Էվալդ Ֆրանկ

Եղբայր Ֆրանկ.

Սիրելի եղբայրներ և քույրեր Քրիստոսով, այսօր հատուկ օր է, և մենք անչափ, անչա՜փ շնորհակալ ենք Տիրոջը, որ կարողացել ենք օրհնությա՜մբ անցնել դեպի նոր՝ 2023 թվական: Կցանկանայի նաև շնորհակալությո՜ւն հայտնել բոլորին, բոլոր օրհնությունների համար, անկախ նրանից՝ փոստո՜վ էին եկել, հեռախոսով թե էլեկտրոնային նամակով, քանի որ դա ինձ համար նո՜ւյնպես առանձնահատուկ օր էր: Ես 89-ից անցել եմ 90 տարեկան, և շնորհակա՜լ եմ Տիրոջն այն Շնորհի համար, որ տվել է ինձ՝ որ կարողացել եմ ծառայել Իրեն այս բոլոր տարիներին: Եվ ես նամակ եմ պատրաստել, Աստվածաշնչյան 25 մեջբերումներով, որը տեղադրվելու է համացանցում, որպեսզի բոլորը կարողանան կարդալ այն, ինչ Աստված դրե՜լ է իմ սրտում այս նոր տարվան: Բայց հետո որոշում կայացվեց, որ մենք այսօր կկարդա՜նք այդ տեքստը։ Եվ մենք բոլորին ի սրտե կամենում ենք Աստծո օրհնությունները: Եվ ես կխնդրեմ Բորգ եղբորը, որպեսզի հիմա միանգամից սկսի՜ դրանով: Եվ հետագայում բոլորը գրավոր կունենան ա՜յն, ինչ հիմա ասվում է, և կկարողանան կարդալ այն: Խնդրեմ:

Եղբայր Բորգ.

Հիսուս Քրիստոսի հարս-եկեղեցուն

Ես ի սրտե ողջունում եմ բոլոր եղբայրներին և քույրերին, ողջ աշխարհով մեկ, ովքեր հավատացել են մաքուր աստվածաշնչյան՝ Աստծո պատգամին, և այժմ իրենց պատրաստությունն են տեսնում հափշտակության համար, Եսայիայի 55.11-ի Աստծո Խոսքերով.

«11   Այնպէս էլ պիտի լինի իմ բերանից դուրս եկած խօսքը, նա պիտի պարապ ետ չդառնայ ինձ մօտ, այլ կատարէ իմ ուզածը, եւ յաջողուի նորանում, ինչի համար որ ես նորան ուղարկեցի»:

—Շնորհակալությո՜ւն Տիրոջը դրա համար, որ մենք իսկապես անկեղծորեն կարող ենք հավատալ մեր սրտերում, որ այն ամենն ինչ Աստված ասե՜լ է, իրականանալո՜ւ է, պե՜տք է իրականանա: Եվ Աստծո Խոսքը դատար չի վերադառնալու Նրան: Այլ Հարսի մեջ իրականացնելու է ա՜յն, ինչն անհրաժեշտ է, որպեսզի մենք պատրա՜ստ լինենք հափշտակությանը: Խնդրեմ:

—Աստվածաշնչյան հետևյալ հատվածները նրա համար են որպեսզի մենք պատկերացում կազմենք թե Տեր Աստվածն ի՞նչ է ակնկալում մեզնից, որպեսզի իրականանա ա՜յն, ինչ մենք ենք ակնկալում Նրանից, որպեսզի Նա Իր ողորմությամբ Շնորհ անի մեզ, պատրաստ լինելու Նրա վերադարձին: Քրիստոսի վերադարձը ի սկզբանե եղել է բոլոր ճշմարիտ հավատացյալների հույսը: Հովհաննես 14.2-3-ում մեր Տերն ասել է.

«2 Իմ Հօր տանը շատ բնակարաններ կան. ապա թէ ոչ ես ձեզ կասէի.  Գնում եմ ձեզ համար տեղ պատրաստելու։ 

3 Եւ եթէ գնամ եւ ձեզ համար տեղ պատրաստեմ,  դարձեալ կգամ եւ ձեզ ինձ մօտ կառնեմ.  որ ուր ես եմ, դուք էլ լինիք»։

—Շնորհակալությո՜ւն Տիրոջը: Օ՛, որքան շնորհակալ պետք է լինենք, որ մեր ամբողջ սրտով կարողանո՜ւմ ենք հավատալ Աստծո Սուրբ Խոսքին: Եվ մենք գիտենք, որ դա իրականություն է դառնալու: Տերը նորի՜ց կգա և մենք տո՜ւն կվերցվենք, և միշտ Տիրոջ հետ կլինենք: Խնդրեմ:

—Սուրբ Գրքում, բազմիցս ընդգծվում է Քրիստոսի երկրորդ գալուստը.

«Նույնպէս էլ  Քրիստոսը մէկ անգամ  պատարագուեցաւ  շատերի մեղքերը վեր առնելու համար. եւ երկրորդ անգամ առանց մեղքի կյայտնուի իրան  սպասողներին փրկութեան համար»: [Եբր. 9.28]

—Եվ մենք Նրան սպասողների թվում ենք, ովքեր իսկապես կարողանում են պատրաստվել։ Եվ մենք շնորհակալ ենք Տիրոջը Նոր Ուխտի արյա՜ն համար, Սուրբ Խոսքի՜ համար, և շնորհակալություն ենք հայտնում Նրան Սուրբ Հոգու համար, որն առաջնորդում է մեզ ողջ ճշմարտության մեջ: Խնդրեմ:

—Ենովքի մասին արդեն գրված է.

 «Հաւատքով  Ենովքը փոխուեցաւ որ մահ չտեսնէ. եւ չէր գտնվում. որովհետեւ Աստուած փոխեց նորան. որ իրան փոխուելուցն առաջ վկայուեցաւ որ հաճելի էր Աստուծուն»: [Եբր. 11.5]

Թող Տերը Շնորհ անի այդ մեզ ամենքիս:

Երկու հատուկ հատվածներ կան Սուրբ գրքում:

Մատթեոսի 3.17-ը.

«Եւ  ահա երկնքիցը ձայն եկաւ, որ ասում էր.  Դա է իմ սիրելի որդին, որին ես հաւանեցի»,

և նաև Մատթեոսի 17.5-ը.

«…Դա է Իմ սիրելի Որդին,  որին Ես հաւանել եմ. Նրա՜ն լսեցէք»:

Եվ ովքեր որ այժմ լսո՜ւմ են Նրան, նրանց վրա կարող է հանգչել Տիրոջ սուրբ հաճությունը, Հիսուսի սուրբ անունով: Խնդրեմ:

—Տերը նույնպես խոսել է այն բոլոր բաների մասին, որոնք տեղի էին ունենալու վերջին ժամանակներում, նախքան Քրիստոսի վերադարձը, լինի դա Իսրայելի, Եկեղեցու, թե երկրի ընդհանուր վիճակի վերաբերյալ.

«Եւ երբոր նա Ձիթենեաց սարի վերայ նստած էր,  աշակերտներն առանձին նորա մօտ եկան եւ ասեցին.  Ասիր մեզ, այդ ե՞րբ կլինի. եւ ի՞նչ կլինի քո գալստեան եւ աշխարհքիս վերջի նշանը»։

Յիսուս պատասխանեց անոնց. «Զգոյշ կացէք, որ մէկը ձեզ չխաբէ»: Նա խոսեց պատերազմների, սովի, երկրաշարժերի, պատուհասների և այլնի մասին, [Մատթ. 24.3-7] և յուրահատուկ ձևով ընդգծեց. «Եւ  արքայութեան այս աւետարանը  բոլոր տիեզերքումը կքարոզուի ամեն հեթանոսներին վկայութիւն լինելու համար, եւ այն ժամանակ կգայ վերջը» [Մատթ. 24.14]:

—Եկեք ասենք մաքուր սրտից, որ Տերը Շնորհ արեց, որպեսզի մեր ժամանակաշրջանում, սկզբնական,  աստվածային փրկության մաքուր պատգամը, առաջին անգամ 2000 տարի անց հնարավոր լինի քարոզել ամբողջ աշխարհով մեկ: Ռեֆորմացիայից ի վեր բոլոր արթնություններում, որոշակի բաներ են քարոզվել, բայց երբեք չի քարոզվել «Աստվածության», «Մկրտության», «Հաղորդության» թեմայով, երբեք սկզբնական սուրբ, աստվածային պատգամը չի քարոզվել այնպե՜ս, ինչպես սկզբում: Եվ Աստված օգտագործեց Բրանհամ եղբորը, որպեսզի այն հասնի մեզ, և նաև Աստված ի՜նձ օգտագործեց, որպեսզի փրկության պատգամը բնօրինակ ձևով, քարոզվի՜  ամբողջ աշխարհով մեկ: Իսկ հիմա, գալիս է վերջը, և մենք շնորհակալ ենք Տիրոջը մեր ժամանակաշրջանում Խոսքի իրականացման համար: Ամեն: Խնդրեմ:

—Ղուկասի ավետարան, 21-ի 28:

Տերն ասաց Իրեններին, վերջին իրադարձությունների հետ կապված.

«28 Եւ երբոր այս բաները կ’սկսեն լինիլ, վեր նայեցէք եւ բարձրացրէք ձեր գլուխները.  որ ձեր փրկութիւնը մօտ է»:

Եվ նախքան Նրա վերադարձը ամեն բան բերվելու է բարեկարգ վիճակի, ինչպես որ սկզբում էր, և ինչպես որ գրված է Գործք. 30.1-ում.

«21  Որին երկինքը պէտք է ընդունի,  մինչեւ այն ամեն բաների հաստատուելու ժամանակները,  որոնց համար խօսեց Աստուած իր բոլոր սուրբ մարգարէների բերանովը յաւիտենից հետէ»:

—Փա՜ռք Տիրոջը: Ա՜յն, ինչ Տերը հռչակեց մարգարեների միջոցով, նույնը հռչակեց նաև առաքյալների միջոցով: Հին և Նոր Կտակարանները միասին են, այնտեղ խոստումներն են, այստեղ իրականացումը: Եվ մենք իսկապես շնորհակալ ենք Տիրոջը, որ այսօր կարող ենք ուսուցանել, հավատալ, մկրտել… Անել ամեն բան ճիշտ այնպես, ինչպես մեր եղբայրներն ու քույրերն են արել սկզբում՝ 2000 տարի առաջ: Աստված պահե՜ց Իր Խոսքը, և ամեն բան վերականգնեց և բերեց բարեկարգ վիճակի: Խնդրեմ:

—Դրան է վերաբերվում նաև այն խոստումը, որ Շնորհքի ժամանակահատվածի վերջում, Տիրոջ մեծ և ահեղ օրը դեռ չեկած, Աստված մարգարե է ուղարկելու, ով դարձներու է Աստծո զավակների սրտերը առաքյալ հայրերին: Մաղաքիայի 3.23-24-ից այս խոստումը կատարվեց Բրանհամ եղբոր ծառայության միջոցով:

Ինչ վերաբերում է բուն հափշտակությանը, մենք այդ կարդում ենք 1-ին Թեսաղոնիկեցիների ուղերձում, 4.15-17-ում.

«15 Որովհետեւ ինքը Տէրը հրամանով, հրեշտակապետի ձայնով եւ  Աստուծոյ փողով վայր կ’գայ երկնքիցը. եւ  Քրիստոսով մեռելներն առաջ յարութիւն կ’առնեն, 

16 Եւ յետոյ մենք, որ կենդանի ենք մնացած նորանց հետ մէկտեղ ամպերով օդի մէջ  կ’յափշտակուինք Տիրոջը դիմաւորելու  եւ այնպէս ամեն ժամանակ Տիրոջ հետ կ’լինինք»:

— Թող փառվորվի՜, թող մեծարվի՜ մեր Տիրոջ անունը։ Մենք սա ասում ենք որպես Տիրոջ խոսք. Մեր Տիրոջ հարությունը մեր հարության երաշխիքն է, իսկ Նրա համբարձումը երաշխիքն է, որ մենք հափշտակությամբ երկի՜նք կբարձրանանք՝ փառքի մեջ: Ա՛լելուՅահ, փա՜ռք մեր Տիրոջը: Խնդրեմ:

—Փիլիպեցիների ուղերձում, 3-րդ գլխում, 20 և 21 Խոսքերում այսպես է ասվում.

«20 Բայց մեր քաղաքացիութիւնը երկնքումն է,  որ այնտեղից  սպասում ենք Փրկչին՝ Տէր Յիսուս Քրիստոսին. 

21 Որ կնորոգէ մեր խոնարհ մարմինը որ  իր փառաւոր մարմնին կերպարանակից լինի այն զօրութիւնովը, որ կարող է  ամեն բան հնազանդեցնել իրան»:

Եվ նախապայմանն այս է, որ մեզ մոտ կատարվի հետևյալ Խոսքը.

«11 Եւ եթէ Յիսուսին մեռելներից  յարուցանողի Հոգին ձեզանում բնակուած է,  ապա Քրիստոսին մեռելներից յարուցանողը ձեր մահկանացու մարմիններն էլ կ’կենդանացնէ իր Հոգովը, որ ձեզանում բնակուած է»: [Հռոմեացիներ 8.11]

—Մենք ամե՜ն ենք ասում դրան: Այդպես գրված է, և այդպես էլ կատարվելու է: Կարևորն ա՜յն է, որ Աստծո Հոգին կարողանա բնակությո՜ւն հաստատել մեր մեջ, որ մենք ոչ միայն պարգևներ ունենանք կամ գործադրե՜նք այն, այլ որ Հոգու պտուղները բացահայտվե՜ն մեզանում: Եվ մենք շնորհակալ ենք Տիրոջը, որ Նա հոգում է, որ Աստծո Հոգին իսկապես կարողանա բնակվել մեր մեջ, որպեսզի մեր կյանքը լիովին նվիրված լինի Տիրոջը, և որպեսզի Հոգին, մեր մահկանացու մարմինները փոխի, ինչպես դա կատարվել է մեր Փրկչի հետ, Նրա մահկանացու մարմինը վերափոխվել է, և Նա հափշտակվել և վերցվել է փառքի մեջ: Եվ մենք նույնպես կվերափոխվենք և փառքի մեջ կմտնենք: Ամեն: Խնդրեմ:

—Այս խոստումը, իրականությո՜ւն կդառնա մեր Տիրոջ վերադարձի ժամանակ:   Միևնույն ժամանակ, մեզ հորդորվում է անսասա՜ն մնալ և սպասել, որ Աստված Իր գործն ավարտի Հոգու հզոր գործունեության միջոցով.

«7 Արդ, եղբարքս, երկայնամիտ եղէք մինչեւ Տիրոջ գալուստը…

Հիշե՜ք. ահա մշակը երկայնամիտ եղած սպասում է երկրի պատուական պտղին,  մինչեւ որ առաջի եւ վերջի անձրեւն առնէ։ 

8  Երկայնամիտ եղէք դուք էլ, հաստատեցէք ձեր սրտերը. Որ  Տիրոջ գալուստը մօտացել է»: [Հակոբոս 7-8]

«23 Եւ ով Սիօնի որդիք,  ցնծացէք եւ ուրախացէք Տիրոջմով՝ ձեր Աստուծով. որ կտայ ձեզ ուսուցիչ արդարութեան համար. եւ  ձեզ համար անձրեւ կիջեցնէ՝  առաջի եւ վերջի անձրեւ առաջուայ պէս»: [Հովել 2.23]

—Շնորհակալությո՜ւն Տիրոջը, Հին և Նոր Կտակարաններում տրված խոստումների համար: Նա այնպե՜ս կանի, որ առաջին և վերջին անձրևը կթափվե՜ն միասին, և Հարս-համայնքի մեջ կիրագործվի Հոգու Զորավոր գործունեությունը, և մենք բոլորս մասնակցություն կունենանք դրանում: Խնդրեմ:

—Քանի որ ոչ ոք ստույգ չգիտի օ՜րը և ժա՜մը, մեզ կո՜չ է արվում միշտ պատրաստ լինել.

«44 Սորա համար դուք էլ պատրաստ կացէք որ այն ժամին, որ դուք չէք կարծում, մարդի Որդին կ’գայ»: [Մատթեոս 24.44]

Նույնպես այս լուրջ Խոսքերը մենք պետք է սրտով ընդունենք.

«1 Ուրեմն վախենանք, միգուցէ երբէք նորա հանգստի մէջ մտնելու խոստմունքը մնալիս, ձեզանից մէկը պակասած գտնուի»:

—Թող Տեր Աստվածն այնպես անի, որ նա ով այժմ հավատում է, իսկապե՜ս հավատում է, և այն ծառայությունը, որն Աստված տվել է Բրանհամ եղբորը, որպեսզի բերի վերջին պատգամը, ամեն բան սկզբնական վիճակին բերելու համար, նա ով սրտով հավատո՜ւմ է և անձամբ վերապրո՜ւմ է այդ… Սա այն ժամանակահատվածն է որ մենք պետք է դեն նետենք ամեն գաղջություն և ամեն անտարբերություն, մենք պետք է կրակոտ լինենք, ջերմեռանդ Տիրոջը ծառայելու համար, և այս ամենը լո՜ւրջ պետք է ընդունենք, և Տերը մեզանում կիրականացնի Իր տրված յուրաքանչյուր խոստումը: Խնդրեմ:

—«2 Որովհետեւ մենք էլ ենք աւետիքն առել ինչպէս եւ նորանք. բայց նորանց օգուտ չբերաւ աւետիքի քարոզութեան խօսքը, որովհետեւ չխառնուեցաւ հաւատքի հետ լսողների մէջ»: [Եբր. 4.1-2]

Աբրահամը հավատա՜ց Աստծուն, և տեսա՜վ խոստումի իրականացումը, և մենք նո՜ւյնպես հավատում ենք Աստծուն և Նրա Խոսքին և նույնպես կտեսնենք խոստումների իրականացումը: Եվ ինչպես Պողոսը, ով լո՜ւրջ էր վերաբերվում Տիրոջը մատուցաց իր ծառյությանը, ես հավատացյալներին կցանկանայի խորհուրդ տալ հետևյալ հատվածները  Գրվածքից.

«1 Արդ աղաչում եմ ձեզ, եղբարք, Աստուծոյ ողորմութիւնովը,  որ ձեր  մարմինները ներկայացնէք  կենդանի, սուրբ եւ Աստուծոյ ընդունելի պատարագ, որ է ձեր բանաւոր պաշտօնը։  2 Եւ մի կերպարանուիք այս աշխարհքի կերպարանքովը.  այլ նորոգուեցէք ձեր մտքի նորոգութեամբը,  որ դուք քննէք թէ ի՞նչ է Աստուծոյ կամքը՝ բարին, հաճելին եւ կատարեալը»: [Հռովմայեցիս 12.1-2]

—Եվ դրա համար, թող Տերը մեզ բոլորիս Շնորհ անի, որպեսզի մենք իսկապես ի սրտե կարողանանք ասել.

«Քո կատարյալ կամքը թող կատարվի մեր կյանքում, մենք՝ ով Տեր, Քո հայեցողության տակ ենք՝ հոգով, մարմնով և շնչով, արա մեզ հետ ա՜յն, ինչ պատրաստվում ես անել»: Եվ դա կկատարվի, որովհետև Աստված այդպե՜ս է խոստացել: Խնդրեմ:

—«13 Որ ձեր սրտերը հաստատուին անարատ սրբութիւնով Աստուծոյ եւ մեր Հօր առաջին՝ մեր Տէր Յիսուս Քրիստոսն  իր ամեն սրբերովը գալու ժամանակումը»: [1 Թեսաղոնիկեցիներին  3.13]

«16 Կեանքի խօսքը  պահելով ինձ պարծանք լինելու համար Քրիստոսի օրումը.  որ զուր տեղը չվազեցի, եւ զուր չաշխատեցի»: [Փիլիպպեցիս 2.16]

«9 Եւ սա աղօթք եմ անում,  որ ձեր սէրն էլ աւելի եւ աւելի հարստանայ գիտութիւնով եւ ամեն հասկացողութիւնով. 

10 Որ դուք լաւագոյնն ընտրէք,  որ մաքուր լինիք եւ առանց գայթակղութեան  Քրիստոսի օրումը, 

11 Արդարութեան պտուղներով լցուած՝ Յիսուս Քրիստոսի ձեռովը,  Աստուծոյ փառքի եւ գովասանքի համար»: [Փիլիպպեցիս 1.9-11]

— Սիրելի եղբայրներ և քույրեր, մենք պետք է նորի՜ց ու նորի՜ց կարդանք այսպիսի Գրվածքներն Աստվածաշնչից, և իսկապես խնդրենք Տիրոջը, որ այն, ինչ կարդացել ենք, իրականանա մեր կյանքում: Որպեսզի մենք իսկապես կանգնե՜նք Աստծո առջև անբիծ և անարատ, Գառնուկի արյունով լվացված, սրբացված Աստծո Խոսքով, Սուրբ Հոգով առաջնորդված, որպեսզի այդ ամենը աստվածային իրականություն դառնա մեր կյանքում: Խնդրեմ:

—Մենք անկեղծորեն ցանկանում ենք որպեսզի բոլոր այս Գրվածքները իրականան մեր մեջ և մեր միջոցով:

«23 Եւ ինքը խաղաղութեան Աստուածը  ձեզ սուրբ անէ բոլորովին. եւ  ձեր բոլոր հոգին եւ շունչը եւ մարմինը անարատ պահուի մինչեւ մեր Տէր Յիսուս Քրիստոսի գալը»: [1 Թեսաղոնիկեցիս  5.23]

«28 Եւ հիմա, որդեակներ, կացէք նորանում.  որ երբոր նա կ’յայտնուի, համարձակութիւն ունենանք, եւ  չ’ամաչենք նորանից նորա գալուստի ժամանակումը»: [1 Հովհաննես 2.28]

—Օ՛, Տերը թող իսկապես ողորմությո՜ւն անի, որպեսզի ոչ ոք հետ չմնա: Ես հավատում եմ, որ փառքի մեջ, ոչ մի ազատ աթոռ չի լինելու: Մենք բոլորս նստելու ենք սեղանի շուրջը, և անթիվ բազմություն է լինելու: Ես տեսե՜լ եմ հափշտակությունը, ես տեսե՜լ եմ անհամար բազմություն, ես իսկապես ունեցել եմ այդ փորձառութունը: Ես Տիրոջը շնորհակալ եմ, որ մենք կարող ենք հավատալ, որ դա շուտով տեղի է ունենալու: Բայց միայն Աստված գիտի օրը և ժամը: Խնդրեմ:

—«9 Որովհետեւ ո՞վ է մեր յոյսը կամ ուրախութիւնը կամ  պարծանքի պսակը, եթէ ոչ դուք Տէրումը մեր Տէր Յիսուս Քրիստոսի առաջին  նորա գալու ժամանակումը»: [1 Թեսաղոնիկեցիս 2.19]

Սա նշանակում է, որ ովքեր աշխարհի ստեղծվելուց առաջ ընտրված են եղել, առաքյալը նրանց կոչ է անում այս լուրջ խոսքերը.

«30 Եւ մի տրտմեցնէք Աստուծոյ Սուրբ Հոգին,  որով կնքուեցաք  փրկութեան օրուայ համար»: [Եփեսացիս 4.30]

Միայն նրանք ովքեր Հարս-եկեղեցուց են, միայն նրանք կկնքվեն, և նրանց լուրջ զգուշացում է տրվում, որպեսզի չտրտմեցնեն Աստծո Հոգուն իրենց անհավատաությամբ և անհնազանդությամբ: Բայց ես համոզված եմ, որ այն, ինչ առաքյալը գրեց իր օրերի եղբայրներին և քույրերին, դեռևս այսօր կիրառելի՜ է մեզ համար:

«6 Եւ հաստատ համոզուած եմ սորան,  թէ նա որ ձեզանում սկսեց այս բարի գործը,  կկատարէ էլ մինչեւ Յիսուս Քրիստոսի օրը»: [Փիլիպպեցիս 1.6]

Բրանհամ եղբայրը կատարեց իր աստվածաշնչյան հանձնարարությունը, և բերեց այն պատգամը, որը նախորդում է Քրիստոսի երկրորդ գալուստին: Տերն ինձ օգտագործեց, որպեսզի նրա տուն մեկնելուց հետո, փոխանցեմ այս պատգամը՝ Նրա բացահայտված Խո՜սքը ողջ աշխարհով մեկ: Բոլոր ճշմարիտ, ծառայող եղբայրները, քարոզում են այս նույն Խոսքը, և բաժանում են նույն հոգևոր կերակուրը, և այդպիսով Հարս-համայնքը կբերվի հոգու միաբանության մեջ, և ներդաշնակության մեջ կլինի Խոսքի հետ:

—Սիրելի եղբայրներ և քույրեր, ամենայն խոնարհությամբ ես կարող եմ հարց տալ.

Դուք լսե՞լ եք որ որևէ մեկը Բրանհամ եղբոր ծառայությունից հետո մոտենա և ասի, թե ե՞րբ է ինքը կանչված եղել, ո՞րտեղ է ինքը կանչված եղել, և ի՞նչ է ասվել իրեն կոչումը ստանալու պահին:

Եղե՞լ է գեթ մեկ եղբայր որևէ երկրամասում, ով Բրանհամ եղբոր տուն մեկնելուց հետո կարող էր ասել. Այսինչ այսինչ ժամանակ Տերն ինձ կանչեց, և հանձնարարություն տվեց գնալու քաղաքից քաղաք, քարոզելու Խոսքը, և բաժանելու կերակուրը, ինչպես  հաստատեց այդ Բրանհամ եղբայրը 1962 թվականի դեկտեմբերի 3-ին:

Անհրաժեշտ է ասել, որ այսպիսի կոչումը երկուսի կամ երեքի համար չէ, այլ միշտ լինում է մեկի՜ համար:

Միայն մե՜կ Մովսես կար, միայն մե՜կ Հեսու, միայն մեկ Եղի՜ա, միայն մեկ Եղիսե՜: Ամեն ժամանակում միայն մեկն է եղել, որին Աստված իսկապես կարողացել է օգտագործել:

Եվ բոլոր նրանք, ովքեր ճանաչել են Աստծուց սահմանված ծառայությունը, մասնակցել են նույն ծառայությանը, նույն քարոզչությանը, և քարոզելու են նույն խոսքը: Խնդրեմ:

—«10 Եւ երբոր նորանք գնացին գնելու, փեսան եկաւ. եւ պատրաստները նորա հետ հարսանիքը մտան, եւ  դուռն փակուեցաւ»: [Մատթեոս 25.10]

«Ահա շուտով գալիս եմ» [Հայտն. 22.20]

«Եւ Հոգին  եւ հարսն ասում են. Եկ»: [Հայտն. 22.17]

2023 թվականին մենք ակնկալում ենք, որ Աստված Զորավոր բաներ կանի և կկատարի Իր խոստումները մեր մեջ: Մենք կարող ենք վստահ լինել, որ Նրա Խոսքը բոլոր նրանց մեջ, ովքեր հավատում են Նրան, և կիրագործի ա՜յն, ինչ Նա խոստացել է: Ամեն:

—Մենք իսկապես շատ, շատ շնորհակալ ենք Տիրոջը: Եվ կարող ենք կրկին ընդգծել. Մենք հետ ենք նայում բոլոր այս տարիներին՝ 1966 թվականից սկսած, և մենք շնորհակալ ենք Տիրոջը, որովհետև իսկապես բոլոր ազգերն ու ժողովուրդները կարողացել են ներգրավվել դրանում, և ինչպես որ գրված է, որ Աստծո արքայության ավետարանը, աստվածային փրկության պատգամը, կքարոզվի բոլոր ժողովուրդներին, և այդ ժամանակ կգա վերջը: Վերջը գալու է: Աստված սպասում է մինչև վերջինը կկանչվի: Բայց մինչ այժմ արդեն ահագին բան է կատարվել: Եվ հիմա ամեն բան կատարվելու է արագ հաջորդականությամբ, հարվածը հարվածի հետևից: Եվ մենք շնորհակալ ենք Տիրոջը, որ ամենևին էլ պետք չէ ժամանակ սահմանել, այլ որ բոլորը շարունակում են ապրել իրենց կյանքով, բայց իրենց սրտում կապվա՜ծ են Աստծո հետ և իրենց պատրաստությունն են տեսնում: Իմ սրտում դրվա՜ծ է այն, որ ողջ երիտասարդությունը, ովքեր մեծացել են հավատացյալ ընտանիքներում… Եվ չէ՞ որ երեխաները երիտասարդներ են դառնում, երիտասարդները չափահաս: Եվ մենք 1000 նոր Աստվածաշունչ ենք տպագրել, և ես ցանկանում եմ որ բոլոր երիտասարդները, ովքեր կուզենան Աստվածաշունչ ունենալ գերմաներեն լեզվով, կարող են պատվիրել և ձեռք բերել անվճար: Թող Տերը ողորմություն անի, որպեսզի բոլոր երիտասարդները կարողանան իրենց անձնական փրկագնման փոձառությունն ունենալ: Եվ բավականին հաճա՜խ էր Բրանհամ եղբայրն ասում, որ Աստված միայն երեխաներ ունի, զավակներ և դուստրեր, և ոչ թոռներ: Եվ բոլոր նրանք, ովքեր ծնվել են հավատացյլ ընտանիքներում, պետք է ունենան փրկության նույն փորձառությունները: Եվ այստեղ, նոր, շատ լուրջ Խոսք կարդացվեց. «Եվ պատրաստները հարսանյաց ընթրիքը մտան, և դուռը փակվեց»: Հնչում է վերջին կանչը, վերջին պատգամը քարոզվել է շխարհով մեկ: Եվ ես մեկ անգամ ևս կրկնում եմ. Եկեք մի կողմ դնենք ամեն գաղջություն, ամեն անտարբերություն, և եկեք Տիրոջը ծառայենք, և ոչ մի հավաքույթ բաց չթողնենք, և իսկապես մեր նախապատրաստության փորձառությունն ունենանք: Եվ ես կասեմ ձեզ, որ ամեն քարոզի մեջ ինչ-որ բան կա յուրաքանչյուրի համար, և շնորհակալությո՜ւն Տիրոջը, որ մենք զգում են որ դա անձամբ մե՜զ է հասցեագրված: Վերջերս ես ասացի մի քանի եղբայրների. Ճիշտ նույն ձևով, ինչպես ես՝ Ֆրանկ եղբայրը կարող եմ կանգնել և վկայությո՜ւն տալ, այնպես էլ Տերն էր կանգնել պատուհանի աջ կողմում և խոսեց ինձ հետ: Եվ ամեն մի Խոսքը մնո՜ւմ է հավերժ: Նա ինձ հետ անձա՜մբ է խոսել: Եվ պետք է այնպե՜ս լինի, որ Խոսքն անձա՜մբ խոսի յուրաքանչյուրի հետ, այնտե՜ղ, որտեղ մենք անձամբ գտնվում ենք, և հե՜նց Խոսքի քարոզչության ժամանակ: Թող Տերն օրհնի բոլորին այս տարի: Թող այս տարին հոբելյան տարի լինի, որպեսզի մենք բոլորս լիակատար վերկանգնում ունենանք, որպեսզի Աստված կարողանա օրհնե՜լ Իր ողորմությամբ, բոլոր ժողովուրդներում, ազգերում և լեզուներում:  Շնորհակալությո՜ւն Տիրոջը, նաև մեր բոլոր եղբայրների համար, ովքեր թարգմանում են տարբեր լեզուներով, փա՜ռք Տիրոջը եղբայրների համար ովքեր տիրապետում են սարքավորումներին, որոնցով բոլոր քարոզները հնարավոր է լինում ուղիղ հեռարձակել: Շնորհակալություն Տիրոջը, որ մենք կարող ենք ապրե՜լ Շնորհքի այս ժամանակահատվածը: Եվ եկեք ասենք սա Տիրոջ երեսի առջև, որ սա մարդկության պատմության ամենակարևոր ժամանակահատվա՜ծն է, և Կենդանի Աստծո համայնքի՜ ամենակարևոր ժամանակահատվածն է: Ո՞վ ականջ ունի, որպեսզի լսի՜ թե Հոգին ինչ է ասում եկեղեցիներին Խոսքի միջոցով, վերջին պատգամի միջոցով: Որովհետև մեր նախապատրաստությունը կայանալու է նրանում, որպեսզի մենք հավատանք Աստծո յուրաքանչյուր Խոսքին, և հակառակություն չունենանք մեր ներսում: Եվ ինչպես որ լսեցի՜նք ներածական Խոսքի մեջ. Աստծո բերանից դուրս եկած ամեն Խոսք, որն ուղղված է եղել ինձ և քեզ, դատարկ չի վերադառնալու Աստծուն, այլ կատարելու է մեր կյանքի մեջ ա՜յն, ինչ համար ուղարկվել է, ա՜յն ինչ Աստված հավիտենությունից ի վեր նախասահմանել է Իր փրկագնման ծրագրում: Դա է «Այո»-ն և դա է «Ամեն»-ը, և այդ բոլոր խոստումները կկատարվեն մեզանով: Օ՛, շնորհակալություն Տիրոջը, ի սրտե շնորհակալություն, որ մենք անձամբ կարող ենք այդ ամենը վերապրել՝ կա՜նչը, դուրս գա՜լը և զատվելը, պատրաստվե՜լը, ողորմությամբ կարող ենք անձամբ վերապրել: Թող այս տարին Տիորջ օրնյալ տարին լինի, թեկուզ այն փորձությունների մեջ որոնցով անցնում ենք, չէ՞ որ կան ամենուրեք փորձություններ, բայց եկեք մենք Տիրո՜ջը հուսանք, Նա մեզ հետ է ամեն օր, մինչև աշխարհի վերջը, մինչև Նա կվերադառնա և մեզ տուն կտանի: Եվ այն ժամանակ բոլոր տանջանքները կվերջանան, այն ինչ երկրավոր է կմնա հետևում, և մենք վեր կբարձրանանք դեպի մեր Տերը: Թող օրհնվի՜ և փառավորվի՜ մեր Տերը: Եվ սա ևս պետք է ընդգծենք, որ մենք հավատում ենք հոգու, շնչի և մարմնի ամբողջական փրկագնմանը, ամբողջական ազատագրմանը: Մենք շնորհակալ ենք Աստծուն Խոսքի համար, արյա՜ն համար, Հոգո՜ւ համար, մենք շնորհակալ ենք Աստծուն Հին և Նոր Կտակարանների համար, շնորհակալ ենք այն ամենի համար, ինչ Նա տվել է մեզ Իր ողորմությամբ, և շնորհակալ ենք Նրան, որ նա որպես մեր Տերն ու Փրկիչը վերադառնալու է որպեսզի մեզ փառքի մեջ վերցնի: Նրան լինի փառքը հավիտյան: Օրհնված եղեք ամենակարող Աստծո օրհնություններով, Հիսուսի սուրբ անունով: Ամեն: