Եղբայր Բորգ.

Մենք ողջունում ենք, աշխարհի բոլոր եղբայրներին և քույրերին, Աստվածաշնչյան այս սերտողությանը Ֆրանկ եղբոր հետ, մեր Տիրոջ՝ Հիսուս Քրիստոսի թանկագին անունով: Մենք անչափ շնորհակալ ենք Աստծուն, այս առավոտ Աստծո Խոսքը լսելու առանձնաշնորհման համար: Թող Տերը զորացնի Ֆրանկ եղբորը, և առաջնորդի Իր Հոգով, և Շնո՜րհ անի մեզ թե՜ լսելու, և թե՜ խոսելու:

Ես ներածական Խոսք կկարդամ Գրվածքից, Եփեսացիների 1-ին գլխի, 13 Խոսքը: Եփեսացիներ 1-ին գլուխ, 13 Խոսք:

«13 Որ նորանում եւ դուք յուսացաք, երբոր  ճշմարտութեան խօսքը լսեցիք՝ ձեր փրկութեան աւետարանը, որին էլ երբոր հաւատացիք՝  խոստմունքի Սուրբ Հոգովը կնքուեցաք»:

Խնդրեմ, Ֆրանկ եղբայր:

Եղբայր Ֆրանկ.

Ես նույնպես ցանկանում եմ ջերմորեն ողջունել բոլորին: Եվ նաև հատուկ ձևով ուզում եմ ողջունել մեր եղբորը՝ Եղիսեին, և բոլոր ծառայող եղբայրներին, որոնք հավաքված են Գոմայում, նրանք մոտավոր 300 հոգի են: Ես ցանկանում եմ սրտանց ողջունե՜լ նրանց, և մաղթել Աստծո օրնությունները՝ Իր Շնորհքի ճոխությամբ: Եվ թող Տերն օրհնի բոլոր թարգմանիչներին, և նաև բոլոր նրանց, ովքեր ընդունո՜ւմ են Իր սուրբ և թանկագին Խոսքը: Եվ թող որ, մեր բոլորի հետ կատարվի՜ այն, ինչ կարդացի՜նք ներածական Խոսքում, որ Ճշմարտության Խոսքը լսելով և ընդունելով, ճշմարիտ հավատքի՜ն դառնանք, և Տերը կնքի՜ մեզ Իր Սուրբ Հոգով: Հրաշալի՜ է հավատալը այնպե՜ս, ինչպես Գրվածքն է ասում, բայց նախքան որ մենք կկարողանանք վերապրել այն, ինչ Սուրբ Գիրքն է ասում, Տերը պետք է մեզ նախապես հավա՜տք տա, որ դա կկատարվի՜ մեզ հետ: Մենք շա՜տ, շատ շնորհակալ ենք Տիրոջը, որ Նրա Խոսքն այժմ, որպես վերջին Պատգամ, հասել է մինչև աշխարհի ծայրերը: Եվ մենք կարող ենք հանգիստ խղճով ասել, որ աստվածային սկզբնական Պատգա՜մը՝ հավիտենական գործող ավետարանը, հռչակվե՜լ է բոլոր ժողովուրդներին ու լեզուներին, և յուրաքանչյուրը կարողացել է կայացնե՜լ իր որոշումը: Այսօր մենք Աստվածաշնչի մի քանի կարևոր հատվածնե՜ր կդիտարկենք:  Եվ իմ աղոթքն այն է, որ բոլորը ստանա՜ն, հավատա՜ն և հետո վերապրեն ա՜յն, ինչ Տերը Իր ողորմությամբ տվե՜լ է մեզ:

Խնդրեմ:

—Մենք կարդում ենք Ղուկասի 24-ից, 49-51 համարները: Ղուկաս 24 գլուխ, 49-51 Խոսք:

«49 Եւ ահա ես իմ Հօր խոստմունքը կուղարկեմ ձեզ վերայ. դուք էլ նստեցէք Երուսաղէմ քաղաքումը, մինչեւ վերեւիցը զօրութիւն հագնիք։

 50 Եւ նորանց հանեց մինչեւ Բեթանիա. եւ իր ձեռքերը բարձրացրեց եւ օրհնեց նորանց»։

 —Շնորհակալություն Տիրոջը: Մենք կարող ենք վերապրե՜լ ճիշտ նույնը: Եթե Տերը, կանչել է մեզ հռչակելո՜ւ Իր Խոսքը… Այն ժամանակ Նա չէ՞ որ խոստում է տվել մեզ՝ Մնալու Երուսաղեմում… Այո՜, այնտեղ որտեղ գտնվում ենք, պետք է վերից զորությո՜ւն առնենք, որպեսզի Աստծո Զորությամբ և համոզմունքով կարողանանք հռչակե՜լ փառավոր Խոսքը՝ Աստծո Պատգամը: Ես շնորհակալ եմ Աստծուն, որ Նա այդ Խոսքը, իմ մեջ իրականացրեց Իր Շնորհով: Խնդրեմ:

—Կարդում ենք 51 Խոսքը:

«51 Եւ եղաւ որ նա նորանց օրհնելիս, ջոկուեց նորանցից, եւ վերանում էր երկինքը»:

—Մենք բոլորս գիտենք, որ մեր Տերը, Իր հարությունից հետո 40 օր Իր աշակերտների հետ էր,  Նա նրանց հետ խոսեց Աստծո թագավորության մասին, նրանց հրահանգներ տվեց, իսկ հետո տարավ նրանց Բեթանիա, ձեռքերը բարձրացնելով օրհնեց նրանց, և նրանց օրհնելով, բոլորի աչքերի առջև երկի՜նք համբարձվեց: Մեր Տերը այսօ՜ր էլ նույնն է անում, Նա խոսո՜ւմ է մեզ հետ այնպես, ինչպես այն ժամանակ խոսում էր յուրայինների հետ: Նա այսօր էլ է բարձրացնում Իր ձեռքերը, որպեսզի օրհնի մեզ, որպեսզի օժտի մեզ վերից զորությամբ, որպեսզի մենք կարողանանք, Իր աստվածային հանձնարարությունը ճիշտ ձևով իրականացնենք, որպեսզի առաձնորդվե՜նք Սուրբ Հոգով: Թող ողջ պատիվը մեր Տիրոջը լինի: Խնդրում եմ, հիմա ակնկալենք, որ Տերը ո՜չ միայն խոսի մեզ հետ, այլ մեզ օրհնելով Նա օրհնությամբ մեր մե՜ջ լինի: Շնորհակալությո՜ւն Նրան դրա համար: Եկեք անկեզծ լինենք, ի՞նչ կանեինք մենք առանց Աստծո օրհնության: Չէ՞ որ ամեն ինչ կախված է Աստծո օրհնությունից: Նա օրհնեց Աբրահամին, օրհնեց բոլոր նրանց, ում խոստումներ էր տվել:

Նա նաև օրհնում է մեզ, մեզ, ովքեր Շնորհքով հավատացել ենք Նրա խոստումներին:

Խնդրեմ:

—Կարդում ենք Գործք Առաքելոց 1-ին գլխից, 11-րդ Խոսքը: Գործք 1-ին գլուխ, 11 Խոսք:

«11 Որ եւ ասեցին.  Ով Գալիլեացի մարդիկ, ի՞նչ էք կանգնել եւ մտիկ էք անում դէպի երկինքը. Այս Յիսուսը, որ ձեզանից վերացաւ երկինքը,  այսպէս կ’գայ ինչպէս նորան տեսաք երկինքը գնալիս»:

—Փառք և շնորհակալություն մեր Տիրոջը: Ինչպես բոլորդ գիտեք՝ սիրելի եղբայրներ և քույրեր, մեր հիմնական թեման Հիսուս Քրիստոսի՝ մեր Տիրոջ և Փրկչի վերադարձն է, և մեր պատրաստությունն այդ փառավոր օրվան, որը մոտ է:

Մեր Տերն ասաց. «Ես գնում եմ բնակարաններ պատրաստեմ ձեզ համար և վերադառնալու եմ ձեզ տանելու, որպեսզի դուք լինեք այնտեղ, որտեղ ես եմ»: Եվ հետո, ինչպես հենց նոր լսեցինք.

«Նույն Հիսուսը, ով վերցվեց երկինքը», Ով հարություն էր առել, ով կարող էր բացականչել.

«Ամեն իշխանություն Ինձ է տրվել երկնքում և երկրի վրա», Նա վերադառնալո՜ւ է: Եվ մենք անհամբեր սպասում ենք Նրան, և այժմ կարող ենք մեր պատրաստությունը տեսնել:  Խնդրեմ:

—Կարդում ենք Գործք Առաքելոցից, 2-րդ գլխից, 38 և 39 Խոսքերը: Գործք 2-րդ գլուխ, 38 և 39 Խոսքերը:

 «38 Պետրոսն էլ նորանց ասեց.  Ապաշխարեցէք՝ եւ ձեզանից ամեն մէկը թող մկրտուի Յիսուս Քրիստոսի անունովը՝ մեղքերի թողութեան համար, եւ Սուրբ Հոգու պարգեւը կ’ընդունիք։ 

39 Որովհետեւ  ձեզ եւ ձեր որդկանց համար է այս խոստմունքը, եւ  այն ամեն հեռաւորների համար, որոնց մեր Տէր Աստուածը կ’կանչէ»:

—Եվ այստեղ, առանց որևէ մեկին դատելու, ես կարող եմ հարցնել. և հա՜տկապես նրանց, ովքեր քարոզում են Խոսքը՝ բոլոր քարոզիչներին, բոլոր ավետարանիչներին. Կարո՞ղ եք ասել նույնը, ինչ այն ժամանակ ասաց Պետրոսը: Դուք նույնպե՞ս քարոզում եք այն, ինչ նա էր քարոզում։

Այն ժամանակ ժողովուրդը դիմեց Պետրոսի՜ն, և նա պատասխանեց նրանց.

«Ապաշխարեք, և ձեզանից յուրաքանչյուրը թող մկրտվի Հիսուս Քրիստոսի անունով՝ ձեր մեղքերի թողության համար, և Սուրբ Հոգու պարգևը կստանաք»:

Սա՞ է այսօրվա մեր ավետարանիչների քարոզը։

Սա՞ է խարիզմատների հռչակումը։

Սա՞ են հռչակումը բոլոր եկեղեցիներում։

Ի՞նչ է քարոզվում ամենուր։

Տեր իմ Աստված, թող բոլորը հասկանան, որ այժմ՝ Շնորհքի դարաշրջանի վերջում, մենք վերադարձվել ենք սկզբին։

Եվ այսպես ասվեց հենց սկզբում, հենց առաջին քարոզում.

«39 Որովհետեւ  ձեզ եւ ձեր որդկանց համար է այս խոստմունքը, եւ  այն ամեն հեռաւորների համար, որոնց մեր Տէր Աստուածը կ’կանչէ»:

Թող Աստված Շնորհ անի, որ բոլոր քարոզիչ եղբայրները հա՜րգանք տածեն, հարգանք Աստծուն և Նրա Սուրբ Խոսքին, և հասկանան, որ յուրաքանչյուրը չի՜ կարող քարոզել ա՜յն ինչ ուզում է, և ինչպես որ ուզում է, այլ որ մենք պետք է վերդարձվենք սկզբին, և այն ինչ քարոզվո՜ւմ էր այն ժամանակ, մենք պետք է քարոզենք այսօր: Ինչպես մկրտո՜ւմ էին այն ժամանակ,  այդպես է պետք մկրտել այսօր: Եվ եթե այն ժամանա՜կ հավատացյալները վերապրե՜լ են Հոգու մկրտությունը, այնպես էլ հիմա՜ պետք է հավատացյալները վերապրեն Հոգու մկրտությունը: Ամեն բան պետք է վերականգնվի, և վերականգնվել է ամեն բան: Եվ մենք անհամբեր սպասում ենք, որ այն Շնորհով բացահայտվի՜ մեր բոլորիս մեջ։ Խնդրեմ:

—Մենք կարդում ենք Գործք Առաքելոցի 13-րդ գլխի, 48 և 49 Խոսքերը: Գործք 13 գլուխ, 48 և49 Խոսքեր:

«48 Հեթանոսներն այս լսելով ուրախանում էին. Եւ Տիրոջ խօսքը փառաւորում էին. Եւ հաւատացին  քանիսը որ կարգուած էին դէպի յաւիտենական կեանքը։ 

49 Եւ Տիրոջ խօսքը տարածվում էր այն բոլոր գաւառը»:

— Փա՜ռք Տիրոջը:

Այստեղ մենք ունենք քարոզչության անցում՝ հրեաներից դեպի հեթանոսները: Եվ մենք շնորհակալություն ենք հայտնում Տեր Աստծուն, որ սկզբից ի վեր, բոլոր ժողովուրդները ներառվա՜ծ էին Աստծո փրկագնման ծրագրի մեջ: Որովհետև Տերն այսպես ասաց Աբրահամին. «Քեզնով պիտի օրհնվեն երկրի բոլոր ազգերը»: Եվ երբ հեթանոսները լսեցի՜ն Աստծո Խոսքը՝ աստվածային Պատգամը, ապա ուրախությա՜մբ ընդունեցին այն, և փա՜ռք տվեցին Տիրոջը, որ իրենց Շնորհ էր արել: Եվ մենք կարդում ենք, որ Տիրոջ Խոսքն այդպե՜ս տարածվեց: Այդպես է նաև այսօր: Նույն խոսքը տարածվեց ո՜չ միայն այն ժամանակվա Հրեաստանում, այլ նաև հարևան գավառներում։ Մենք այսօր նույն խոսքն ենք քարոզում, և այն տարածվել է աշխարհով մեկ։ Եվ բոլոր հեթանոս ազգերն, ովքեր լսում են վերջին Պատգամը, ուրախանում են և շնորհակալություն հայտնում Աստծուն դրա համար: Եվ մենք իրականում ականատես ենք լինում, որ Սուրբ Գրվածքը կատարվե՜ց մեր աչքերի առջև, որ փրկության աստվածային Պատգամը պետք է քարոզվեր բոլոր ժողովուրդներին և լեզուներին՝ որպես վկայություն:  Եվ դա կատարվել է մեր ժամանակներում։ Փա՜ռք Տիրոջը դրա համար։ Խնդրեմ:

—Կարդում ենք 2-րդ Կորնթացիների 11-րդ գլխի, 2-րդ Խոսքը: 2-րդ Կորնթացիներ 11 գլուխ, 2-րդ Խոսք:

«2 Վասնզի ձեզ համար նախանձաւոր եմ Աստուծոյ նախանձովը.  որովհետեւ ձեզ մի մարդի նշանեցի՝  որ մի սուրբ կոյս կանգնեցնեմ  Քրիստոսի առաջին»:

—Փա՜ռք Տիրոջը այս Խոսքի համար: Այստեղ պարզապես պետք է ասել, որ Տեր Աստված վերցրեց մեկ մարդո՜ւ, ում Նա կարող էր հայտնե՜լ Իր Խոսքը, ում Նա կարող էր հանձնարարությո՜ւն տալ: Եվ հետո մնացած բոլորը, աստվածային կոչման միջոցով կարողացել են հռչակե՜լ Խոսքը: Բայց իրականում կար միայն մեկ Աբրահամ, միայն մեկ Մովսես, միայն մեկ Հեսու, միայն մեկ Եղիա, միայն մեկ Եղիսե, միշտ միայն մեկը, որին Աստված կարող էր օգտագործել:

Իսկ եթե անդրադառնանք Նոր Կտակարանին.

Միայն մեկ մարդ կար ուղարկված, նախքան Քրիստոսի առաջին գալուստը: Նրա անունը Հովհաննես էր, քանի որ նա խոստացված մարգարե էր:

Մենք մոտեցել ենք հատո՜ւկ թեմայի: Եթե Աստված խոստո՜ւմ է տալիս, օրինակ Մաղաքիայում երբ ասվում է. «Ես կուղարկեմ Իմ դեսպանը Քո երեսի առջևիցը», այս դեպքում սա. ԱՅՍՊԵՍ Է ԱՍՈՒՄ ՏԵՐԸ: Սա ոչ թե մարգարե՜ն է ասել, այլ Ա՜ստված է ասել մարգարեի միջոցով: Եվ երբ Եսայիայի 40-րդ գլխում գրված է. «Անապատում կանչողի ձայնը, ուղիղ արեք Տիրոջ ճանապարհը», ապա դա ասաց Տերը, և գրի առավ Եսայիա մարգարեի միջոցով: Աստծո արքայությունում Աստվա՜ծ է գործում, և Հիսուս Քրիստոսը կառուցում է Ի՜ր եկեղեցին, և Նա քայլում է յոթ ճրագակալների միջև: Իսկ ինչ վերաբերում է մեր օրերին, իսկապես, մենք խոստում ունենք. «Ահա ես կուղարկեմ ձեզ Եղիա մարգարն, Տիրոջ մեծ և ահեղ օրը գալուց առաջ»:

Ո՞վ է շրջանցում այս մարգարեությունը, որն է. ԱՅՍՊԵՍ Է ԱՍՈՒՄ ՏԵՐԸ: Այնտեղ ո՜չ թե Մաղաքիան էր ասում, այլ Տերը. «Ես Տերս, ուղարկում եմ Եղիա մարգարեին, Իմ ժողովրդի, Իմ որդիների և Իմ դուստրերի մոտ՝ Շնորհքի ժամանակների վերջում, նախքան հարսանիքը, Տիրոջ մեծ և ահեղ օրը գալուց առաջ»:

Եվ այսպիսով, Գրվածքը կատարվե՜ց մեր օրերում: Աստված, իսկապես, գերբնական ձևով կանչեց Բրանհամ եղբորը, որովհետև նա բերելու էր Պատգամը, մաքուր աստվածաշնչյան Պատգամը, որը նախորդելու էր Քրիստոսի երկրորդ գալուստին:  Նա ով անտեսում է այդ, նա անտեսում է Աստծուն և այն ամենը, ինչ Աստված ներկա պահին իրականացնում է:

Ով շրջանցե՜լ է Հովհաննես Մկրտչի ծառայությունը, շրջանցել է Աստծուն, քանի որ դա Աստվածաշնչի մարգարեությունների իրականացումն էր: Եվ հիմա նույնպես աստվածաշնչյան մարգարեություններն իրականանում են: Եվ մենք շնորհակալ ենք Աստծուն յուրաքանչյուր եղբոր և քրոջ համար ամեն ազգից ու ամեն լեզվից, ովքեր հավատում են այս օրերի համար տրված խոստումին, և մասնակցություն ունեն այն բանում, ինչ Աստված կատարում է ներկա պահին: Խնդրեմ:

—Մենք կարդում ենք Մատթեոսի 25-րդ գլխի 10-րդ Խոսքը: Մատթեոս 25 գլուխ, 10-րդ Խոսք:

«10 Եւ երբոր նորանք գնացին գնելու, փեսան եկաւ. եւ պատրաստները նորա հետ հարսանիքը մտան, եւ  դուռն փակուեցաւ»:

—Եվ սա նույնպես լուրջ Խոսք է: Մենք բոլորս պետք է սրտով ընդունե՜նք այն: Մենք ապրում ենք նախապատրաստման ժամանակներում, և դա իսկապես ներառում է աստվածաշնչյան դարձը, նորոգումը, և վերստին ծնունդը: Փրկության բոլոր անձնական փորձառությունները դրա մի մասն են, ինչպես նաև Սուրբ Հոգով լցվելը:

Մենք կարդացինք, որ իմաստուն կույսերը լցվեցի՜ն Սուրբ Հոգով: Նրանք ոչ միայն վերցրել էին իրենց ճրագները, որպեսզի լուսավորեն ճանապարհը, այլև անոթներ էին վերցրել յուղով լցված, որպեսզի լամպերը չմարեին։

Եվ մենք նույնպես այդպես ենք վարվում, ամեն անգամ մենք նորից ենք լցնում մեր լապտերները Սուրբ Հոգու յուղով՝ Աստծո Խոսքի աստվածային հայտնությամբ:

Բայց եղբայրներ և քույրեր, այժմ հարցը. Պատրա՞ստ ենք մենք: Քանի որ գրված է. «Եվ պատրաստները Փեսայի հետ հարսանյաց ընթրիքը մտան, և դուռը փակվեց»:

Ես այլ կերպ չեմ կարող, ես պետք է ասե՜մ բոլորիդ. Ինչպես որ ճշմարիտ է որ Աստված Բրանհամ եղբորն ուղարկեց Պատգամով, այնպես էլ, անկասկած, բոլոր իմաստուն կույսերը կլսե՜ն փրկության աստվածային Պատգամը: Նրանք կվերադառնա՜ն դեպի սկիզբը, կունենան նույն փրկության փորձառությունը, կտեսնեն թե ինչպես է Տերը ձեռքերը պարզում նրանց վրա և օրհնում, ինչպես որ սկզբում էր օրհնում: Իսկ հետո մենք կմտնենք հարսանյաց ընթրիքը: Մտածեք գեթ մեկ անգամ, ի՞նչ կլինի նրանց հետ, ովքեր կմնան փակ դռների հետևում: Ի՞նչ ենք կարդում մենք Պողոսի մոտ: Նա ուզում էր Քրիստոսի մոտ բերել մի մաքուր կույսի, անարատ կույսի: Դա նրա գլխավոր թեման էր նրա խոսքի քարոզչության մեջ:

Եվ այդ Աստծո մարդը պետք է ասեր.

«8  Բայց եթէ մենք էլ, կամ երկնքիցը մի հրեշտակ աւետարանէ ձեզ նորանից ուրիշ քան թէ որ մենք աւետարանեցինք ձեզ, նզովուած լինի»: Գաղատացիների 1-ին գլուխ: Մենք սա պետք է շատ լուրջ ընդունենք: Մեր քարոզչությունը և մեր վերապրումները պետք է 100 %-ով համապատասխանեն այն քարոզչությանն ու վերապրումներին, որոնք եղել են ամենասկզբում:

Որովհետև Տերը Ալֆան և Օմեգան է:

Նա վերջում նույնն է, ինչպես սկզբում էր, և անում է նույնը։ Թող Տերը դնի սա ձեր սրտերի մեջ, որ  ձեզնից յուրաքանչյուրը կարողանա ասել. «Սիրելի Տեր, որքան վստահ եմ, որ ես հավատում եմ քո խոսքին և խոստումներին, որ տվել ես այս ժամանակի համար, այնքան վստահ եմ, որ ես իմաստուն կույսերից եմ: Այնպես էլ վստահ եմ, որ ես կմասնակցե՜մ հափշտակությանը»:  Սիրելի եղբայրներ և քույրեր, խնդում եմ ընդունե՜ք սա ամենքդ ձեր սրտերում: Եվ շնորհակալություն հայտնեք Տիրոջը ընտրությա՜ն համար, Իր ողորմության համար, այն ամենի համար, ինչ Աստված այս ժամանակի համար տվե՜լ է մեզ: Խնդրեմ:

—Մենք կարդում ենք Հայտնության 3-րդ գլխից, 21 և 22 Խոսքերը: Հայտնություն 3-րդ գլուխ, 21 և 22 Խոսքեր:

«21 Ով որ յաղթում է, կ’տամ նորան, որ ինձ հետ նստի  իմ աթոռի վերայ, ինչպէս ես էլ յաղթեցի եւ նստեցի իմ Հօր հետ նորա աթոռի վերայ։ 

22 Ով որ ականջ ունի թող լսէ ինչ որ Հոգին ասում է եկեղեցիներին»:

—Փա՜ռք Տիրոջը:  Ի՛նչպիսի Զորավոր Խոստում: Հաղթողները նրանք են, ովքեր իսկապես հաղթահարել են ամեն ինչ: Նրանք դո՜ւրս են եկել բոլոր մոլորություններից, ամեն ինչից: Նրանք բոլոր մեղքերից լվացվե՜լ են Գառան արյունով, ամեն ինչից, ինչը չի համապատասխանում Աստծուն և Նրա Խոսքին, ինչպես նաև սրբվագործվել են ճշմարտության Խոսքով, և նրանք կերպարանակի՜ց են եղել Քրիստոսի պատկերին: Թանկագին եղբայրներ և քույրեր, որքա՛ն հաճախ ենք մենք դա ասել, մեր Տերն ու Փրկիիչը այնքա՛ն շատ սիրեց մեզ, որ եկավ մեզ մոտ, որ դարձավ մեզ նման մարմնավոր մարմնով, որպեսզի մեզ համար գին վճարի, այս երկրի վրա՝ թափելով Իր Արյունը՝ Նոր Ուխտի արյունը, որպեսզի հաշտեցնի մեզ Աստծո հետ, և Աստծո զավակներ դարձնի մեզ: Եվ սա Շնորհքով կատարվե՜ց Գողգոթայի խաչի վրա: Եվ մենք շնորհակալությո՜ւն ենք հայտնում մեր Տիրոջը, կատարված փրկության համար:  Եվ ինչպես որ մենք կարդացինք, բոլոր հաղթողները, ովքեր Տիրոջ հետ են լինելու, նրանք ո՜չ միայն Նրա հետ նստելու են նույն սեղանի շուրջը, և տոնելու են երեկոն, այլ նաև պետք է թագավորեն Նրա հետ: Ո՛վ եղբայրներ և քույրեր, ի՜նչպիսի Շնորհք, ի՜նչպիսի առանձնաշնորհում է Աստծո զավակներ դառնալը: Եվ վերջին Պատգամը իսկապես նրա՜նց համար է, ովքեր պատրաստ են դո՜ւրս գալ այդ ամենից, և սկզբի՜ն վերադառնալ:  Մեկ Տեր, մեկ հավատք, մեկ մկրտություն: Դարձյալ ամեն բան աստվածաշնչյան ձևով: Փա՜ռք տվեք Տիրոջը դրա համար:  Խնդրեմ:

—Մենք կարդում ենք Հայտնության 19-րդ գլխի, 7-րդ Խոսքը: Հայտնություն 19 գլուխ, 7-րդ Խոսք:

«7 Խնդանք եւ ուրախ լինենք, եւ փառքը տանք նորան  որ եկաւ Գառի հարսանիքը, եւ նորա կինը պատրաստեց իրան»:

—Շնորհակալություն Տիրոջը: Մենք կարող ենք ցնծալ և ուրախանալ այն ժամանակ, երբ մեր Տերը վերադառնա, մեր մարմինները կվերափոխվեն, և մենք կվերցվենք փառքի մեջ, մենք որպես հարս, միասին փեսայի հե՜տ կլինենք, Գառան հարսանիքի ժամանակ: Թող քե՜զ լինի պատիվը, ո՛վ Աստծո Գառ, Քո զոհը կատարվեց: Դու փրկեցի՜ր մեզ մեր մեղքերից: Մենք շնորհակալ ենք Քեզ, մենք շնորհակալ ենք Քեզ կատարված փրկության համար: Մենք շնորհակալ ենք Քեզ ով Աստծո Գառ, մենք Քեզ հետ ենք լինելու հարսանյաց ընթրիքին: Եվս մեկ հատված Աստվածաշնչից: Խնդրեմ:

—Մենք դարձյալ կարդում ենք Հայտնությունից, 22-րդ գլխի 17 Խոսքը: Հայտնություն 22 գլուխ, 17 Խոսքը:

«17 Եւ Հոգին  եւ հարսն ասում են. Եկ. եւ լսողն ասէ, Եկ.  եւ նա որ ծարաւ է՝ թող գայ, եւ նա որ կամենում է՝ թող առնէ կեանքի ջուրը ձրի»:

—Փա՜ռք և գոհություն Տիրոջը: Եվ սրանով մենք հասնում ենք ավարտին: «Հոգին  եւ հարսն ասում են. Եկ»: Այն պահին, երբ մենք կտեսնե՜նք մեր պատրաստությունը, և համապատասխանության մեջ կլինենք Աստծո և Նրա Խոսքի հետ, այն ժամանակ միայն մեկ խնդրանք կունենանք. «Արի՜ Տեր Հիսուս»: Եվ Հոգին մեր մեջ պարզապես ազդարարում է այդ: «Հոգին  եւ հարսն ասում են. Եկ»:       Եվ դուք բոլորդ, ովքեր հիմա լսում եք, ասեք՝ արի՜, արի՜ Տեր Հիսուս, և տուն տար մեզ։ Եվ մենք հավատում ենք, որ մեր Տերը կվերադառնա մեր ժամանակում, որպեսզի մեզ տուն տանի: Նրան լինի պատիվ և գոհություն: Եվս մեկ անգամ օրհնված լինեք բոլոր ազգերում բոլոր եղբայրներ և քույրեր: Թող օրհնված լինեն բոլոր թարգմանիչները: Եվ նորից, թող Աստծո օրհնությունը լինի բոլոր նրանց վրա, ովքեր հատուկ ձևով հավաքվել են Գոմայում: Այո՜, օրհնված եղեք Ամենակարող Աստծո օրհնություններով՝ Հիսուսի սուրբ անունով:

Ալելուիա. Ամեն:

Մենք կկանգնենք աղոթքի համար: Խնդրեմ:

—Երկնավոր Հայր, մենք շնորհակալ ենք Քեզ այն ամենի համար, ինչ լսեցինք Քո Խոսքերից այս առավոտ: Մենք շնորհակալ ենք Քեզ Քո բացահայտված Խոսքի համար, լիարժեք փրկագնման համար, Խոսքի վերականգնման համար: Եվ մենք բոլորս շնորհակալ ենք Քեզնից, որ յուրաքանչյուր Խոստում որ Դու տվել ես այս ժամանակի համար, մենք դա կվերապրենք: Դու կհեղես Քո Սուրբ Հոգին Քո ժողովրդի վրա այնպես, որ բոլորս կնքված լինենք: Մենք շնորհակալ ենք Քեզ, մենք փառաբանում ենք Քո Անունը, այս առավոտվա Խոսքի համար, Հիսուսի հրաշալի անունով, Ամեն:

—Սիրելի եղբայրներ և քույրեր, թույլ տվեք նորից ասել այն, ինչ նախկինում բազմիցս ասել եմ. Սիրելի Տեր և Փրկիչ Հիսուս Քրիստոս, մենք շնորհակալ ենք Քեզ այն Ուխտի համար, որ Դու կապեցիր մեզ հետ: Մենք շնորհակալ ենք Քո Արյան համար, որ թափեցիր մեզ համար։ Մենք շնորհակալ ենք բոլոր այն խոստումների համար, որ տվել ես մեզ։ Մենք շնորհակալ ենք Քեզ, որ մենք բոլորս վերապրում ենք դա Շնորհքով: Ալելուիա, Քո փառավոր Հիսուս Անվանը: Ամեն: