Շարք 2 թիվ 6

Ա Ս Վ Ա Ծ Խ Ո Ս Ք Ը

Ուիլյամ Մարրիոն Բրանհամի

միջոցով

“Ասված Խոսքը սկզբնական սերմն է”:

ԻՆՉՈւ՞ Է ՍՈւՐԲ ՀՈԳԻՆ ՏՐՎԵԼ

(What the Holy Ghost was given for)

Դեկտեմբերի 17, 1959 թ. երեկո

Բրանհամի խորան

Ջեֆերսոնվիլ, Ինդիանա, ԱՄՆ

1. Այստեղ տեսնում եմ Նեվիլ եղբորը: Նա հավատում է ձեռնադրությանը: Նկատեցի, որ շատ հարցեր եմ ստացել: Դրանցով կզբաղվեմ վաղը երեկոյան, որովհետև այս երեկո ժամանակ չունեմ. գուցե այդ հարցերը վերաբերում են երեկվա պատգամին: Բայց եթե պատգամի վերաբերյալ որևէ հարց ունեք, գրեք երեկոյան և ես վաղը կպատասխանեմ:

2. Վաղը երեկոյան, եթե հնարավոր է, կուզենայի գտնել մի քանի հովիվների, կամ հաստատուն եղբայրների, քույրերի, որոնց կարող ենք անհրաժեշտության դեպքում կանչել: Վաղը երեկոյան պատգամից հետո ձեռնադրությամբ կաղոթենք Սուրբ Հոգին ստանալու համար, եթե ուզում եք: Դուք կարող եք ողջ արձակուրդի ժամանակ մնալ այստեղ, եթե ձեզ պետք է այդ ողջ ժամանակը ձեր անձերի համար մեռնելու համար: Իսկ եթե ուզում եք տուն վերադառնալ, մենք ուրախ կլինենք, եթե գտնեք մի վայր, ուր… պարզապես, եթե չգիտեք ուր գնալ… Մենք կուզենայինք ունենալ մի քանի սպասավորներ, իմանալ, թե քանիսն են նրանք, որտեղ են ապրում, որպեսզի կարողանանք անմիջապես գտնել նրանց և յուրաքանչյուրին ուղարկել մի տուն, որպեսզի նրանք տեղեկություններ տան ձեզ, որ փափագում եք այդ մեծ օրհնությանը, որի մասին խոսում ենք՝ Սուրբ Հոգով մկրտությանը:

3. Անցած երեկո մենք խոսեցինք այն մասին, թե ինչ է Նա՝ “Ի՞նչ է Սուրբ Հոգին”: Եվ տեսանք, որ Նա Տիրոջ խոստումն է: Նրա մեջ է այն ամենը, ինչի կարիք ունի Աստծո Եկեղեցին: Տեսանք, որ Նա Կնիք է, Մխիթարիչ, Հանգիստ, Ուրախություն, Խաղաղություն և Հարություն: Եվ այն ամենը, ինչ Աստված խոստացել է Իր Եկեղեցուն, Սուրբ Հոգու մեջ է:

4. Եվ հիմա, այս երեկո քարոզելու ենք… Ես երկու-երեք թերթ սուրբգրային մեջբերումներ ունեմ Նրա վերաբերյալ, որոնց մեջ… Երեկ երեկոյան ես այստեղ էի մոռացել Կրուդենի համաբարբառս և չկարողացա գտնել այդ համարները: Ես ամեն հնարավորն արեցի, որ կարողանամ համապատասխան հատվածները գտնեմ Սուրբ Գրքում:

5. Այս երեկո սերտելու ենք այս թեման՝ “Ի՞նչ նպատակով է Աստված ուղարկել Սուրբ Հոգին”: Ինչու՞ է Նա այստեղ: Եթե դա մի այդպիսի փառավոր բան է, ինչու՞ է Աստված ուղարկել: Վաղը երեկոյան կխոսենք այս թեմայով՝ “Արդյո՞ք ձեզ համար է Նա: Ինչպե՞ս կարող եք ընդունել Սուրբ Հոգին և ինչպե՞ս կարող եք իմանալ, որ ստացել եք”: Երբ Սուրբ Գրքի միջոցով կսերտենք այս թեման, ամեն բան բացատրելով Սուրբ Գրքով, օգտագործելով Սուրբ Գիրքը ամեն բանի համար, նրանք, ովքեր փնտրում են Սուրբ Հոգու մկրտությունը, առաջ կգան: Հուսով եմ, որ արթնությունը այդ պահին կսկսվի և կշարունակվի Սուրբ Հոգու առաջնորդությամբ:

6. Հնարավոր է, որ վաղը երեկոյան շատ մարդ լինի եկեղեցու տարբեր սենյակներում և երկար ժամանակով: Կարծում եմ, որ եթե ունենանք հովիվներ կամ մարդիկ, որոնք սովոր են մարդկանց առաջնորդել Սուրբ Հոգին ստանալու (քաջալերել, գնալ նրանց այցելելու, մնալ որևէ մեկի հետ, որը փափագում է Սուրբ Հոգով մկրտությանը) և գիտեն, թե հատկապես ինչ է պետք անել, թող տան իրենց հեռախոսի համարը կամ հասցեն հովվին այս երեկո կամ վաղը երեկոյան: Դուք պարզապես այն տվեք Նեվիլ եղբորը և նա ստիպված չի լինի հատուկ հավաքույթ անել դրա համար: Դուք պարզապես տվեք ձեր հեռախոսի համարը, որպեսզի կարողանան ձեզ գտնել և ասեք. “Ես պատրաստ եմ, եթե ուզում եք ինձ որևէ տուն ուղարկել”: Եթե դա միայնակ կին է, ուրեմն նրա մոտ կին կուղարկենք: Եթե տանը ամուսինն է իր կնոջ հետ, ուրեմն հովիվ կուղարկենք: Եվ մենք ուրախ կլինենք, եթե մեզ օգնեք, որովհետև դա ամենակարևոր բանն է, որը վերաբերում է բոլորիդ, ձեզանից յուրաքանչյուրին: Եվ հիշեք սա՝ “Մեղավորին իր մոլոր ճամփաներից ետ դարձնողը մի հոգի է փրկում մահվանից ու ծածկում է մեղքերի մի բազմություն”: Քրիստոսի Հարսը քաղցած և ծարավ է, նա ցավերի մեջ է՝ ծնունդ տալու համար Աստծո զավակներին:

7. Այս երեկո Սուրբ Գիրքը կարդալուց առաջ մի պահ խոնարհենք մեր գլուխները աղոթքի համար: Բայց աղոթքից առաջ, գլուխները խոնարհած բարձրացրեք ձեր ձեռքը և ասեք. “Ով Տեր, ես հանդիսավոր կերպով բարձրացնում եմ իմ ձեռքը, ես կարիքի մեջ եմ, աղաչում եմ, որ ինձ օգնես, Տեր”: Թող Աստված օրհնի յուրաքանչյուրիդ: Նա տեսնում է ձեր բարձրացրած ձեռքերը: Հրեշտակները գրանցում են ձեր խնդրանքները:

8. Երկնային Հայր, նորից գալիս ենք Քեզ մոտ աղոթելու: Եվ անկասկած, այս աղոթքն արդեն արվել է այստեղ հավաքված Աստծո զավակների կողմից, երգեր են երգվել և մենք բարձրացրել ենք մեր սրտերը՝ ուրախությամբ փառաբանելով Աստծուն:

9. Դավիթն ասաց, որ պիտի գա սրբերի ժողովին՝ բերելու իր խնդրանքները: Եվ այս երեկո շատ ձեռքեր են բարձրացել: Ցույց տուր նրանց, Տեր, որ առանց Քեզ ոչինչ չենք կարող: Մենք ամեն օր Քո կարիքն ունենք: Դու մեր Կյանքն ես, մեր Ուրախությունն ես, մեր Առողջությունը, մեր Ուժը, մեր

Գոտին, մեր Վահանը, մեր Ամրոցը թշնամու դեմ: Եվ մենք չէինք կարող կյանքի պայքարում պայքարել առանց Քեզ: Դա մեզ համար լիովին անհնարին կլիներ, և մենք պետք է կատարելապես հանգչենք Քո մեջ: Որովհետև մենք գիտենք, որ անցնում ենք մութ և մռայլ անապատով: Ամեն կողմից պաշարում է թշնամին՝ թակարդներ ու որոգայթներ դնելով: Տեր, թշնամին որոգայթներ է դրել մեր ճանապարհին և ուզում է, որ մենք դրանց մեջ ընկնենք:

10. Եվ մենք գիտենք, որ ճանապարհի վերջին պետք է անցնենք մահ կոչվող մթին ձորով: Ով Տեր, ո՞վ մեզ ձեռք կմեկնի այն օրը: Մենք ուզում ենք Քեզ ճանաչել հիմա, Տեր: Մենք ուզում ենք իմանալ, որ բռնել ենք Քո ձեռքը, իսկ Դու՝ մերը, և մենք կարող ենք ունենալ այն վստահությունը, որ երբ հասնենք մեր կյանքի վերջին պահին, երբ անցնենք մահ կոչվող դռան շեմով, կկարողանանք ասել առաջվա սրբերի պես. “Ես ճանաչել եմ Նրան Իր հարության զորությամբ, և երբ Նա ինձ կանչի, դուրս կգամ մեռելների միջից”:

11. Ով Հայր Աստված, խնդրում ենք, որ լսես մեր աղոթքները և օրհնես մեր հավաքույթը: Օրհնյալ լինի Քո Խոսքը, և եթե ես ասեմ մի բան, որը հակառակ է Քո Խոսքին կամ Քո կամքին, Դու զորություն ունես փակելու իմ բերանը, ինչպես փակեցիր առյուծների բերանը, երբ Դանիելը գուբի մեջ էր: Մենք խնդրում ենք Քեզ, Տեր, բաց մեր ականջներն ու սրտերը այս երեկո, քաղց և ծարավ տուր մեզ: Թող բոլորը ծարավ լինեն, քուն և դադար չունենան մինչև Մխիթարչի գալուստը:

12. Մենք հավատում ենք, որ ապրում ենք վերջին օրերում, Իր գալստյան շուքի տակ: Դրա համար են մեզ տրվում այդ պատգամները, Տեր: Դա նրա համար է, որ մարդիկ նախազգուշացում ստանան, զգուշանան: Թող այս երեկո թեփուկներն ընկնեն մեր աչքերից, մնան նստարանի վրա, և մենք կարողանանք ասել. “Տեր Աստված, ես անոթ եմ Քեզ համար: Թող Քո Հոգին հոսի իմ միջով: Ինձ ձևավորիր, Քո ուզածի պես դարձրու: Ես կենթարկեմ իմ սիրտը, ուժը և ողջ էությունը Քո գործին”:

13. Լսիր մեզ, Տեր: Մենք չենք եկել այստեղ, որովհետև անձրև է գալիս: Մենք չենք եկել այստեղ, որովհետև չգիտենք, թե ուր գնանք: Մենք այստեղ ենք, որովհետև ունենք մեր սրտում մի հանդիսավոր, սրբազան, սուրբ նպատակ՝ մոտենալ Քեզ՝ իմանալով, որ Դու խոստացել ես մոտենալ մեզ, եթե մենք մոտենանք Քեզ: Դրա համար ենք մենք այստեղ: Նա, ով քաղցած է այստեղ մտնելիս՝ դուրս գալիս այլևս քաղցած չի լինի: “Երանի նրանց, որ արդարության քաղցն ու ծարավն ունեն,----ասում է Հիսուսը,----որովհետև նրանք պիտի կշտանան”: Եվ մենք վստահ ենք, որ եթե հաց խնդրենք, քար չենք ստանալու: Եվ եթե ձուկ խնդրենք, օձ չենք ստանալու, այլ Աստված՝ մեր Հայրը մեզ կկերակրի երկնային մանանայով, Իր Հոգու Խոսքով, որ վկայում է Իր մասին: Պատասխանիր մեր աղոթքներին ու խնդրանքներին, Տեր, որովհետև շարունակում ենք Քեզ սպասել: Մենք այդ խնդրում ենք Հիսուս Քրիստոսի Անունով: Ամեն:

14. Հիմա, դուք, որ Սուրբ Գիրք ունեք, բացեք ինձ հետ Հովհաննեսի ավետարանի 14-րդ գլուխը, կսկսենք 14-րդ համարից:

15. Այս հատվածում կգտնեք թեմայի մեծ մասը, որի շուրջ այս երեկո պետք է խոսեմ: Այս հատվածը գրված է կարմիր տառերով. հիշեք այդ, եթե կարմիր տառերով Աստվածաշունչ ունեք: Սրանք Հիսուսի ասած խոսքերն են: Ուրեմն կարող ենք վստահ լինել, որ հենց Նա է այդ խոսքերն ասել: “Երկինքն ու երկիրը կանցնեն, բայց իմ խոսքերը չեն անցնի”: Այժմ կարդանք 14-դ գլխի 14-րդ համարը. “Եթե Իմ անունով մի բան խնդրեք, ես կանեմ (ի¯նչ օրհնյալ խոստում):Եթե Ինձ սիրում եք, Իմ պատվիրանները պահեցեք: Եվ Ես Հորը կաղաչեմ, և ձեզ ուրիշ Մխիթարիչ կտա, որպեսզի հավիտյան ձեզ հետ լինի. Ճշմարտության Հոգին, որին աշխարհս չի կարող ընդունել, որովհետև Նրան չի տեսնում և ոչ էլ ճանաչում է Նրան”: (Այժմ, եթե կարդում եք հունարենից թարգմանված Աստվածաշունչ, կտեսնեք, որ “տեսնել” նշանակում է “հասկանալ”: Աշխարհը չի հասկանում: Դա այնքան ճիշտ է: Ես նորից եմ կարդում այս հատվածը): “ Ճշմարտության Հոգին, որին աշխարհս չի կարող ընդունել, որովհետև Նրան չի տեսնում և ոչ էլ ճանաչում է Նրան (ու՞մ. Մխիթարչին): Բայց դուք Նրան ճանաչում եք, որովհետև ձեզ մոտ է մնում ու ձեզ հետ կլինի: Ձեզ որբ չեմ թողնի. կգամ ձեզ մոտ: Մի փոքր ժամանակ էլ, և աշխարհն այլևս ինձ չի տեսնի, բայց դուք ինձ կտեսնեք, որովհետև Ես կենդանի եմ, և դուք էլ կենդանի կլինեք: Այն օրը դուք կիմանաք, որ ես իմ Հոր մեջ եմ, և դուք՝ իմ մեջ, ես էլ՝ ձեր մեջ”: Սա կլինի իմ քարոզի կենտրոնը, բայց մենք կկարդանք հաջորդ համարներն էլ: Վերջին նախադասությունը ևս մեկ անգամ կարդանք: “Այն օրը (այն մեծ օրը, դատաստանի օրը) դուք կիմանաք, որ ես իմ Հոր մեջ եմ, և դուք՝ իմ մեջ, ես էլ՝ ձեր մեջ: Ով որ իմ պատվիրաններն ունի և դրանք պահում է, նա է ինձ սիրողը, և ինձ սիրողը՝ կսիրվի իմ Հորից, ես էլ կսիրեմ նրան և ինձ կհայտնեմ նրան”: Հուդան (ոչ Իսկարիովտացին) նրան ասաց. “Տեր, ի՞նչ է, որ քեզ կհայտնես մեզ, իսկ աշխարհին՝ ոչ”: (Աշխարհը, “կոսմոսը”՝ աշխարհի համակարգը: Եթե լուսանցքում հղումներ ունեք, կնկատեք… իմ Աստվածաշնչում “գ” տառով է նշված, ասվում է. “կոսմոս”, աշխարհի համակարգ: Այսինքն՝ եկեղեցիները, տեսնու՞մ եք: “Ինչպե՞ս է, որ հայտնվելու ես մեզ, և ոչ թե նրանց: Ինչպե՞ս ես այդ անելու”): Հիսուսը պատասխանեց և ասաց նրան. “Եթե մեկն ինձ սիրում է, իմ խոսքը կպահի, և իմ Հայրը կսիրի նրան, և նրա մոտ կգանք ու բնակություն կհաստատենք նրա մոտ: Ինձ չսիրողն իմ խոսքերը չի պահում (նա կարող է պահել եկեղեցու խոսքերը, բայց ոչ Հիսուսի), և այն խոսքը, որ լսում եք, իմը չէ, այլ ինձ ուղարկող Հորը: Այս խոսեցի ձեզ հետ, քանի որ ձեզ մոտ եմ: Բայց Մխիթարիչը՝ Սուրբ Հոգին, որին Հայրն իմ անունով կուղարկի, նա ամեն բան կսովորեցնի ձեզ ու կհիշեցնի ձեզ ամենը, ինչ որ ձեզ ասացի (Ուրեմն ինչու՞ Աստված ուղարկեց Սուրբ Հոգուն: Թող Տերը օրհնի Իր Խոսքը):

16. Հիսուսը նաև ասաց. “Այն օրը դուք կիմանաք, որ ես իմ Հոր մեջ եմ, և դուք՝ իմ մեջ, ես էլ՝ ձեր մեջ”:

17. Այժմ եթե ասեինք… Հիշեք, որ սա ձայնագրվում է: Լուիզվիլից մի քրիստոնյա գործարար վերջերս զանգահարեց ինձ և ասաց. “Ամոթ է, Բիլի, որ երեկվա ձեր քարոզած քարոզների նման քարոզները լսում են ոչ թե քառասուն հազար մարդիկ, այլ ձեր փոքրիկ խորանի հարյուր հիսուն, երկու հարյուր կամ երեք հարյուր հոգին”:

18. Ես ասացի. “Եթե Հիսուսը չվերադառնա վեց ամսից, ողջ աշխարհը կլսի”: Հասկանու՞մ եք, այս ձայներիզները գնում են աշխարհով մեկ: Այստեղ մենք սովորեցնում ենք այն, ինչ հավատում ենք, որ պարզ ճշմարտություն է: Եվ տեսել ենք, որ Աստված հաստատել է, որ դա Ճշմարտություն է:

19. Այժմ, որն էր Աստծո նպատակը Սուրբ Հոգին ուղարկելիս: Հիմքը դնելու համար կարդացինք Հովհաննեսի ավետարանի 14-րդ գլխի 14-րդ համարից սկսած: Տեսանք, որ Աստծո նպատակը Սուրբ Հոգին ուղարկելիս, այն էր, որ Աստված բնակվի Իր Եկեղեցու մեջ և Իր ծրագրերը իրականացնի Եկեղեցու միջոցով, ինչպես Աստված Քրիստոսի մեջ էր՝ իրականացնելու համար Իր ծրագիրը Քրիստոսով. հիմա Իր գործը շարունակում է Եկեղեցու միջոցով:

20. Այժմ մենք գիտենք, թե ինչ է Սուրբ Հոգին: Երբ մտածում ենք Հայր Աստծո մասին, ինչպես Հիսուսն ասաց այդ մասին՝ Իր Հայրը, հետո Որդի Աստվածը՝ Հիսուսը, Սուրբ Հոգի Աստվածը, ինչպես մենք ենք կոչում այստեղ… բայց դա չի նշանակում, որ երեք տարբեր Աստվածներ կան: Այլ կա մեկ Աստված՝ երեք գործառույթներով: Այն ամենը, ինչ կար Աստծո մեջ, Նա փոխանցեց Քրիստոսին, որովհետև Նա դատարկվեց և հեղվեց Քրիստոսի մեջ: Քրիստոսի մեջ էր բնակվում Աստվածություն լեցունությունը մարմնապես: Այն ամենը, ինչ կար Եհովայի մեջ, հեղվեց Քրիստոսի մեջ: Եվ այն ամենը, ինչ կար Քրիստոսի մեջ, հեղվեց Եկեղեցու մեջ, ոչ թե մեկ անձնավորության մեջ, այլ ողջ Մարմնի: Այդ պատճառով երբ մենք միաբան ենք, զորություն ունենք: Աստծո ողջ էությունը Քրիստոսի մեջ էր, Քրիստոսի ողջ էությունը՝ ձեր մեջ: “ Բանը մարմին եղավ ու մեր մեջ բնակվեց”: Եթե ուզում եք, նշեք 1Տիմ.3:16 համարը. “Աստվածապաշտության խորհուրդը հայտնապես մեծ է. Աստված մարմնի մեջ հայտնվեց… “: Մենք դիպանք Նրան՝ Աստծուն՝ Եհովային, որ մարմին դարձավ և քայլեց երկրի վրա, մենք Նրան տեսանք մեր աչքերով:

21. Գիտեք, որ նույն՝ Հովհ.14-րդ գլխում Փիլիպոսն ասում է. “Տե°ր, ցույց տուր մեզ Հորը, և բավական է մեզ”:

22. Հիսուսը նրան ասաց. “Այսքան ժամանակ ձեզ հետ եմ, և ինձ չճանաչեցի՞ր, Փիլիպպո°ս: Ինձ տեսնողը Հորը տեսավ. իսկ դու ինչպե՞ս ես ասում. ''Ցույց տու°ր մեզ Հորը''“:

23. Հայրը Աստված էր մեր վերևում: Ադամից հետո մենք… Հայր Աստված Կրակի Սյան մեջ էր Մովսեսի և Իսրայելի զավակների վերևում, հետո Աստված մեզ հետ էր Քրիստոսով: Նա քայլեց մեզ հետ, խոսեց, կերավ և քնեց մեզ հետ: Աստված մեր վերևում, Աստված մեզ հետ, իսկ հիմա Աստված՝ մեր մեջ: Աստծո ողջ էությունը Քրիստոսի մեջ էր, Քրիստոսի ողջ էությունը՝ Եկեղեցու մեջ: Ի՞նչ է սա: Աստված գործում է ձեր մեջ: Որտեղ էլ, որ գտնվեք աշխարհում, եթե Նա ուզում է ձեզ կանչել, դուք այնտեղ եք, Նա գործում է ձեր մեջ, որ կատարեք Իր կամքը: Ինչքա¯ն պետք է Տիրոջից գոհանանք դրա համար: Սուրբ Հոգի Աստվածը ուղարկվել է, որ Աստված, որ բնակվում է Իր Եկեղեցու մեջ, ամեն ժամանակաշրջանում կատարի Իր աստվածային կամքը:

24. Երբ մարդիկ ձեզ ծաղրում են, իրականում ձեզ չեն ծաղրում, այլ Նրան, ով ուղարկել է ձեզ: Դրա համար Հիսուսն ասաց. “Երանի ձեզ, եթե իմ պատճառով ձեր մասին սուտ բաներ ասեն: Դուք երանելի եք”: Նաև ասաց. “Բոլոր նրանք, ովքեր աստվածապաշտությամբ են ապրում Հիսուս Քրիստոսով, հալածվելու են”: Որովհետև, երբ Աստված ճանաչվեց Քրիստոսի մեջ, Նրան ատեցին: Ո՞վ նրան ատեց ամենից շատ: Եկեղեցի°ն: Եկեղեցին Նրան ատեց ամենից շատ: Եկեղեցին Նրան ատեց ավելի, քան գինեմոլները: Նրանք բոլորից շատ ատեցին Նրան: Եկեղեցին ատում էր Նրան: Ուրեմն, երբ տեսնում եք աշխարհը, “կոսմոսը”՝ աշխարհի համակարգը… “Աշխարհը նրան չճանաչեց”. դա նշանակում է, որ այսպես կոչված եկեղեցին նրան չճանաչեց: “Յուրայինների մեջ եկավ և յուրայինները նրան չընդունեցին: Բայց ովքեր նրան ընդունեցին, նրանց, որ հավատում են նրա անվանը, իշխանություն տվեց նրանց Աստծո զավակներ լինելու”: Ո°հ, ինչքա¯ն պետք է սիրենք և պաշտենք Նրան: Աստծո նպատակն էր հաղորդակցություն ստեղծել:

25. Այս թեման վերջացնելուց առաջ մտածենք այս մասին. Հռութի ժամանակաշրջանում, փրկագնման օրենքի ժամանակներում Նոյեմին հեռացավ երկրից իր փորձությունների և դժբախտությունների պատճառով: Նա գնաց մովաբացիների մոտ (նրանք անվանական գաղջ քրիստոնյաներ էին, որովհետև Ղովտի աղջկա սերունդն էին): Նրանք այսպես կոչված հավատացյալներ էին, բայց խառնված էին ուրիշ ժողովուրդների հետ: Ինչ վերաբերում է Նոյեմիին, նրա ամուսինն ու երկու որդիները մահացան: Եվ վերադարձի ճանապարհին իր հարսներից մեկը՝ Որփան, ասաց, որ ուզում է վերադառնալ իր երկիրը, իր աստվածների, իր եկեղեցու, իր ժողովրդի մոտ: Նոյեմին Հռութին դրդեց անել նույնը, բայց նա ասաց. “Քո ժողովուրդը կլինի իմ ժողովուրդը, քո Աստվածը կլինի իմ Աստվածը: Որտեղ դու մեռնես, այնտեղ ես կմեռնեմ, որտեղ դու թաղվես, այնտեղ ես կթաղվեմ: Ես չեմ ուզում վերադառնալ իմ երկիրը”:

26. Այդպես է, երբ մարդ տեսիլք է ունենում: Նա հաշվի չի առնում այն, ինչ ասում է իր ընտանիքը: “Եթե գնաք այնտեղ, ֆանատիկ կդառնաք կամ դրա նման մի բան”: Այդպիսի խոսքերը Հռութի վրա չէին կարող ազդել: Աստծո ծրագիրը պետք է իրականանար:

27. Նույնը վերաբերում է ձեզ այս երեկո. եթե ծարավ եք Սուրբ Հոգուն, դա ձեզ մղում է կատարել Աստծո ծրագիրը ձեր կյանքում: Ինչպես Հռութի օրինակում:

28. Այս պատմությունն այնքան գեղեցիկ է, որ ես ուզում եմ մի պահ կանգ առնել այստեղ: Դուք գիտեք փրկագնման օրենքը. երբ Բոոսը… Դուք գիտեք այս պատմությունը. երբ Հռութը Բոոսի արտերում թափված հասկերն են հավաքում, նա շնորհք գտավ Բոոսի աչքում: Բայց որպեսզի ամուսնանար Հռութի հետ, նա պետք է գներ այն, ինչ Նոյեմին կորցրել էր: Եվ փրկագնման օրենքի համաձայն, միակը, ով կարող էր գնել Նոյեմիի կորցրած ժառանգությունը, նրա ամենամոտ ազգականն էր: Նրանք պետք է ազգականներ լինեին, որպեսզի նա կարողանար փրկագնել: Նա պետք է հասարակական ծանուցում աներ դարպասներից դուրս կամ հրապարակավ դավաներ, որ փրկագնել է այն ամենը, ինչ կորցրել էր Նոյեմին: Բոոսն այդ արեց՝ ծերերի առջև հանելով կոշիկը և ասելով. “Նոյեմիին պատկանող ամեն բան ես փրկագնեցի”:

29. Այդպես վարվեց Աստված: Նա հնազանդվեց Իր սեփական օրենքներին: Աստված չի կարող ձեզ մի օրենք տալ, իսկ Ինքը մեկ ուրիշ օրենքի հետևել: Եվ Աստված, որպեսզի փրկագներ կորսված եկեղեցին, աշխարհը, արարչագործությունը… Աստված, որ Հոգի է, անսահման է, միայն կորսված մարդկությանը փրկագնելու նպատակով, դարձավ Ազգական, Մարդ, Որդի, որին ստեղծեց Մարիամի արգանդում: Այնժամ Նա նշան դրեց, վկայություն: Երուսաղեմի դարպասներից դուրս Նա բարձրացավ երկնքի և երկրի միջև և մեռավ՝ այդպիսով ամեն բան փրկագնելով: Եվ Իր Արյունով սրբացրեց մի Եկեղեցի, որում կկարողանա ապրել, որի հետ կկարողանա ունենալ մի հաղորդակցություն, որը կար Եդեմի պարտեզում, երբ Աստված իջնում էր ամեն երեկո, եկեղեցու ժամանակաշրջանում: Նկատե՞լ եք, որ Աստված իջնում էր երեկոյան հովի ժամանակ, մայրամուտին: Գիշերամուտի հետ կապված ինչ-որ առանձնահատուկ բան կա. քրիստոնյաները մտածում են եկեղեցու և Աստծո մասին: Դուք նայում եք մայրամուտին, հասկանում եք, որ ձեր արևն էլ է կամաց-կամաց մայր մտնում:

30. Երեկոյան հովի ժամանակ Նա իջնում և հաղորդակցվում էր նրանց հետ: Եվ այդ ժամանակ հաղորդակցությունը խզվեց, որովհետև մեղքը չէր կարող թույլ տալ Նրան պահպանելու այդ հաղորդակցությունը: Այնժամ Նա մարմին հագավ և բնակվեց մեր մեջ, որպեսզի վերադառնա մարդու մոտ, ապրի մարդու մեջ և մարդուն վերահաստատի Իր հետ այնպիսի հաղորդակցության մեջ, որ կարողանա մարդուն վերադարձնել Աստծո տված իրավունքները: Ահա թե ինչ արեց Նա:

31. Դա է Սուրբ Հոգու նպատակը. Նա նորից դարձավ Հայր. Հայր Աստվածը, որ բնակվում է մեր մեջ, հաստատելով Իր ծրագրերը, որպեսզի ավարտին հասցնի Իր փրկագնման գործը: Նա գործում է ձեր միջոցով, ձեզ դարձնում է գործակից Իր հետ, ձեզ տեղ, բաժին է տալիս ձեր կորսված եղբայրների և քույրերի համար, ձեզ տալիս է Իր Հոգին և Իր Սերը, որ գնաք փնտրելու կորսվածներին, ինչպես Նա այդ արեց Եդեմի պարտեզում. “Ադա°մ, Ադա°մ, ուր՞ ես”: Այդպես է գործում Աստծո Հոգին տղամարդու կամ կնոջ մեջ: Երբ Նա թափանցում է ձեր սրտի մեջ և գրավում է իր տեղը, քաղց ու ծարավ է առաջանում կորսված հոգիների համար: Սա է խնդիրը ներկա հավաքույթներում՝ Սուրբ Հոգին ներկա չէ դրանցում: Գնացեք փնտրելու կորսվածների և մեռնողների հոգիները: Բայց նրանք նախընտրում են անուն հանել, եկեղեցի հաստատել, դահլիճ կառուցել և հարանվանություն ստեղծել, քան թե գնալ հոգիներին փրկության բերելու: Ի¯նչ ողբալի վիճակ: Դրա մասին կարելի էր շատ խոսել:

32. Աստված հեղվեց Քրիստոսի մեջ: Դա ճիշտ է: Քրիստոսը հեղվեց Եկեղեցու մեջ: Այժմ, ուշադրությու°ն: “Այն օրը դուք կիմանաք, որ ես իմ Հոր մեջ եմ, և դուք՝ իմ մեջ, ես էլ՝ ձեր մեջ”: Այն օրը դուք կիմանաք: Սա նույն և միակ փրկագնման ծրագիրն է: Իջնելով երկրի վրա՝ Աստված եկավ մեր մեջ բնակվելու և Իր ժողովրդի հետ հաղորդակցություն ունենալու, ինչպես սկզբում: Հենց որ Եկեղեցին կհասցնի այնպիսի վիճակի, երբ կկարողանա հեղվել նրա միջոցով, երբ կկարողանա սիրել, համոզել նրան, հաղորդակցվել նրա հետ, այնժամ կգա մի նոր Եդեմ: Նա Իր Եկեղեցին նորից կտանի այնտեղ, որտեղ նա լքել էր Նրան, այն Եդեմը, որտեղ նա ընկել էր սկզբում. այնտեղ է նա տարվելու՝ մաքրված և փրկագնված, վերադարձվելու է նույն վայրը:

33. Որոշ ժամանակ Եկեղեցին եղել է աշխարհի մեջ: Եվ Եկեղեցին խավարի 1500 տարիներից հետո Ռեֆորմացիայի միջոցով… Լյութերը առաջին ռեֆորմատորն էր առաքյալներից հետո: Երբ Լյութերը եկավ, Աստված Հոգուց վերցրեց մի քիչ և հեղեց Եկեղեցու վրա Արդարացման միջոցով: Հետո Ուեսլեյի ժամանակ Իր էությունից մի քիչ ավելի շատ հեղեց Սրբացման միջոցով: Իսկ ժամանակների վերջին հասնելով՝ Աստված լցրեց Իր Եկեղեցին: Պարզապես նայեք ձեր շուրջը և տեսեք, թե արդյոք այդպես չի:

34. Դուք, որ կարդում եք պատմությունը, նայեք Լյութերի ժամանակաշրջանին: Տեսեք այդ արթնությունը և տեսեք, թե նրանք ինչ արեցին: Տեսեք, թե ինչքան ավելի մեծ եղավ Ուեսլեյի արթնությունը, ինչքան շատ զորություն ունեին, թեև փոքրամասնություն էին: Տեսեք հոգեգալստական շարժումը. ի¯նչ արթնություն եղավ այն ժամանակ, ի¯նչ զորությամբ էր տարածվում ամենուր:

35. “Մեր կիրակնօրյա այցելուն” կաթոլիկ թերթը (Ous Sunday Visitor--ծան. թարգմ.) խոստովանում է, որ հոգեգալստական եկեղեցում մեկ տարվա մեջ եղել է մեկ միլիոն հինգ հարյուր հազար նորադարձ՝ գերազանցելով բոլոր հարանվանություններին: Կաթոլիկների մոտ եղել են միայն մեկ միլիոն նորադարձներ: Իրենց իսկ թերթը՝ “Մեր կիրակնօրյա այցելուն”, հայտարարում է, որ հոգեգալստականները գերազանցել են իրենց: Եվ հիշեք, որ հոգեգալստականների ապաշխարությունը Սուրբ Հոգով լեցուն ապաշախարություն է: Նրանք սկսեցին փոքր թվով, հավաքվում էին ծառուղիներում, հին կիթառով… կանայք նույնիսկ մեկ զույգ գուլպա չէին կարող

գնել: Ապրում էին երկաթուղու մոտ, եգիպտացորեն էին հավաքում, փշրում և հաց թխում իրենց երեխաների համար: Բայց ի՞նչ պատահեց: Այսօր նա դարձել է աշխարհի ամենազորավոր եկեղեցին, ոչ թե աշխարհի աչքում, այլ Աստծո, որովհետև Նա այդ ապացուցում է նրանով, ինչ անում է նրանց համար: Նա առատորեն Սուրբ Հոգին հեղում է այդ եկեղեցում:

36. Այժմ տեսեք, թե ինչ է կատարվում: Աստծո զորությունը հեղվում է նրանց մեջ… Լյութերից, Ուեսլեյից հետո եկեղեցին հասել է որոշակի կետի… և այս արթնությունը շարունակվում է հոգեգալստականների հետ մեր ապրած ժամանակաշրջանում, նույն Սուրբ Հոգով: Բայց հիմա Նրա ներկայությունն ավելի շատ է: Երբ լյութերականները փրկվեցին, նրանք Սուրբ Հոգուց մի բաժին ստացան: Երբ մեթոդականները սրբացան, դա Սուրբ Հոգու գործն էր: Տեսնու՞մ եք: Դա մի բաժին էր Սուրբ Հոգուց: “Որպեսզի առանց մեզ կատարելության չհասնեն”,--- ասում է Սուրբ Գիրքը: Տեսնու՞մ եք:

37. Հիմա, երբ վերջին օրերի լույսը սկսել է փայլել, Աստված մեծ բաներ է սպասում մեզանից, որովհետև որտեղ, որ շատ է տրվում, այնտեղից շատ է պահանջվում: Ուրեմն Նա մեզանից ավելի շատ է պահանջելու, քան լյութերականներից ու մեթոդականներից, որովհետև մենք ավելի մեծ լույսի մեջ ենք քայլում, ավելի մեծ զորությամբ, հարության ավելի մեծ վկայությամբ, քան նրանք:

38. Այդ մասին էի վերջերս խոսում մի լյութերական ուսումնարանում: Նրանք ինձ հարցրին. “Ուրեմն մենք ի՞նչ ենք ստացել”: Ես պատասխանեցի. “Մի մարդ սերմ ցանեց ցորենի արտում: Առաջին ծիլերը դուրս եկան և ասացին. “Օրհնյալ լինի Տերը այս ցորենի բերքի համար”: Պոտենցիալ կերպով այդ բերքը կար, բայց միայն նախնական փուլում էր: Հետո ցողուն դարձավ, հետո հայտնվեցին թռչող սերմերը. դա մեթոդականներն էին:

39. Եթե նայեք բնությանը, կտեսնեք Աստծո գործը: Այդտեղ է գաղտնիքը, որը կա նաև իմ ծառայության մեջ: Նայելով բնությանը՝ տեսեք, թե ինչպես է ամեն բան կատարվում, տեսեք, թե ինչ ժամանակներ են, ինչ պահեր: Այնժամ կտեսնեք, թե ինչ ժամանակաշրջանում ենք ապրում: Նայեք այս ժամանակաշրջանին:

40. Մեթոդականները ուրեմն թռչող սերմերն էին: Նրանք վերադարձան լյութերականների մոտ, ասացին. “Մենք ունենք Սրբացումը, իսկ դուք չեք ունեցել”: Կամաց-կամաց ծաղկափոշուց (մեթոդականներից) դուրս եկավ հատիկը՝ ցորենի հասկը. դա հոգեգալստականներն էին: Ահա հասանք: Առաջին փուլում Արդարացումն էր, երկրորդ փուլում՝ Սրբացումը և Սուրբ Հոգու մկրտությունը՝ հաջորդ փուլում: Լյութերը, Ուեսլեյը, հոգեգալստական շարժումը:

41. Այժմ ի՞նչ է անում հոգեգալստական շարժումը: Ես համեմատություն արեցի, որովհետև հոգեգալստական շարժումը բերեց ոչ թե կանաչ տերև կամ թռչող սերմ… Բայց հատիկը չի կարող ասել թռչող սերմին. “Դու ինձ պետք չես”: Թռչող սերմը չի կարող ասել տերևին. “Դու ինձ պետք չես”: Որովհետև նույն կյանքը, որ տերևի մեջ էր, բերել է թռչող սերմը, նույն կյանքը, որ թռչող սերմի մեջ էր, առաջացրել է հատիկը: Լյութերական եկեղեցին է առաջ բերել ուեսլեյական եկեղեցուն: Ուեսլեյական եկեղեցին առաջ բերեց հոգեգալստական եկեղեցուն: Իսկ հոգեգալստական եկեղեցի՞ն: Դա հատիկի վերականգնում է սկզբնական հատիկի պես, վերադարձնում է Պենտեկոստեի զորության լիությունը Սուրբ Հոգու մկրտությամբ վերջին օրերում: Ո°հ, փառավոր բան է նայել և հավատալ դրան:

42. Իսկ մեր ապրած ժամանակաշրջանը անցել է Պենտեկոստեն: Հոգեգալստականները հաստատվել են կազմակերպություններում և սկսել են նմանակել այն ամենը, ինչ կազմակերպություններում կատարվում է: “Մենք այսպիսին ենք, մենք այնպիսին ենք…”: Դա բնական է, և դուք չեք կարող արգելել այդ: Դա բնական է. նրանք պետք է այդ անեին: Դա կար նրանց ծրագրում: Բայց Եկեղեցին շարունակում է առաջ գնալ: Դարձել է ավելի մեծ, ավելի զորավոր. վերականգնվում են պարգևները: Եվ շատ հոգեգալստականներ չեն հավատում աստվածային բժշկությանը, հրեշտակների ծառայությանը, Աստծո զորությանը: Շատ հոգեգալստականներ կարծում են, թե իմ տեսիլքները դիվական են: Կան շատ հոգեգալստական կազմակերպություններ, որոնք չեն ուզում որևէ գործ ունենալ ինձ հետ: Տեսեք, մենք անցել ենք նրանց: Ինչպես մեթոդականներն էին հոգեգալստականներին խելագար համարում լեզուներվ խոսելու համար, ինչպես լյութերականներն էին մեթոդականներին խելագար համարում աղաղակելու համար… տեսնու՞մ եք: Բայց այս ամենը առաջընթաց է Սուրբ Հոգով, մինչև, որ եկեղեցին լցվի, հագենա (ալելուիա) Ամենակարող Աստծո փառավոր զորությամբ և հասնի այն վիճակին, երբ Հիսուսի կատարած նույն գործերը կդրսևորվեն նրա մեջ: Մենք դրան շատ մոտ ենք, սիրելի բարեկամներ:

43. Թույլ տվեք այստեղ մի պահ կանգ առնել՝ ցույց տալու համար, թե ինչու Աստված Սուրբ Հոգուն դրեց եկեղեցում: Ձեզ տամ մեկ ուրիշ օրինակ, որպեսզի ավելի լավ հասկանաք: Վերադառնանք Հին Կտարակարան: Երբ մի երեխա… Մի մարդ ընտանիք կազմեց, ամուսնացավ. սա առաջին բանն է: Հետո նա կարևոր մարդ դարձավ (կազմակերպությունների նման): Դա լավ էր: Հետո ծնունդ եղավ այդ օջախում: Երբ Սուրբ Հոգին… Մեկ ուրիշ հոգի եկավ, որը որդի էր: Որդին ընտանիքի լիարժեք անդամ չէր, դեռևս ժառանգորդ չէր մինչև որոշակի տարիքի հասնելը: Առաջին հերթին նա պետք է փորձվեր: Կար որդեգրման օրենքը (հովիվներ, ձեզ համար եմ խոսում որդեգրության վերաբերյալ): Երբ գալիս է պահը, երբ պետք է որդեգրվեր…

44. Հիսուսը հրաշալիորեն լուսաբանեց դա Այլակերպության լեռան վրա: Ինչպես արդեն ասել եմ, Աստված երբեք չի անի որևէ բան Իր օրենքին հակառակ: Եթե դուք արտեզյան ջրհոր ունեք այս բլուրի վրա, որից ջուր է բխում, իսկ դիմացի բլուրի վրա ունեք չորացած ցանքեր, կարող եք

կանգնել բլուրին և գոռալ. “Էյ, ջու°ր, արի ջրիր ցանքերը”: Ջուրը երբեք չի գա: Բայց եթե գործեք ձգողականության օրենքի համաձայն, կարող եք ջրել ձեր ցանքերը: