում մինչև այն ամեն բաների վերականգնման ժամանակները, ինչն Աստված հռչակեց Իր սուրբ մարգարեների բերանով ժամանակների սկզբից: Ամեն բան կարգի է բերվելու: Աստծո բոլոր ճշմարիտ զավակները թողել են իրենց սեփական մտքերը, իրենց ուղիները, իրենց մեկնաբանությունները և հավատում են միայն այն բանին, ինչ Աստված գրել է Իր Խոսքում: Երկինքը պետք է ընդունի Նրան, մեր Տիրոջը, երկինքն ընդունելու է մինչև մեր ժամանակը, երբ ամեն ինչ կվերականգնվի, և մենք կարող ենք դա ապրել: Փառք ու փառք մեր Տիրոջը սրա համար։ Խնդրեմ:

—Մենք կարդում ենք Հովհաննես 14 գլխից, 2-րդ և 3-րդ Խոսքերը: Հովհաննես 14 գլուխ, 2 և 3 Խոսքեր: Կարդում եմ 2-րդ Խոսքը.

«2 Իմ Հօր տանը շատ բնակարաններ կան. ապա թէ ոչ ես ձեզ կասէի.  Գնում եմ ձեզ համար տեղ պատրաստելու»:

—Թող փառավորվի մեր Տերը: Փրկագնումն ավարտվելուց հետո Նա բարձրացավ մեզ համար տեղ պատրաստելու: Եվ մենք հիմա կկարդանք հաջորդ Խոսքում, որ Նա նորից կգա, ինչպես խոստացել է՝ մեզ իր մոտ տանելու: Եղբայրներ և քույրեր, ժամանակը հասե՜լ է, և մենք  ի սրտե շնորհակալ ենք Աստծուն դրա համար: Պարզ է, որ Աստվածաշնչի այս բոլոր հատվածները ուղղակիորեն խոսում են մեզ հետ: Խնդրում եմ կարդալ հաջորդ հատվածը։

—Կարդում եմ 3-րդ Խոսքը.

«3 Եւ եթէ գնամ եւ ձեզ համար տեղ պատրաստեմ,  դարձեալ կգամ եւ ձեզ ինձ մօտ կառնեմ.  որ ուր ես եմ, դուք էլ լինիք»:

—Թող փառավորվի՜ մեր Տերը: Երկրորդ հարցը հետևյալն էր. «Իսկ ո՞րն է Նրա վերադարձի նշանը»։ Մենք արդեն կարդացել ենք Աստվածաշնչի հատվածները։ Նա մնում է երկնքում մինչև այն ժամանակը, երբ ամեն ինչ կվերականգնվի։ Նա գնաց մեզ համար տեղը պատրաստելու, և Նա կվերադառնա: Եվ Տիրոջ վերադարձը նկարագրվա՜ծ է աստվածաշնչյան շատ հատվածներում: Անկախ նրանից, թե 1 Թեսաղոնիկեցիս 4-րդ գլուխը, 1 Կորնթացիս 15 գլուխը՝ 51 Խոսքից, և Աստվածաշնչի մյուս բոլոր հատվածներում Տիրոջ վերադարձը նկարագրվա՜ծ է մեզ: Բայց մտածեք, թե որքան գեղեցիկ է՝ Փրկագնումն ավարտվելուց հետո Նա բարձրացավ մեզ համար տեղը պատրաստելու: Եվ հիմա Նա նորից կգա, որպեսզի մեզ փառքի մեջ տանի, որպեսզի մենք այնտե՜ղ լինենք, որտեղ որ Ի՜նքն է: Նախ Նա եկավ այնտեղ, որտեղ մենք ենք, որպեսզի մենք գնանք այնտեղ, որտեղ Նա՜ է։ Շնորհակալություն Տիրոջը: Խնդրեմ:

—Մենք կարդում ենք Մատթեոսի 24 գլխից 14 Խոսքը: Մատթեոս 24 գլուխ, 14 Խոսք.

«14 Եւ  արքայութեան այս աւետարանը  բոլոր տիեզերքումը կքարոզուի ամեն հեթանոսներին վկայութիւն լինելու համար, եւ այն ժամանակ կգայ վերջը»:

—Փառք և շնորհակալություն մեր Տիրոջը: Փրկության այս աստվածային Պատգամը, ինչպես հռչակվել է սկզբում, այժմ վերջում պետք է հռչակվեր բոլոր ժողովուրդներին և լեզուներին, նախքան Հիսուս Քրիստոսի վերադարձը, իսկ հետո կգա վերջը։ Աստված այնպես էր սահմանել օգտագործել Բրանհամ եղբորը՝ որպեսզի մեզ հետ բերի սկզբնական բնօրինակ Խոսքին՝ փրկության աստվածային Պատգամին: Եվ Տերը նրա տուն գնալուց հետո կարողացավ օգտագործե՜լ ինձ դրա համար: Եվ ես կարող եմ դա ասել Աստծո փառքի համար.

Իմ ոտքերով 169 երկիր եմ անցել, և ես հռչակել եմ փրկության աստվածային Պատգա՜մը ողջ աշխարհում: Եվ որտեղ ես այլևս չկարողացա անձամբ հասնել, այնտեղ հասել է Պատգամը, որպեսզի կարողանանք ասել, որ Սուրբ Գրվածքը կատարվո՜ւմ է մեր աչքի առաջ։ Իսկ Հայտնություն 14-րդ գլխի 6-րդ Խոսքում շեշտվում է. Փրկության հավիտենական Պատգամը կհռչակվի բոլոր ժողովուրդներին՝ փրկության հավիտենական վավերական Պատգամը: Ալելուիա, օրհնյա՜լ լինի մեր Տերը: Մենք կարող ենք բարձրաձայն գոռալ ամբողջ աշխարհին.

Այսօր, մեր ժամանակներում, այս Սուրբ Գրվածքը, այս Սուրբ հանձնարարությունը կատարվեց մեր աչքի առաջ։ Օրհնյալ լինի Տիրոջ անունը։Խնդրեմ:

—Կարդում ենք Մարկոսի 7-րդ գլխի 7-րդ Խոսքը: Մարկոս 7-րդ գլուխ, 7-րդ Խոսքը.

«7 Եւ զուր տեղն են պաշտում ինձ. Սովորեցնելով այնպիսի վարդապետութիւններ, որ մարդկանց պատուէրներ են»:

—Այս Խոսքը պետք է դիպչի նաև մեր բոլորի սրտերին: Դա ուղղված է ոչ թե մեզ, այլ բոլոր նրանց, ովքեր շրջանցում են այն ամենը, ինչ Աստված խոստացել է, և անում է: Եվ պարզապես Տերունական աղոթքն են աղոթում բոլոր եկեղեցիներում, ազատ եկեղեցիներում, բոլոր հարանվանություններում՝ «Քո կա՜մքը լինի»։ Բայց ոչ մեկին չի հետաքրքրում, թե որն է Աստծո կամքը: Ամեն մեկն իր սեփական ճանապարհով է գնում։ Եվ Տերը պետք է ասեր.

«7 Եւ զուր տեղն են պաշտում ինձ. Սովորեցնելով այնպիսի վարդապետութիւններ, որ մարդկանց պատուէրներ են»:

Եվ այստեղից շեշտադրումը. Վերադառնալ Խոսքին, որպեսզի կարողանանք երկրպագել Հոգով և Ճշմարտությամբ, և ոչ թե բոլոր այդ բանաձևերով և կեղծ ուսմունքներով: Ով Աստված, օգնիր մեզ Քո Շնորհով: Խնդրեմ:

—Մենք կկարդանք Հովհաննեսի 4-րդ գլխի 23-րդ Խոսքը: Հովհաննեսի 4-րդ գլուխ, 23 Խոսք.

«23 Բայց ժամանակ կգայ, եւ հիմա է, որ ճշմարիտ երկրպագողները  հոգով եւ  ճշմարտութիւնով կերկրպագեն Հօրը, որովհետեւ Հայրն էլ այսպէս է ուզում իր երկրպագողներին»:

—Ամեն, ամեն: Օ՜, որքան հրաշալի է: Եղբայրներ և քույրեր, մենք իսկապես կարող ենք համոզմունքով ընդգծել. Ժամը գալիս է, ժամը եկել է, երբ ճշմարիտ երկրպագուները Հոգով և Ճշմարտությամբ կերկրպագեն Աստծուն: Իսկ ճշմարտությունը Աստծո Սուրբ Խոսքն է: Եվ մենք, ովքեր հավատում ենք Աստծո հայտնած, սուրբ Խոսքին և մեզ թույլ է տրվում ականատես լինել այն ամենին, ինչ Աստված այժմ անում է, մեզ թույլատրված է երկրպագել Աստծուն Հոգով և Ճշմարտությամբ: Օրհնյալ լինի Տիրոջ անունը։ Խնդրեմ:

—Կարդում ենք Մատթեոսի 4-րդ գլխի 4-րդ Խոսքը: Մատթեոս 4-րդ գլուխ, 4-րդ Խոսք.

«4 Նա էլ պատասխան տուաւ եւ ասեց. Գրուած է՝  Ոչ միայն հացով կապրի մարդ, այլ ամեն խօսքով, որ դուրս է գալիս Աստուծոյ բերանիցը»:

—Կրկին շեշտն Աստծո Խոսքի վրա է: Ոչ միայն հացով, որը երկրային է, այլ հոգևորապես ապրելով, Աստծո բերանից դուրս եկած ամեն Խոսքով: Օ՜, որքան երախտապարտ ենք մենք Աստվածաշնչին, Հին և Նոր Կտակարաններին, երախտապարտ ենք յուրաքանչյուր Խոսքի համար, և մենք ապրո՜ւմ ենք դրանով: Խնդրեմ:

—Մենք կարդում ենք Հայտնության 2-րդ գլխի 7-րդ Խոսքը: Հայտնություն 2-րդ գլուխ, 7-րդ Խոսք.

«7 Ով որ ականջ ունի, թող լսէ ինչ որ Հոգին ասում է եկեղեցիներին. Ով որ յաղթում է՝ նորան  կեանքի ծառիցն ուտել կ’տամ, որ Աստուծոյ դրախտի մէջ է»:          

 —Սա պարզապես մի մասն է այն բանի, որ բացվում են մեր ականջները, որպեսզի մենք լսենք միայն այն, ինչ Հոգին պետք է ասի համայնքներին, որպեսզի լինենք նվաճող խմբից, հաղթական խմբից, որը պատրա՜ստ է Հիսուս Քրիստոսի վերադարձին: Օ՜, որքան շնորհակալ կարող ենք լինել յուրաքանչյուր Խոսքի համար: Խնդրեմ:

—Մենք կարդում ենք Աստվածաշնչի վերջին հատվածը այսօրվա համար, Հայտնություն 3-րդ գլխից, 21 Խոսքը: Հայտնության 3-րդ գլուխ, 21 Խոսք.

«21 Ով որ յաղթում է, կ’տամ նորան, որ ինձ հետ նստի  իմ աթոռի վերայ, ինչպէս ես էլ յաղթեցի եւ նստեցի իմ Հօր հետ նորա աթոռի վերայ»:

—Սիրելի եղբայրներ և քույրեր, խնդրում եմ ձեզ, խնդրում եմ կարդալ Աստվածաշնչի բոլոր այն հատվածները, որոնք խոսեցին մեզ հետ այսօր, և ապագայում կխոսեն, և իրականություն կդառնան մեր հոգևոր կյանքում: Աստված պարզապես այնպես առաջնորդեց ամեն ինչ, որպեսզի ամեն ինչ կարգի բերվեր հենց Հիսուս Քրիստոսի վերադարձից առաջ: Կա՜նչը, առանձնացո՜ւմը, ամեն ինչ պետք է տեղի ունենա, որպեսզի մենք պատրաստ լինենք, երբ Տերը գա: Որովհետև այսպես գրված է. (Մատթեոս 25:10) «Նրանք, ովքեր պատրաստ էին, մտան հարսանեկան ընթրիքը, և դուռը կողպված էր»: Թող Աստված օրհնի։ Խնդրում եմ հասկացեք, ես նախկինում նշել էի դա, այսօր հատուկ օր է ինձ համար, հոբելյանական օր:  

50-ամյակը, որում տեղի են ունեցել հազարավոր քարոզներ, որոնք այժմ լսվում են բոլոր ժողովուրդների և լեզուների մարդկանց կողմից: Եվ հետո այն Շնորհը՝   1962 թ. Ապրիլի 2-ին: 62 տարի է անցել, Տիրոջ անմիջական ծառայության մեջ: Եվ ինձ պետք չէ ինչ-որ բան ուղղել, ինչ-որ բան հետ վերցնել: Ես միայն հռչակել եմ այն, ինչ գրված է Սուրբ Գրվածքներում: Եվ այսպես, փրկության հավերժ վավերական Պատգամը հռչակվել է բոլոր ժողովուրդներին և լեզուներին այժմ՝ նախքան Տիրոջ վերադարձը: Եվ մեր Տերը, ով արդեն պատրաստել է տեղը, նորից կգա և մեզ տուն կտանի։ Սիրելի եղբայրներ և քույրեր, խնդրում եմ մասնակի՜ց եղեք, ներկա եղեք գործի մեջ։ Առանձնացեք, դուրս եկեք, ոչ մի պիղծ բանի ձեռք մի տվեք։ Սրբագործվեք Ճշմարտության Խոսքով, մաքրվեք Գառան արյունով, և այդպիսով ապրեք ձեր պատրաստությունը: Որովհետև մեր Տերը գալիս է, Նրա գալուստը շատ մոտ է։ Եվ ես գիտեմ, որ բոլոր նրանք, ովքեր լսում են Պատգամը և հավատո՜ւմ են այժմ, այնտեղ կլինեն: Կներեք, որ 90 տարեկանիցս այլևս չեմ կարող խոսել այնպես, ինչպես նախկինում: Բայց դա արվում է սրտից: Նաև բոլոր ծառայող եղբայրները, ովքեր թարգմանում են և նրանք, ովքեր ծառայում են տեղական համայնքներում. Խնդրում եմ մի տարածեք օտար ուսմունքներ, այլ միայն այն, ինչ Աստված ասել է Իր Խոսքում: Միայն այդ դեպքում բոլորը կարող են երկրպագել Հոգով և Ճշմարտությամբ: Եվ Աստված փնտրում է այդպիսի երկրպագուների, և Աստված այսօր այդպիսի երկրպագուներ է գտնում, ովքեր հավատացել են Իր Խոսքին և սրբագործվել դրանով: Օրհնյալ լինի Տիրոջ անունը։ Ալելուիա!

Օրհնված եղեք Ամենակարող Աստծո օրհնություններով, Հիսուսի սուրբ անունով: Ամեն: