Էվալդ Ֆրանկ

2022 թ. Դեկտեմբեր 4, Կրեֆելդ, Գերմանիա

Ներածական խոսք` Եղբայր Բորգ.

Մենք ողջունում ենք բոլոր եղբայրներին և քույրերին ողջ աշխարհով մեկ, այս հեռարձակմանը՝ «Աստվածաշնչյան Խոսք Ֆրանկ եղբոր հետ»: Մենք անչափ շնորհակալ ենք Աստծուն այն առանձնաշնորհման համար, որ այս ժամանակը, որում ապրում ենք, կարող ենք լսել Աստծո բացահայտված Խոսքը: Թո՜ղ որ Տերը, օրհնի՜ Ֆրանկ եղբորը, զորացնի՜ նրան, և Իր Հոգով առաջնորդի՜, որպեսզի նա կարողանա ասել ա՜յն, ինչ Տերն է ուզում ասել համայնքին: Նախքան որ Ֆրանկ եղբայրը կխոսի՜ մեզ, ես ներածական խոսք կկարդամ, Եփեսացիների ուղերձից, 3-րդ գլուխ, 20 և 21 Խոսքերը:

«20   Բայց  նորան՝ որ կարող է առատութեամբ անել  ամեն բաներից աւելի քան որ խնդրում ենք եւ իմանում,  այն զօրութեան չափովը՝ որ մեզանում ներգործում է. 

21    Նորան փառք լինի եկեղեցումը, որ Քրիստոս Յիսուսումն է, ամեն դարերում յաւիտեանս յաւիտենից։ Ամէն»:

Խնդրեմ Ֆրանկ եղբայր:

Եղբայր Ֆրանկ.

Եվ ես նույնպես ցանկանում եմ ի սրտե ողջունել բոլորին, և շատ ողջույններ փոխանցել, որոնք մեզ են հասել, լինի դա Մյուլլեր եղբայրը Բալթիկ ծովից, լինի դա Մուամբա եղբայրը Կոլվեզիից, լինի դա Սիսոր եղբայրը Պրետորիայից, ամբողջ աշխարհից, լինի դա Բաումգարտներ եղբայրը Շվեցարիայից: Մենք շնորհակալ ենք Տիրոջից, և եթե Տիրոջը հաճելի լինի, մենք Շվեցարիայում կանոնավոր հավաքույթներ կունենանք:  Եվ մենք հարգանք ունենք Աստծո Խոսքի հանդեպ, և ամենակարևորը հավատացյալի համար, դա հավաքույթն է: Դրա համար Տերը խոստում է տվել. «Այնտեղ, որտեղ երկու, երեք հոգի Իմ անունովս հավաքված են…», խոսքը հենց սրա մասին է: Իսկ հետո այս խոսքը. «Մեկտեղ հավաքվելը մի թողնեք», որովհետև Տիրոջ գալուստը մոտեցել է: Մենք Աստծուն շնորհակալ ենք այն հեռարձակման համար, որը հնարավոր է լսե՜լ ողջ աշխարհով մեկ:  Այո՜, իսկապես կարելի է ասել, որ այսպիսի բան երբեք չի եղել: Մենք արդեն լսել ենք Բրանհամ եղբոր շուրթերից, որ վերջին Պատգամը, վերջին աստվածաշնչյան Պատգամը, պետք է նախորդի Քրիստոսի վերադարձին: Եվ դա իրականություն է դարձել մեր աչքերի առջև: Եվ մենք շատ շնորհակալ ենք Տիրոջը դրա համար: Մենք մի քանի թանկարժեք հատվածներ կդիտարկենք Աստվածաշնչից, և ես կխնդրեմ որ հենց հիմա սկսենք: Խնդրեմ:

—Մենք կարդում ենք Հռոմեացիների ուղերձից, 1-ին գլխից, 1-ին և 2-րդ Խոսքերը: Հռոմեացիներ 1-ին գլուխ, 1 և 2 Խոսքեր:

«1   Պօղոս Յիսուս Քրիստոսի ծառայ՝  կանչուած առաքեալ՝ Աստուծոյ աւետարանի համար  որոշուած, 

2   Այն որ  առաջուց  խոստացաւ իր մարգարէների ձեռովը սուրբ գրքերումը»:

—Փա՜ռք լինի մեր Տիրոջը: Պողոսը, նախքան փրկության լուրը քարոզելը, վկայակոչեց Հին Ուխտի մարգարեներին, ովքեր ամեն բան արդեն նախապես ասել էին, թե ինչ է լինելու, երբ Աստված Նոր Ուխտ է կնքելու: Եվ ահա, նա Հին Կտակարանյան հատվածներ է օգտագործում Նոր Կտակարանում՝ իր յուրաքանչյուր նամակի մեջ: Եվ ես իսկապես ուզում եմ, որ բոլոր ժողովուրդներից և լեզուներից բոլորը հասկանան, որ մենք այսօր չե՜նք կարող, իրավունք չունե՜նք և չենք ուզում այլ բա՜ն քարոզել, քան ա՜յն, ինչ քարոզել են Աստծո կողմից կանչված և նշանակված մեր եղբայրները: Եվ ինչպես լսեցինք ներածական խոսքում, որ Աստված ի վիճակի է անել ավելին, քան մենք կարող ենք խնդրել և աղոթել, առաջին հերթին Նա ցանկանում է կատարել Իր խոսքը և բոլոր խոստումները պետք է իրականանան և ի կատար ածվեն: Այսպիսով, մենք նույնպես հռչակում ենք մաքուր, ճշմարիտ ավետարանը, փրկության աստվածային Պատգամը, ինչպես այն կանխասվել է Հին Կտակարանում, և հռչակվել Նոր Կտակարանում: Խնդրում եմ, սիրելի եղբայրներ և քույրեր բոլոր ազգերից և լեզուներից, խնդրում եմ ուշադրություն դարձրեք, որ Նոր Կտակարանը սկսվեց Աստվածաշնչյան մարգարեությունների իրականացմամբ: Հովհաննես Մկրտիչը խոստացված մարգարե էր, մարդ որը Աստծուց ուղարկված էր, Աստծո ժողովրդին ուղղված Աստծո Պատգամով, և կատարվեցին Եսայիա 40.3-ի և Մաղաքիա 3.1-ի Սուրբ Գրվածքները: Փրկիչի ծննդյան հետ կապված նույնպես  կանխասված է եղել մարգարեների կողմից,  որ «Կույսը կղիանա և որդի կծնի»: Ամեն ինչ կանխասվել է, և ամեն ինչ կատարվել է այնպես, ինչպես մարգարեացել էին մարգարեները: Նույնը տեղի է ունենում մեր օրերում: Աստված իսկապես Եղիայի նման մարգարե է խոստացել, Տիրոջ մեծ և ահեղ օրը գալուց առաջ: Այսդպես է գրված Մաղաքիայի 4-րդ գլխում: Եղբայրներ և քույրեր, ամենը՝ ինչի կարիք որ ունենք ա՜յն է, որ հարգանք ունենանք Աստծո և Նրա Խոսքի հանդեպ, և ճշմարիտ կենդանի հավատք, այն ամենին ինչ Աստված ասե՜լ է Իր Խոսքում, նաև խոստացել: Քանի որ այնտեղ բառացիորեն ասվում է. «Նա որդիների սրտերը նորից կդարձնի դեպի իրենց հայրերը»: … «… ամեն ինչ նորից կկարգավորի»: Սա նաև այն է, ինչ մեր Տերը կրկնեց Մատթեոս 17-ում: Մենք շնորհակալ ենք Աստծուն Իր մարգարեի՝ Բրանհամ եղբոր բերած Պատգամի համար մեր ժամանակում, և շնորհակալ ենք, որ իսկապես հետ ենք վերադարձվել Աստծուն և Աստծո Խոսքին: Երբ Աստվածաշունչը խոսում է Տիրոջ օրվա մասին, մենք պետք է կարդանք, թե նախապես ի՞նչ է ասվել դրա մասին: Արդեն Հայտնություն 1-ին գլխում Հովհաննեսը տեղափոխվեց «Տիրոջ օրը»: Եվ եթե դուք այդ մասին հարցնեք ադվենտիստին կամ շաբաթապահին. «Ի՞նչ է նշանակում Տիրոջ օր», ապա այսպիսի պատասխան կլինի՝ «Դա շաբաթն է»: Այո՜: Բայց նա ով կարդում է բազմաթիվ հատվածներն Աստվածաշնչից, որտեղ գրված է Տիրօջ օրվա մասին, նա Աստծուց պատասխան կստանա: Եվ մենք ուրիշ ոչինչ չենք ուզում, այլ միայն Աստծո պատասխանը յուրաքանչյուր աստվածաշնչյան թեմայի վերաբերյալ: Մենք կշարունակենք կարդալը:

—Մենք կարդում ենք Գործք Առաքելոց, 1-ին գլուխ, 4 և 5 Խոսքերը: Գործք. 1-ին գլուխ, 4 և 5 Խոսքեր:

«4    Եւ նորանց միասին ժողովուած ժամանակը, պատուէր էր տալիս նորանց՝ Երուսաղէմիցը չ’հեռանալ, այլ սպասել Հօր աւետիքին,  որ՝ ասեց՝ ինձանից լսեցիք։ 

5    Որովհետեւ Յովհաննէսը յիրաւի ջրով մկրտեց.  բայց դուք Սուրբ Հոգով կ’մկրտուիք, ոչ թէ շատ օրեր սորանից յետոյ»:

—Շնորհակալությո՜ւն Տիրոջը, ով ոչ միայն կոչո՜ւմ է տվել, այլ ուղղակիորեն ասել է, թե ինչն է պատկանում այդ կոչմանը, հա՜տկապես օժտված լինելը Սուրբ Հոգու զորությամբ, ի վերուստ զորությամբ, որպեսզի քարոզչությունը մտքո՜վ չնդունվի, ո՜չ էլ մարդկային մտքի հետևանք լինի, այլ ներշնչված և առաջնորդված լինի Սուրբ Հոգով, և դա ներկա պահին ամենակարևորն է: Մենք բոլորս գիտենք, որ բոլոր եկեղեցիներում բոլորն ունեն իրենց ուսմունքները և իրենց սեփական դավանանքները, որն իրենք են հիմնել, բայց մենք պարզապես վերադառնում ենք Աստծո Խոսքին: Եվ որպեսզի ձեզ տանք առաջին օրինակը, Հովհաննեսի ավետարանում մենք տեսնում ենք Տիրոջ զրույցը Նիկոդեմոսի հետ, և Տերն ասում է. «…ճշմարիտ ասում եմ քեզ.  Եթէ մէկը վերստին չծնուի՝ կարող չէ Աստուծոյ արքայութիւնը տեսնել», իսկ հետո սա է ասվում. «…եթէ մէկը ջրից եւ Հոգուց չծնուի, նա կարող չէ Աստուծոյ արքայութիւնը մտնել»: Յուրաքանչյուրը կարող է կարդալ Սա: Ճշմարիտ քարոզիչները կա՜նգ չեն առնում և մնում այստեղ, նրանք անցնում են շարունակությանը, հաջորդ Խոսքին, և միասին են դիտարկում, այն ինչը միասին է:

Ի՞նչ են արել բոլոր եկեղեցիները։ Անկախ նրանից՝ հռոմեական է, հունական, ուղղափառ, անգլիկան, թե երիցական եկեղեցի, նրանք վերցրեցին այս երկու բառերը՝ «Ջրից և հոգուց», և օգտագործեցին այն որպեսզի մանական ճակատին երեք անգամ ջուր կաթեցնեն և ասեն. Հոր, Որդու և Սուրբ Հոգու անունով, և հետո իբր այդ մանուկը վերստին ծնվում է և Աստծո զավակ է դառնում Սուրբ Հոգու միջոցով: Դա ուղղակի մարդ պետք է տեսնի և հասկանա,  որ եկեղեցիներում խարդախությո՜ւնը, իսկապես սկսվում է մարդու ծննդյան օրից և ավարտվում է միայն նրա հուղարկավորությամբ: Եվ այդ պատճառով պետք է պարզ ասել, որ անհրաժեշտ է Աստվածաշնչից մնացած հատվածներն էլ կարդալ՝ ամբողջական պատկեր ունենալու համար: Եվ այդ պատճառով մենք պարզապես պետք է վերադառնանք այն բանին, ինչ քարոզել են առաքյալները առաջին և վերջին քարոզում, ուսուցանել են և կիրառել են:

Եկեք շարունակե՜նք կարդալ:

—Մենք կկարդանք Գործք Առաքելոցից, 1-ին գլուխ, 8-րդ Խոսքը: Գործք. 1-ին գլուխ, 8 Խոսքը:

«8 Բայց  դուք զօրութիւն կ’առնէք՝  երբոր Հոգին ձեզ վերայ կ’գայ,  եւ իմ վկաները կ’լինիք Երուսաղէմումը եւ բոլոր Հրէաստանի եւ Սամարիայի մէջ մինչեւ երկրի ծայրերը»:

—Ամեն: Եվ դրա համար էլ Նոր Կտակարանի եկեղեցու հիմնադրման ժամանակ տեղի ունեցավ Սուրբ Հոգու հեղումը։ Պետրոսը միանգամից չքարոզեց, նա սպասեց մինչև խոստումն իրականացավ, մինչև վերից Զորություն ստացավ Սուրբ Հոգու հեղմամբ, և միայն դրանից հետո Պետրոսը վեր կացավ և ասաց. «Սա այն էր ինչ Աստվա՜ծ էր խոստացել Հովել մարգարեի միջոցով, որ վերջին օրերում պետք է կատարվեր, և ահա հիմա կատարվեց»: Եվ մենք պետք է ամենայն հարգանքով դեպի սկիզբը վերադառնանք: Եվ դրա համար է ուղարկվել վերջին Պատգամը, որը հարյուր տոկոսով համապատասխանելու է սկզբնական Պատգամին: Խնդրեմ:

—Կարդում ենք Գործք Առաքելոց 2-րդ գլուխ, 39-ը Խոսքը: Գործք 2-րդ գլուխ, 39 Խոսք:

«39 Որովհետեւ  ձեզ եւ ձեր որդկանց համար է այս խոստմունքը, եւ  այն ամեն հեռաւորների համար, որոնց մեր Տէր Աստուածը կ’կանչէ»:

—Այս Խոսքը նույնպես շատ կարևոր է.

«Ապաշխարեք և ձեզանից յուրաքանչյուրը մկրտվի Տեր Հիսուս Քրիստոսի անունով»։ Հավատքը գալիս է քարոզից և դրա համար էլ գրված է՝ «Ով հավատա և մկրտվի, կփրկվի»։ Եվ այստեղ՝ Պենտեկոստեի օրը քարոզվեց առաջին քարոզը, և կատարվեց առաջին մկրտությունը Տեր Հիսուս Քրիստոսի անունով: Առաքյալներն այստեղ էին, այստեղ էր նաև Պետրոսը, ով լսել էր թե Տերն ինչ հանձնարարություն էր տվել Մատթեոսի 28-րդ գլխում մեծ հանձնարարականի մեջ. «Ուրեմն գնացեք ամբողջ աշխարհը, և քարոզեք ավետարանը բոլոր արարածներին: Ով հավատա և մկրտվի...»: Իսկ հետո. «Եվ մկրտե՜ք նրանց ա՜յն անունով… ա՜յն անունով…», ոչ թե երեք տիտղոսներով, այլ ա՜յն անունով, որով Աստված հայտնել է Իրեն որպես Հայր Որդու մեջ, և Սուրբ Հոգու միջոցով: Եվ այդ պատճառով Նոր Կտակարանի եկեղեցում բոլորը մկրտվեցին Տեր Հիսուս Քրիստոսի անունով:

Բայց հիմա գալիս է ամենակարևոր և հիմնական բաժինը.

«…Որովհետեւ  ձեզ եւ ձեր որդկանց համար է այս խոստմունքը, եւ  այն ամեն հեռաւորների համար, որոնց մեր Տէր Աստուածը կ’կանչէ»:

Ես սա ցավով եմ ասում, և այս հատվածը նույնպես Գրվածքից, ա՛յնքան կարևոր է… Եվ այն շատ մեծամեծ մարդկանց կողմից, ովքեր հանդես են եկել որպես արթնության քարոզիչներ, սխալ  է հասկացվել, օրինակ այս հատվածը. «…ձեզանից ամեն մէկը թող մկրտուի Յիսուս Քրիստոսի անունովը… եւ Սուրբ Հոգու պարգեւը կ’ընդունիք»:(Գործք. 2.38)

Անվանակոչե՞մ ես այն մեծ եկեղեցին, որը հայտարարում է, թե «Ով մկրտվե՜լ է, արդեն ստացե՜լ է Սուրբ Հոգին»: Եթե այսօր դուք գնաք մկրտականների մոտ, մեթոդականների մոտ, շատերի մոտ, եթե դուք գնա՜ք այնտեղ, ապա ես հարց եմ տալիս. Լսե՞լ եք դուք արդյոք որ որևէ մկրտական համայնքում աղոթքներ անցկացվեն Սուրբ Հոգով մկրտվելու համար: Այնտեղ հավատում են, որ երբ մարդը մկրտվում է, հենց այդ պահին ավտոմատաբար ստանում է Սուրբ Հոգին, քանի որ գրված է. «…ձեր եւ ձեր որդկանց համար է այս խոստմունքը»: Բայց նա ով շարունակում է կարդա՜լ Գործք Առաքելոցը, լինի դա 8-րդ, կամ 10-րդ գլուխը, թե լինի 19-րդ գլուխը, պարզապես պետք է շարունակե՜լ կարդալը: Այնտեղ մի տեղ մարդիկ նախ մկրտվեցին, իսկ հետո եկան առաքյալները Երուսաղեմից՝ ձեռքերը դնելու հավատացողների վրա, որպեսզի նրանք Հոգով մկրտվեն: Իսկ մյուս դեպքում՝ օրինակ Կոռնելիոսի հետ կապված, նրանք սկզբում մկրտվեցին Հոգով, իսկ հետո՝ ջրով: Գործք 19-ում սկզբում ջրով մկրտվեցին, իսկ հետո Հոգով մկրտվեցին: Ինչո՞ւ չեն մարդիկ Աստվածաշնչյան մեկ հատվածից գնում մյուս հատվածը,  այլ վերցնում են միայն մեկ հատվածը, և դա են վկայակոչում… Եվ նրանք սխալ էին հասկացել Գրվածքի այդ հատվածը: Վերցրեք օրինակ մեկ ուրիշ հարանվանություն, կան ոմանք ովքեր ընդհա՜նրապես   չեն ընդունում մկրտությունը, նրանք վերցնում են 1-ին Կորնթացւների 1-ին գլխից այն, որ Պողոսն ասում է. «Աստված ինձ չուղարկեց մկրտելու, այլ ավետարանը քարոզելու»: Եվ այդ պատճառով, մի մեծ եկեղեցու արթնության քարոզիչն ասում է, որ «Աստված չուղարկեց ինձ մկրտելու, լավ, ուրեմն մենք չենք մկրտում, մենք ավետարան ենք քարոզում»: Ինչո՞ւ, ինչո՞ւ Աստծո այս մեծ մարդը չշարունակեց առաջ գնալ: Եվ եթե նույնիսկ վերադառնանք ռեֆորմա՜ցիային, չէ՞ որ Մարտին Լյութերը ոչ միայն դե՜մ էր հավատքի մկրտությանը, այլ նույնիսկ նա արտասանեց իր դատավճիռը, անիծե՜ց անաբապտիստներին, ովքեր նորի՜ց էին մկրտվել: Մի կողմից նա Աստծո մարդ էր, ով քարոզում էր ավետարանը, մյուս կողմից կուրությամբ էր բռնվել: Եվ եթե անցնենք բոլոր արթնությունների միջով, ապա Ռեֆորմացիայից հետո միայն մասնակի ճշմարտություններ են բացահայտվել: Բայց յուրաքանչյուր արթնության մեջ ինչ-որ նոր բան է բացահայտվել Գրվածքից, մինչև Հիսունական արթնությունը, որտեղ Սուրբ Հոգու հեղումը նորի՜ց է ընդգծվել, և շեշտադրվել: Բայց հիմա, հիմա մենք իսկապես հասել ենք այն հատվածին, երբ դուք այլևս չեք կարող մնալ ավանդական ուսմունքների մեջ, քանի որ նույնիսկ հիսունականությունը մնացել է Երրորդության վարդապետության մեջ, նրանք հավատում են Սուրբ Երրորդությանը, որ Հայրը հավիտենական է, Որդին հավիտենական է, Սուրբ Հոգին հավիտենական է։ Աստվածաշնչում ո՞րտեղ է գրված նման բան: Մի կողմից մկրտվել են Հոգով, մյուս կողմից մնացել են մոլորության մեջ, և մկրտում են հռոմեական բանաձևով՝ «Հոր, Որդու և Սուրբ Հոգու անունով»,  բայց պնդում են, որ մկրտվե՜լ են Հոգով։ Եվ թույլ տվեք, որ ամենայն պարզությամբ ես ասեմ սա, ճշմարիտ հավատացյալները, ովքեր ստացել են Սուրբ Հոգին, նրանք Սուրբ Հոգով կառաջնորդվեն ամբողջ ճշմարտության մեջ, և նա ով հիմա հայտարարում է, որ ստացել է Սուրբ Հոգին, նա պետք է հետ վերադառնա, նա չի մնալու երրորդության ուսմունքի մեջ, երրորդաբանական մկրտության մեջ, բոլոր այդ ավանդույթների մեջ, նա պետք է սրբագործվի ճշմարտության խոսքով, որովհետև այդպե՜ս է գրված. «Սուրբ արա նրանց Քո ճշմարտությունովը, Քո Խոսքը ճշմարտություն է», և այսպե՜ս է գրված. «Առանց սրբության ոչ ոք Տիրոջը չի տեսնի»:   Եվ դրա համար պետք է Աստծո ճշմարտությունը հռչակե՜լ յուրաքանչյուր աստվածաշնչյան թեմայի մեջ, որպեսզի բոլոր նրանք ովքեր Հարս-համայնքից են, ճշմարտապես սրբագործված լինեն: Խնդրեմ:

— Մենք կարդում ենք 2-րդ Կորնթացիների, 1-ին գլխից 20-22 Խոսքերը:

«20 Որովհետեւ որքան Աստուծոյ խոստմունքներ որ կան՝ նորանում է այոն, եւ նորանում է ամենը Աստուծոյ փառքի համար մեզանով։ 

21 Բայց մեզ ձեզ հետ Քրիստոսումը հաստատողը եւ  մեզ օծողը Աստուած է. 

22 Որ մեզ կնքեց էլ.  եւ Հոգու գրաւը մեր սրտերի մէջ տուաւ»:

—Խնդրում եմ, սիրելի եղբայրներ և քույրեր, նորից կարդացեք այս Խոսքերը։ Այս Խոսքերը, Նրանք ուղղված են ընտրյալներին, նախասահմանվածներին, ճշմարիտ հավատացյալներին: Մենք այտեղ կարդացել ենք Սուրբ Գրքում՝ մեր Տիրոջ մասին, Նրա մեջ ամենը «այո» է, և «ամեն» է, և խոստումների իրականացումը մեզանով: Բայց միայն նրանք ովքեր հավատո՜ւմ են Աստծո խոստումներին, միայն նրանց մե՜ջ նրանք կարող են իրականանալ: Անցե՜ք այսօր եկեղեցուց եկեղեցի, համայնքից համայնք, ո՞վ է հավատում Աստծո բոլոր խոստումներին, որոնք գրվա՜ծ են Խոսքի մեջ, ո՞վ է հավատում այն խոստումին, որ Աստված Եղիայի նման մարգարե է ուղարկելու Տիրոջ մեծ և ահեղ օրը դեռ չեկած: Միայն նրանք, ովքեր հավատո՜ւմ են Աստծո խոստումներին, ստանում են Սուրբ Հոգու մկրտության օծությունը, և նաև Սուրբ Հոգու կնիքը: Իսկ նրանք, ովքեր չե՜ն հավատում խոստումներին, կարող են ստանալ միայն օծությունը, բայց ո՜չ կնիքը:  Եվ մենք դա պարզապես պետք է մեկնդմիշտ ընդգծե՜նք: Այսօր, ինչպես մեկը գրել էր, 550 միլիոն Սուրբ Հոգով մկրտված կա: Այդ 550 միլիոնից քա՞նիսն են հավատում խոստումին: Նրանք բոլորը հավատում են Հոգու մկրտությանը, դարձի գալուն, բայց նրանցից ոչ ոք չի հավատում, որ նախքան Հիսուս Քրիստոսի վերադարձը, Աստված մարգարե կուղարկի, որպեսզի ամեն բան բերվի բարեկարգ վիճակի: Բոլորը մնում են իրենց ուսմունքների, և իրենց հավատո դավանանքների մեջ: Եվ ես կրկնում եմ. Միայն նրանք,  ովքեր Աստծո՜ւց են ծնված, ովքեր ստացե՜լ են Սուրբ Հոգին, ովքեր իսկապես ստացել են Սուրբ Հոգու օծությունը, և ովքեր Աստծո բոլո՜ր Խոսքերին հավատում են՝ հա՜տկապես մեր օրերի համար տրված խոստումին, միայն նրանք կարող են ստանալ Աստծո Կնիքը: Եվ մենք շնորհակալ ենք, որ Տերը հոգացել է այն բանի համար, որ մենք կարող ենք ամբողջ սրտով հավատալ: Եվ մենք բոլորս գիտենք, որ Աստված Իր Հոգին թափե՜ց ամեն մարմնի վրա, բայց միայն ընտրյալներն են հավատում այն բանին ինչ Գրվա՜ծքն է ասում, և «Ինչպես որ Գրբա՜ծքն է ասում», և ստանում են ո՜չ միայն օծությունը, այլ նաև Սուրբ Հոգու կնիքը՝ Տիրոջ օրվա համար, այո՜, Նրա վերադարձի ժամվա համար: Խնդրեմ:

—Կարդում ենք Գաղատացիների ուղերձից, 4-րդ գլուխ, 28 Խոսքը: Գաղատացիներ 4-րդ գլուխ, 28 Խոսք:

«28 Իսկ մենք, եղբարք,  Իսահակի պէս խոստմունքի որդիք ենք»:

—Այս Խոսքին նույնպես լո՜ւրջ պետք է վերաբերվենք: Աբրահամը, նա ուներ նաև ԻսմաԷլին: Եվ այն բանից հետո երբ նրա կինը տո՜ւն մեկնեց, նա դարձյալ ամուսնացավ, և 6 երեխա ունեցավ: Այդպես է գրված Մովսեսի առաջին Գրքում՝ Ծննդոց 25 գլխում: Բայց Իսահա՜կը, Իսահա՜կն էր խոստումի որդին: Իսահակի՜ն նկատի ունենալով Աստված ասաց Աբրահամին. «…այս ժամանակ եկող տարին  դարձեալ քեզ մօտ կգամ, եւ Սարրան մի որդի կունենայ»: (Ծննդ. 18.14, Հռոմ. 9.9) Սա խոստո՜ւմ էր: Եվ եղբայրներ և քույրեր, մենք պետք է այս տերմինը՝ «Խոստո՜ւմ», ընդգծենք, և դարձյա՜լ ընդգծենք, «39 Որովհետեւ  ձեզ եւ ձեր որդկանց համար է այս խոստմունքը, եւ  այն ամեն հեռաւորների համար, որոնց մեր Տէր Աստուածը կ’կանչէ» (Գործք. 2.39): Ինչպես նաև այն խոստումը, որ Աստված մարգարե է ուղարկելու, որպեսզի ամեն բան կարգի բերվի: Եվ այսպիսով, եկեք շնորհակալություն հայտնենք Աստծուն, որ մենք բոլոր այս հատվածներն ունենք Գրվածքից, որ մենք խոստումի որդիներ ենք, հավատո՜ւմ ենք խոստումներին, և տեսնելու ենք նրանց իրականացումը: Եկեք շարունակենք կարդալը:

—Կարդում ենք Հռոմեացիների 11 գլուխ, 7-րդ Խոսքը: Հռոմեացիներ 11 գլուխ, 7 Խոսք:

«7 Ուրեմն ի՞նչ.  այն որ Իսրայէլը որոնում էր՝ նորան չ’հասաւ, բայց ընտրուածները հասան, եւ միւսները կուրացան»:

—Աստվածաշնչյան այս հատվածը նո՜ւյնպես մեծ նշանակություն ունի։ Ամբողջ ժողովուրդը դուրս էր բերվել, իսկ հետո, հետո եկավ 40 տարվա փորձաշրջանը, հետո տրտունջը, անհավատությունը, անհնազանդությունը: Եվ այդ պատճառով գրված է. «Ո՜չ թե ամե՜նքը դուրս եկան, այլ միայն ընտրյալները», նրանք, ովքեր տեղ չտվեցին անհավատությանը, անհնազանդությանը և չնկան մոլորության մեջ, այլ հա՜ստատ մնացին հավատքի և հնազանդության մեջ: Միայն մի փոքր խումբ հասավ նպատակին, ընտրյալ խո՜ւմբը հասավ Խոստացված Երկիրը: Ճիշտ նույն կերպ է նաև հիմա: Այն ինչ վերաբերվում է Տիրոջ եկեղեցուն, շատե՜րն են խոսում Տիրոջ վերադարձի մասին, ԻսրաԷլի վերադարձի մասի՜ն Խոստացված Երկիրը, շատերն են խոսում վերջին ժամանակների մասին, ժամանակների նշանի մասին, բայց միայն ընտրվածները՝ նրանք ովքեր հավատում են Աստծո բոլոր խոստումներին, միայն նրա՜նք կհասնեն նպատակին: Շնորհակալություն Տիրոջը դրա համար: Մենք շարունակում ենք կարդալը:

—Մենք կարդում ենք Հռոմեացիների ուղերձի 11-րդ գլխից, 25 և 26 Խոսքերը: Հռոմեացիների 11 գլուխ, 25 և 26 Խոսքեր:

«25 Որովհետեւ չեմ կամենում, եղբարք, որ չ’գիտենաք այս խորհուրդը,  որ ձեր անձերումը իմաստուն չ’լինիք,  որ մի մասով Իսրայէլին կուրութիւն եղաւ,  մինչեւ որ հեթանոսների լրութիւնը մտնէ։ 

—Շնորհակալություն Տիրոջը: Մենք իրականում հասել ենք այն ժամանակին, որտեղ Գրվածքից այս հատվածը իրականանում է, Հարս-եկեղեցու մեջ: Մինչև ամբողջական թվաքանակը կլրանա, Տերը կիրագործի ավարտական մասը, և մեզ Իր մոտ՝ տուն կվերցնի, իսկ հետո, հետո Նա կանդրադառնա ԻսրաԷլին, այն ժամանակ երկու մարգարեները կհայտնվեն ասպարեզում՝ աստվածային լիազորությունով, և երեքուկես տարի Երուսաղեմում կքարոզեն Խոսքը: Եվ այն ժամանակ, սկզբում 144000-ը պետք է դուրս կանչվեն և կնքվեն, իսկ հետո գալու է ամբողջ ԻսրաԷլը:  Բայց նախ պետք է տեղի ունենա Հարս-եկեղեցու լրացումը հեթանոսներից, որից հետո Տերն ամբողջապես կանդրադառնա ԻսրաԷլին: Եվ այդ ամենն արդեն շոշափելի ձևով մոտեցել է, Տիրոջ վերադարձն իսկապես դռների մոտ է: Մենք կշարունակում ենք կարդալը:

—Կարդում ենք 26 Խոսքը:

26 Եւ այսպէս բոլոր Իսրայելը կ’ապրի. ինչպէս գրուած է, թէ  Սիօնիցը Փրկիչը կ’գայ՝ եւ ամբարշտութիւնները դէն կ’գցէ Յակոբիցը»(Եսայիա 59.20-21, 27.9):

—Շնորհակալությո՜ւն Տիրոջը: Այստեղ Պողոսը վկայակոչում էր  Հին Կտակարանի հատվածները, և բարձրաձայն ու հստակ հայտարարում էր, թե ինչ է տեղի ունենալու ողջ Իսրայելի հետ: Խնդրեմ:

—Կարդում ենք Հովհաննեսի 14-րդ գլխից, 2 և 3 Խոսքերը: Հովհաննես 14, 2 և 3 Խոսք:

«2 Իմ Հօր տանը շատ բնակարաններ կան. ապա թէ ոչ ես ձեզ կասէի.  Գնում եմ ձեզ համար տեղ պատրաստելու։ 

3 Եւ եթէ գնամ եւ ձեզ համար տեղ պատրաստեմ,  դարձեալ կգամ եւ ձեզ ինձ մօտ կառնեմ.  որ ուր ես եմ, դուք էլ լինիք»:

—Շնորհակալություն Տիրոջը: Մենք սպասում ենք դրան, և գիտենք որ Տերը վերադառնալու է, ինչպես գրված է, Գործք. 1.11-ում. «…Այս Յիսուսը, որ ձեզանից վերացաւ երկինքը,  այսպէս կ’գայ ինչպէս նորան տեսաք երկինքը գնալիս»:

Խնդրեմ Բորգ եղբայր, ևս կարճ երկու Խոսք:

—Մենք կարդում ենք Մատթեոսի 24.4-ը:

«14 Եւ  արքայութեան այս աւետարանը  բոլոր տիեզերքումը կքարոզուի ամեն հեթանոսներին վկայութիւն լինելու համար, եւ այն ժամանակ կգայ վերջը»:

—Եվ այստեղ նույնպես, մենք կարող ենք ի սրտե ընդգծել, որ սա իրականություն է դարձել մեր աչքերի առջև, վերջին Պատգամը՝ Աստծո Խոսքը, այն իսկապես քարոզվե՜լ է բոլոր ազգերին և լեզուներին: Եվ մենք շնորհակալ ենք Աստծուն, և այս հեռարձակմա՜նը, նո՜ւյնպես կարող ենք, բոլոր եղբայրներին և քույրերին, բոլոր ազգերում, ժողովուրդներում և լեզուներում, մաղթել Աստծո առատ օրհնությունները այս առաքելության մեջ: Գրվածքը կատարվեց: Եվ ինչպես որ գրված է. «…և այն ժամանակ կգա վերջը», և վերջը շատ մոտ է: Խնդրեմ:

—Մենք կարդում ենք Մատթեոսի 25-րդ գլխից, 6-րդ Խոսքը:

«6  Եւ կէս գիշերին  աղաղակ եղաւ՝ Ահա փեսան գալիս է. դուրս եկէք նորան դիմաւորելու»:

—Այո՜: Մենք չենք ասում. «Նա արդեն եկել է»: Բայց Աստվածաշնչի շատ թարգմանություններում գրված է. «Փեսա՜ն գալիս է», և դա վերջին կա՜նչն է, ոչ թե այնպես ինչպես երկու հազարամյակների ընթացքում դա հայտարարվե՜լ է, բայց շեշտադրումով, իշխանությամբ՝ «ՓԵՍԱՆ ԳԱԼԻ՜Ս Է», Նա գալիս է, Նա դռների մոտ է: Շարունակենք կարդալը:

—Կարդում ենք Մատթեոսի 25-րդ գլխից, 10-րդ Խոսքը:

«10 Եւ երբոր նորանք գնացին գնելու, փեսան եկաւ. եւ պատրաստները նորա հետ հարսանիքը մտան, եւ  դուռն փակուեցաւ»:

—Եվ այս Խոսքը նույնպես, այս Սուրբգրային հատվածը նույնպես լո՜ւրջ պետք է ընդունվի: Միայն նրանք, ովքեր պատրա՜ստ էին, ովքեր պատրաստվելո՜ւ են, Տերը միայն նրա՜նց կվերցնի Իր հետ՝ հափշտակությանը: Պատրա՜ստ եղեք կանգնելու Նրա առջև, և տեսնելու Նրա փառքը: Եվս երկու Խոսք:

—1-ին Թեսաղոնիկեցիներ 4-րդ գլուխ, 1-12 Խոսքերը: 1-ին Թեսաղոնիկեցիներ, 4-րդ գլուխ, 1-12 Խոսքեր:

«1 Այսուհետեւ, եղբարք, աղաչում ենք ձեզ եւ յորդորում ենք Տէր Յիսուսումը,  ինչպէս որ ընդունեցիք մեզանից,  թէ ինչպէս պէտք է ձեզ գնալ եւ  հաճոյ լինել Աստուծոյ, որ էլ աւելի յառաջանաք»:

—Այս Խոսքը նույնպես պետք է ընդգծել, որպեսզի մենք ապրենք Աստվածահաճո ձևով, որպեսզի Աստծո բարեհաճությունը կարողանա իջնել մեզ վրա: Եվ բոլոր եղբայրներն ու քույրերը, բոլոր այս Խոսքերը, ընդհուպ մինչև 15-րդ Խոսքը, թող ինքնուրույն բացեն և կարդան, բայց նաև այն, թե ինչ է գրված 16-րդ Խոսքից սկսած: Բայց խնդրում եմ, միշտ հիշեք այն, ինչ մենք արդեն կարդացել ենք 1 Թեսաղոնիկեցիս 4-րդ գլխից, քանի որ դա հափշտակության մասին է, և դրա համար այստեղ նորի՜ց է ընդգծվում, որպեսզի մենք ապրենք Աստծո հաճության պես, որպեսզի մասնակցություն ունենանք հափշտակությանը, և մյուս Խոսքերում մինչև 15-ը, մեզ ասվո՜ւմ է այդ: Այժմ մենք կկարդանք 16 Խոսքից:

—Կարդում ենք 1-ին Թեսաղոնիկեցիների 4րդ գլխի 16 -ից:

«16 Եւ յետոյ մենք, որ կենդանի ենք մնացած նորանց հետ մէկտեղ ամպերով օդի մէջ  կ’յափշտակուինք Տիրոջը դիմաւորելու  եւ այնպէս ամեն ժամանակ Տիրոջ հետ կ’լինինք։ 

17    Ուրեմն իրար մխիթարեցէք այս խօսքերովը»:

—Թող փառավորվի՜ մեր Տերը: «Սա մենք ասում ենք ձեզ Աստծո Խոսքի համեմատ»: Եվ հետո մենք կարդում ենք որ փողը հնչելու է: Իսկ ի՞նչ է կատարվում հիմա: Հիմա ոչ թե համընդանուր արթնություն է, այլ վերջին կանչն է արթնության համար, նախքան Հիսուս Քրիստոսի վերադարձը, որպեսզի մենք արթնանաք հոգևոր քնից, որպեսզի մենք զգաստանանք, և որպեսզի կարողանանք զանազանել, զանազանել ժամանակների նշանները, և թե այժմ ի՞նչ է կատարվում երկրի վրա, այն որ Տիրոջ վերադարձը դռների մոտ է: Ամեն բան կատարվում է: Եվ մեր Տերն ասաց. «Երբ այս բաները կտեսնեք կատարվելիս՝ պատերազմները, սովերը, թանկացումները, այս բոլորը, կլիմայական փոփոխությունները,…  երբ տեսնեք կատարվում է, ձեր գլուխները վեր բարձրացրեք, որովհետև ձեր փրկությունը մոտեցել է»:

Օ՛, ո՛րքան պետք է մենք երախտապարտ լինենք վերջին Պատգամի համար, որը մենք լսեցինք և որին ի սրտե հավատում ենք: Թող բոլորը արթնանան, թող բոլորը հավատա՜ն վերջին Պատգամին ամբողջ սրտով, թող որ մի կողմ դնեն ծուլությունը և անգործությունը, ողջ գաղջությունը, և կրակո՜տ դառնան՝ հոգով պատրաստ Տիրոջը ծառայելու: Թող մեր սրտերը իսկապես լցվա՜ծ լինեն երախտագիտությամբ, որ մենք ընտրյալներից ենք և որ բաց չենք թողնում ոչ մի հավաքույթ, և հավատում ենք Աստծո յուրաքանչյուր խոսքին:

Եվ հիմա մենք մի հատված ևս կլսենք Աստվածաշնչից. Խնդրեմ:

—Կարդում ենք Եսայիա 55-րդ գլխից, 8-ից 11-րդ Խոսքերը:

«8 Որովհետեւ իմ խորհուրդները ձեր խորհուրդները չեն, եւ ձեր ճանապարհները իմ ճանապարհները չեն, ասում է Տէրը. 

9 Այլ ինչպէս որ բարձր է երկինքը երկրից, նոյնպէս էլ բարձր են իմ ճանապարհները ձեր ճանապարհներիցը եւ իմ խորհուրդները ձեր խորհուրդներիցը։ 

10 Որովհետեւ  ինչպէս որ իջնում է անձրեւը եւ ձիւնը երկնքից եւ ետ չէ դառնում այնտեղ, այլ ոռոգում է երկիրը եւ նորան արգասաւոր անում եւ բողբոջեցնում նորան, եւ տալիս է սերմ սերմնացանին եւ հաց՝ ուտողին, 

11 Այնպէս էլ պիտի լինի իմ բերանից դուրս եկած խօսքը, նա պիտի պարապ ետ չդառնայ ինձ մօտ, այլ կատարէ իմ ուզածը, եւ յաջողուի նորանում, ինչի համար որ ես նորան ուղարկեցի»:

—Թող փառավորվի՜ մեր Տերը: Ես կխնդրեի որ ևս մեկ անգա՜մ ընթերցեիք այս Խոսքերն աղոթքով: Ո՛րքան զորավոր են այս մտքերը. «…Որովհետեւ իմ խորհուրդները ձեր խորհուրդները չեն, եւ ձեր ճանապարհները իմ ճանապարհները չեն…»: Աստված ողորմություն է արել մեզ թողնել մեր ճանապարհները և մտնել Աստծո ճանապարհի մեջ, այն նեղ ճանապարհի, որը դեպի կյանք է տանում: Այստեղ ամեն մի Խոսք, ամեն մի տող այնքան մեծ նշանակություն ունի. «…ինչպէս որ իջնում է անձրեւը եւ ձիւնը երկնքից եւ ետ չէ դառնում այնտեղ, այլ ոռոգում է երկիրը եւ նորան արգասաւոր անում եւ բողբոջեցնում նորան, եւ տալիս է սերմ սերմնացանին…»: Անձրևը հետ չի վերադառնում, այլ թաթվում է, որպեսզի սերմ ցանողը ցանի սերմը:

Մենք սպասում ենք առաջին և վերջին անձրևին, ինչպես որ գրված է և ինչպես կարդացել ենք: Եղբայրներ և քույրեր, խնդրում եմ հավատացե՜ք Աստծուն, ինչպես կարդացինք վերջին հատվածում. «Այնպէս էլ պիտի լինի իմ բերանից դուրս եկած խօսքը, նա պիտի պարապ ետ չդառնայ ինձ մօտ, այլ կատարէ իմ ուզածը, եւ յաջողուի նորանում, ինչի համար որ ես նորան ուղարկեցի»:

Ո՛վ Աստված իմ, ո՛վ Աստված իմ, ի՞նչ ասեմ ես: Ո՜չ մարգարեն, ո՜չ Բրանհամ եղբայրը, ո՜չ Ֆրանկ եղբայրը, այլ Աստծո Խոսքը Հարս-եկեղեցու հետ կկատարի ա՜յն, ինչի համար ուղարկվա՜ծ է եղել: Խնդրում եմ, խնդրում եմ այսպիսի հատվածներն Աստվածաշնչից նորի՜ց կարդացեք, և ասեք. «Սիրելի Տեր, թող այս ամենը կատարվի՜ ինձ հետ, տո՜ւր ինձ մասնակցություն ունենալ այն բանում ինչ Դու իրականացնո՜ւմ ես ներկա պահին»: Եվ նորից շեշտադրո՜ւմը.  «Անձրևը հետ չի դառնա, այլ բերրի կդարձնի հողը, որպեսզի սե՜րմ ցանվի, որովհետև ուղարկվե՜լ է Աստծո Խոսքը, որպեսզի իրականանա ա՜յն, ինչ Աստված խոստացել է»: Եվ մենք խոստումի՜ զավակներ ենք, հավատում ենք խոստումի խոսքին, և մենք կառչո՜ւմ ենք այդ Խոսքից, և ասում ենք. «Սիրելի Տեր, կատարիր իմ մեջ այն ամենը, ինչ խոստացել ես, ես ամբողջ սրտով հավատում եմ, որ ինձ հասած Քո խոսքը Քեզ դատարկ հետ չի վերադառնա, այլ կվերցնի ինձ Իր հետ, և կհասցնի հափշտակությանը, կատարելության կհասցնի այնպե՜ս, որ իմ կյանք Քեզ հաճելի լինի, և ես այնտե՜ղ կլինեմ երբ վերադառնաս Քոնիններին տուն տանելու»:  Իմ սիրտը լեցուն է, ես միայն ուզում եմ շնորհակալություն հայտնել Աստծուն, որ բացե՜ց մեր հոգևոր աչքերը, բացե՜ց մեր հասկացողությունը և թույլ տվեց մեզ հավատալ այնպե՜ս, ինչպես Գրվածքն է ասում: Թող բոլորն օրհնված լինեն ամենակարող Աստծո օրհնություններով: Եվ թող բոլոր Խոսքերն ու բոլոր խոստումները, մեր մեջ և մեր միջոցով ի կատար ածվեն, մինչև որ մենք անցնենք հավատալուց դեպի տեսնելը: Օրհնված եղեք ամենակարող Աստծո օրհնություններով, բոլոր ազգերում և լեզուներում, Հիսուսի սուրբ անունով: Ամեն: Մենք ոտքի կկանգնենք, և Բորգ եղբայրը կաղոթի՜ մեզ հետ:

—Երկնավոր Հայր, մենք շնորհակալ ենք Քեզ: Դու հավատարիմ և ճշմարիտ ես Քո բոլոր գործերի մեջ: Մենք այս առավոտ լսեցի՜նք Քո Խոսքը, և Քո Խոսքը դատարկ չի վերադառնում Քեզ, այլ միայն երբ կատարում է նրանց մեջ, ում Դու ուղարկել ես ա՜յն, ինչի համար Դու ուղարկել ես Նրան: Տեր, մենք շնորհակալ ենք Քո հավատարմության համար, Քո ողորմության համար, որ Դու բացեցի՜ր մեր աչքերը, սրտերն ու ականջները, վերջին Պատգամի համար: Տեր, խնդրում ենք օրհնե՜ս բոլոր լսողներին, Քո բոլոր ժողովրդին ողջ աշխարհով մեկ: Բժշկի՜ր հիվանդներին, ազատագրի՜ր կապվածներին, և փրկիր այն, ինչը դեռևս կորսված է՝ Քո անվան փառքի համար: Ընդունի՜ր այս շնորհակալությունը այս քարոզի համար, Հիսուսի անունով: Ամեն, ամեն: